'ಅಗ್ನಿಸಾಕ್ಷಿ'ಯಿಂದ ಸಿದ್ಧಾರ್ಥ್ ಹೋದ ಬೆನ್ನಲ್ಲೆ ಸನ್ನಿಧಿ ಕೊಡ್ತಾರಾ ಶಾಕ್?

ಸನ್ನಿಧಿ ಪಾತ್ರನೂ ಮುಗಿಯುತ್ತಾ?

ಸಿದ್ಧಾರ್ಥ್ ಮತ್ತು ಸನ್ನಿಧಿಯ ಜೋಡಿ ಕಿರುತೆರೆ ಪ್ರೇಕ್ಷಕರಿಗೆ ಆಲ್ ಟೈಂ ಫೆವರೇಟ್. ಸಿದ್ಧಾರ್ಥ್ ಹೈಟ್, ಸನ್ನಿಧಿ ಹೈಟು ಮ್ಯಾಚ್ ಆಗಿಲ್ಲ ಎಂಬ ಟೀಕೆಗಿಂತ ಅವರಿಬ್ಬರ ಜೋಡಿ ಮುದ್ದಾಗಿದೆ ಎಂದು ಹೊಗಳಿದವರೇ ಹೆಚ್ಚು. ಇದೀಗ, ಸನ್ನಿಧಿ ಜೋಡಿ ಸಿದ್ಧಾರ್ಥ್ ಬದಲಾಗ್ತಿದ್ದಾರೆ. ಹೊಸ ಸಿದ್ಧಾರ್ಥ್ ಹೇಗಿರಬಹುದು ಎಂಬ ಸುಳಿವು ಸಿಕ್ಕಿಲ್ಲ. ಪುನಃ ಆ ಪಾತ್ರ ವಾಪಸ್ ಬರುತ್ತಾ ಎಂಬ ಸುಳಿವು ಕೂಡ ಸದ್ಯಕ್ಕಿಲ್ಲ. ಹಾಗಾಗಿ, ಸನ್ನಿಧಿ ಕತೆ ಏನು ಎಂಬುದು ಈಗ ಚಿಂತೆಯಾಗಿದೆ.

ಆಸ್ಟ್ರೇಲಿಯಾಗೆ ಹೋದ ಸಿದ್ದಾರ್ಥ್ : ಪತಿ ಇಲ್ಲದೆ ಒಂಟಿಯಾದ ಸನ್ನಿಧಿ

ಸನ್ನಿಧಿ ಅಗ್ರಿಮೆಂಟ್ ಮುಗಿದಿಲ್ವಾ?

ಸಿದ್ದಾರ್ಥ್ ಈ ಧಾರಾವಾಹಿಯಿಂದ ಹಿಂದೆ ಸರಿಯಲು ಐದು ವರ್ಷದ ಅಗ್ರಿಮೆಂಟ್ ಮುಗಿದಿದೆ. ಬೇರೆ ಏನಾದರೂ ಮಾಡಬೇಕು ಎನ್ನುವುದು. ಹಾಗ್ನೋಡಿದ್ರೆ ಸನ್ನಿಧಿ ಅಗ್ರಿಮೆಂಟ್ ಮುಗಿದಿಲ್ವಾ? ಮುಗಿದಿದ್ದರೂ ಅದೇ ಧಾರಾವಾಹಿಯಲ್ಲಿ ಮುಂದುವರಿಸುವ ನಿರ್ಧಾರ ಮಾಡಿದ್ದಾರಾ ಅಥವಾ ತಾನು ಕೂಡ ಅಗ್ನಿಸಾಕ್ಷಿಗೆ ಗುಡ್ ಬೈ ಹೇಳಲು ನಿರ್ಧರಿಸಿದ್ದಾರಾ ಎಂಬ ಗೊಂದಲ ಕಾಡುತ್ತಿದೆ.

ಕೊನೆಯ ದಿನ ಸುಳಿವು ಕೊಟ್ಟರ ಸಿದ್ಧಾರ್ಥ್-ಸನ್ನಿಧಿ

ಅಗ್ನಿಸಾಕ್ಷಿ ಧಾರಾವಾಹಿಯ ನಿನ್ನೆ ಎಪಿಸೋಡ್ ನಲ್ಲಿ ನಡೆದ ಸಂಭಾಷಣೆ ಇದೆಕ್ಕೆಲ್ಲಾ ಪುಷ್ಠಿ ನೀಡುವಂತಿದೆ. ಆಸ್ಟ್ರೇಲಿಯಾ ಹೋಗಲು ಸಿದ್ಧವಾಗಿದ್ದ ಸಿದ್ದಾರ್ಥ್ ''ಇನ್ನು ಸ್ವಲ್ಪ ದಿನ, ನಿನ್ನನ್ನು ಅಲ್ಲಿಗೆ ಕರೆಸಿಕೊಳ್ಳುತ್ತೇನೆ, ಆಗ ಅಲ್ಲೇ ಸೆಟ್ಲ್ ಆಗಬಹುದು'' ಎಂದು ಸನ್ನಿಧಿಗೆ ಹೇಳಿದರು. ಸನ್ನಿಧಿ ಕೂಡ ಇದಕ್ಕೆ ಹುಂ ಸರಿ ಎಂದು ತಲೆ ಅಲ್ಲಾಡಿಸಿದರು.

ಸೀರಿಯಲ್ ಬಿಟ್ಟ ವಿಜಯ್ ಸೂರ್ಯಗೆ ವೈಷ್ಣವಿ ವಿಶ್

ಬಹುಶಃ ಸನ್ನಿಧಿಯೂ ಹೋಗಬಹುದು.!

ವಿಜಯ್ ಸೂರ್ಯ ಸಿದ್ಧಾರ್ಥ್ ಪಾತ್ರಕ್ಕೆ ಗುಡ್ ಬೈ ಹೇಳಿದಂತೆ ಸನ್ನಿಧಿ ಪಾತ್ರಕ್ಕೆ ವೈಷ್ಣವಿ ಗೌಡ ಕೂಡ ವಿದಾಯ ಹೇಳಬಹುದು. ಅದರ ಸೂಚನೆಯಂತೆ ಈ ಸಭಾಷಣೆ ಸಿದ್ಧ ಮಾಡಿರಬಹುದು ಎಂಬ ಅನುಮಾನ ಕಾಡುತ್ತಿದೆ. ಮುಂದಿನ ದಿನದಲ್ಲಿ ವೈಷ್ಣವಿ ಕೂಡ ವಿದೇಶಕ್ಕೆ ಹೋಗುವ ನೆಪವೊಡ್ಡಿ ಧಾರಾವಾಹಿಯಿಂದ ಹೊರಬರಬಹುದು?

'ಅಗ್ನಿಸಾಕ್ಷಿ' ಧಾರಾವಾಹಿಯಿಂದ ಹೊರ ಬಂದು ಶಾಕ್ ನೀಡಿದ ನಟ ವಿಜಯ್ ಸೂರ್ಯ