ಟಿವಿಯಲ್ಲಿ 'ಕೆಜಿಎಫ್' ಪ್ರಸಾರ ಮಾಡ್ತಿರೋದಕ್ಕೆ ಬೇಸರಗೊಂಡ ಅಭಿಮಾನಿಗಳು

ಇಷ್ಟು ಬೇಗ ಯಾಕೆ?

ಸಾಮಾನ್ಯವಾಗಿ ಹೊಸ ಸಿನಿಮಾಗಳು ಚಿತ್ರಮಂದಿರದಲ್ಲಿ ಬಿಡುಗಡೆಯಾಗಿ ಮೂರ್ನಾಲ್ಕು ತಿಂಗಳು ನಂತರ ಟಿವಿಯಲ್ಲಿ ಪ್ರಸಾರ ಮಾಡಲಾಗುತ್ತೆ. ಅದರಲ್ಲೂ ಹಿಟ್ ಸಿನಿಮಾ ಅಂದ್ಮೇಲೆ ಸ್ವಲ್ಪ ಲೇಟ್ ಆಗಿ ಅಂದ್ರೆ, ಥಿಯೇಟರ್ ನಿಂದ ಎತ್ತಂಗಡಿ ಆದ್ಮೇಲೆ ಟೆಲಿಕಾಸ್ಟ್ ಆಗುತ್ತೆ. ಬಟ್, ಕೆಜಿಎಫ್ ಸಿನಿಮಾ ಇನ್ನು ಚಿತ್ರಮಂದಿರದಲ್ಲಿ ಪ್ರದರ್ಶನವಾಗ್ತಿದೆ. ಅಷ್ಟರಲ್ಲೇ ಹಿಂದಿ ವರ್ಷನ್ ಸಿನಿಮಾ ಕಿರುತೆರೆಯಲ್ಲಿ ಬರ್ತಿರೋದು ಉತ್ತಮವಲ್ಲ ಎಂಬುದು ಕೆಲವರ ಅಭಿಪ್ರಾಯ.

ಅದಕ್ಕೆ ಹಿಂದಿಗೆ ಡಬ್ ಮಾಡಬಾರದು

ಕನ್ನಡದಲ್ಲಿ ಈ ಸಂಸ್ಕೃತಿ ಅಪರೂಪವಾದರೂ, ಪರಭಾಷೆಗಳಲ್ಲಿ ಇದು ಸಾಮಾನ್ಯ. ಹೊಸ ಸಿನಿಮಾ ರಿಲೀಸ್ ಆದ ಒಂದು ಅಥವಾ ಎರಡು ತಿಂಗಳಲ್ಲೇ ಟೆಲಿಕಾಸ್ಟ್ ಮಾಡ್ತಾರೆ. ಇದು ಹಿಂದಿಯಲ್ಲಿ ಹೆಚ್ಚು. ಹಾಗಾಗಿಯೇ ಈಗ ಕೆಜಿಎಫ್ ಸಿನಿಮಾವನ್ನ ಹಿಂದಿ ಭಾಷೆಯವರು ಬೇಗ ಟೆಲಿಕಾಸ್ಟ್ ಮಾಡ್ತಿದ್ದಾರೆ. ಇದನ್ನ ಅರಿತ ಕೆಲವರು ಹಿಂದಿಗೆ ಡಬ್ ಮಾಡಬಾರದು ಅಂತಿದ್ದಾರೆ.

ಬಾಹುಬಲಿನೂ ಹಾಗೆ ಮಾಡಿದ್ರು

ಹಿಂದಿ ಇಂಡಸ್ಟ್ರಿಯವರು ಯಾವಾಗಲೂ ಹೀಗೆ ಮಾಡ್ತಾರೆ. ಬಾಹುಬಲಿ ಸಿನಿಮಾ ರಿಲೀಸ್ ಆಗಿ 50 ದಿನ ಆಗಿದ್ದಾಗ ಟೆಲಿಕಾಸ್ಟ್ ಮಾಡಿದ್ರು. ಈಗ ಕೆಜಿಎಫ್ ಸಿನಿಮಾಗೂ ಹಾಗೆ ಮಾಡ್ತಿದ್ದಾರೆ. ಅದಕ್ಕೆ ಹಿಂದಿಗೆ ಸಿನಿಮಾ ಡಬ್ ಮಾಡಬಾರದು ಎಂದು ಕಿಡಿಕಾರಿದ್ದಾರೆ.

ಕನ್ನಡದಲ್ಲಿ ಮೊದಲು ಬರಲಿ

ಕೆಜಿಎಫ್ ಟಿವಿಯಲ್ಲಿ ಬರ್ತಿದೆ ಎಂಬ ಖುಷಿ ಅನೇಕರಲ್ಲಿದೆ. ಬಟ್, ಚಿತ್ರರಂಗಕ್ಕೆ ಇದು ಮಾರಕ ಎಂದು ಬೇಡ ಎನ್ನುವವರು ಕೂಡ ಇದ್ದಾರೆ. ಕನ್ನಡದಲ್ಲಿ ಮೊದಲ ಬರಲಿ, ಆಮೇಲೆ ಹಿಂದಿಯಲ್ಲಿ ಟೆಲಿಕಾಸ್ಟ್ ಮಾಡಲಿ. ಇಷ್ಟು ಬೇಗ ಹಾಕಬೇಡಿ ಎಂದು ಕಾಮೆಂಟ್ ಮೂಲಕ ತಮ್ಮ ಅಭಿಪ್ರಾಯಗಳನ್ನ ವ್ಯಕ್ತಪಡಿಸುತ್ತಿದ್ದಾರೆ.

ದಿನ ಮತ್ತು ಸಮಯ ಪಕ್ಕಾ ಆಗಿಲ್ಲ

ಸದ್ಯ, ಸೋನಿ ಮ್ಯಾಕ್ಸ್ ಚಾನಲ್ ನಲ್ಲಿ ಎರಡು ಪ್ರೋಮೋ ಪ್ರಸಾರವಾಗ್ತಿದೆ. ನಿಖರವಾದ ಸಮಯ ಮತ್ತು ದಿನವನ್ನ ಬಹಿರಂಗಪಡಿಸಿಲ್ಲ. ಅತಿ ಶೀಘ್ರದಲ್ಲಿ ಎಂದು ಜಾಹೀರಾತು ನೀಡಲಾಗಿದೆ. ಬಹುಶಃ ಫೆಬ್ರವರಿ ಅಂತ್ಯಕ್ಕೆ ಕೆಜಿಎಫ್ ಹಿಂದಿ ಸಿನಿಮಾ ಕಿರುತೆರೆಯಲ್ಲಿ ಬರಬಹುದು.