ಕಿರುತೆರೆಯಲ್ಲಿ ರಾಕಿ ಭಾಯ್ ತಾಯಿ- ಪುತ್ರನಿಗೆ ಇಷ್ಟವಾದ ಬೊಂಬಾಟ್ ಅಡುಗೆ ಮಾಡಿದ ಯಶ್ ಅಮ್ಮ

ಯಶ್ ಇಷ್ಟದ ತಿನಿಸು ಮಾಡಿದ ತಾಯಿ ಪುಷ್ಪಾ

ಸಿಹಿ ಕಹಿ ಚಂದ್ರು ಅವರ ಬೊಬಾಂಟ್ ಭೋಜನ ಕಾರ್ಯಕ್ರಮದಲ್ಲಿ ಯಶ್ ತಾಯಿ ಪುಷ್ಪಾ ಕಾಣಿಸಿಕೊಂಡಿದ್ದರು. ವಿಶೇಷ ಎಂದರೆ ಮಗನಿಗೆ ಇಷ್ಟವಾದ ತಿನಿಸನ್ನು ಮಾಡಿದ್ದಾರೆ. ಮಗನಿಗೆ ಮಾತ್ರವಲ್ಲದೆ ಈ ಖಾದ್ಯ ಸೊಸೆ ರಾಧಿಕಾ ಮತ್ತು ಮೊಮ್ಮಗಳು ಐರಾಗೂ ತುಂಬಾ ಇಷ್ಟ ಎಂದು ಹೇಳಿದ್ದಾರೆ.

ಸಿಹಿ ಕಹಿ ಚಂದ್ರು ಅವರ ಧಾರಾವಾಹಿಯಲ್ಲಿ ನಟಿಸಿದ್ದ ಯಶ್

ಈ ಸಮಯದಲ್ಲಿ ಯಶ್ ಮತ್ತು ಮಕ್ಕಳ ಜೊತೆಗಿನ ಬಾಂಧವ್ಯದ ಬಗ್ಗೆಯೂ ಮಾತನಾಡಿದ್ದಾರೆ. ಜೊತೆಗೆ ಸಿಹಿ ಕಹಿ ಚಂದ್ರು ಅವರ ಜೊತೆ ಯಶ್ ಒಂದು ಧಾರಾವಾಹಿಯಲ್ಲೂ ನಟಿಸಿರುವ ಬಗ್ಗೆ ಮಾತನಾಡಿದ್ದಾರೆ. ಯಶ್ ರೈತನ ಪಾತ್ರದ ಬಗ್ಗೆ ಈಗಲೂ ಮಾತನಾಡುತ್ತಾರೆ ಎಂದಿದ್ದಾರೆ. ಜೊತೆಗೆ ಹಳ್ಳಿಸೊಗಡಿನಲ್ಲಿ ವಿಶೇಷ ಖಾದ್ಯವನ್ನು ತಯಾರಿಸಿಕೊಂಡು ಬಂದಿರುವುದಾಗಿ ಹೇಳಿದ್ದಾರೆ.

ಯಶ್ ಪ್ರೀತಿಯ ಗಿಣ್ಣು ಮಾಡಿದ ಪುಷ್ಪಾ

ಪುತ್ರನಿಗೆ ತುಂಬಾ ಇಷ್ಟವಾದ ಗಿಣ್ಣು ಮಾಡಿದ್ದಾರೆ. ಹಸು ಕರು ಹಾಕಿದ ಬಳಿಕ 5 ದಿನಗಳು ಕೊಡುವ ಹಾಲಿಗೆ ಗಿಣ್ಣು ಹಾಲು ಎಂದು ಕರೆಯುತ್ತಾರೆ. ತುಂಬಾ ಪ್ರೋಟೀನ್ ಇರುವ ಹಾಲು ಇದಾಗಿದೆ. ಆ ಹಾಲಿನಲ್ಲಿ ಸಿಹಿ ಮಾಡಿ ತೋರಿಸಿದ್ದಾರೆ ಪುಷ್ಪಾ. ಗಿಣ್ಣು ಹಾಲನ್ನು ತಂದಿದ್ದ ಯಶ್ ತಾಯಿ ಕಾರ್ಯಕ್ರಮದಲ್ಲಿ ಗಿಣ್ಣು ಮಾಡಿ ತೋರಿಸಿದ್ದಾರೆ.

ಯಶ್ ಬಾಲ್ಯದ ಬಗ್ಗೆ ತಾಯಿಯ ಮಾತು

ಯಶ್ ಬಾಲ್ಯದ ಬಗ್ಗೆ ತಾಯಿ ಪುಷ್ಪಾ ರಿವೀಲ್ ಮಾಡಿದ್ದಾರೆ. ಚಿಕ್ಕ ವಯಸ್ಸಿನಲ್ಲೇ ಯಶ್ ಗೆ ಡ್ಯಾನ್ಸ್ ಎಂದರೆ ತುಂಬಾ ಇಷ್ಟ ಎನ್ನುವುದನ್ನು ಬಹಿರಂಗ ಪಡಿಸಿದ್ದಾರೆ. ಹಾಡು ಹಾಕಿದ್ರೆ, ಮಲಗಿದ್ರೂ ಎದ್ದು ಮಾಡುತ್ತಿದ್ದ, ಮಗ ಸರಿಹೋಗುತ್ತಾನೆ ಅಂತ ಅಂದುಕೊಂಡಿದ್ವಿ ಎಂದು ಪುಷ್ಪಾ ಅವರು ಹಳಿದ್ದಾರೆ. ಯಶ್ ಸ್ಟೈಲ್, ಸ್ನೇಹಿತರು, ಚೆಸ್ ಬಗ್ಗೆ ಇರುವ ಆಸಕ್ತಿ ಸೇರಿದಂತೆ ಅನೇಕ ವಿಚಾರಗಳ ಬಗ್ಗೆ ಪುಷ್ಪಾ ರಿವೀಲ್ ಮಾಡಿದ್ದಾರೆ.