ಯೋಗಿ ಯಾವ ನಟರಿಗೆ ಏನು ಅಡ್ವೈಸ್ ನೀಡಲು ಬಯಸುತ್ತಾರೆ?

ಯೋಗಿ ಯಾರಿಗೆ ಯಾವ ಅಡ್ವೈಸ್ ಕೊಡಲು ಬಯಸುತ್ತಾರೆ?

ಈ ಪ್ರಶ್ನೆ ಕೇಳಿ ಅಕುಲ್ ಹಲವರ ಹೆಸರುಗಳನ್ನು ಹೇಳಿದ್ರು. ಅದಕ್ಕೆ ಉತ್ತರಿಸಿದ ಯೋಗಿ 'ಶ್ರೀನಗರ ಕಿಟ್ಟಿಗೆ' ಹುಡುಗರ ಟೀಶರ್ಟ್ ಹರಿದು ಹಾಕಬೇಡ ಎಂಬ ಅಡ್ವೈಸ್ ನೀಡುತ್ತಾರಂತೆ. ಇನ್ನು ಸಾಧು ಕೋಕಿಲ ರವರಿಗೆ ಕಾಮಿಡಿ ಮಾಡೋದನ್ನ ನಿಲ್ಲಿಸಬೇಡಿ ಅಂತ ಹೇಳೋಕೆ ಇಷ್ಟ ಪಡ್ತೀನಿ. ಪುನೀತ್ ರಾಜ್ ಕುಮಾರ್ ಗೆ ಏನಾದ್ರು ಹೇಳೋದಾದ್ರೆ ಅವರ ಮನೆಯಿಂದ ನನಗೆ ಯಾವುದಾದರೊಂದು ಕಾರನ್ನು ಗಿಫ್ಟ್ ಆಗಿ ಕಳಿಸಿಕೊಡಿ ಎಂದು ಕೇಳುತ್ತೇನೆ ಎಂದರು. ಆದರೆ ಅಕುಲ್, ದುನಿಯಾ ವಿಜಯ್ ಹೆಸರು ಹೇಳಿದಾಗ ಯೋಗಿ ನೆಕ್ಸ್ಟ್ ಎಂದರು.

ಯಾವ ನಟಿ ಜೊತೆ ಮತ್ತೆ ಸಿನಿಮಾ ಮಾಡಲು ಬಯಸುವುದಿಲ್ಲ?

ಈ ಮೇಲಿನ ಪ್ರಶ್ನೆ ಕೇಳಿ ಅಕುಲ್ ಬಾಲಾಜಿ ರಮ್ಯಾ, ರಾಗಿಣಿ ದ್ವಿವೇದಿ, ಮೇಘನಾ ರಾಜ್, ರಾಧಿಕ ಪಂಡಿತ್ ಹೆಸರುಗಳನ್ನು ಹೇಳಿದ್ದರು. ಪ್ರಶ್ನೆಗೆ ಉತ್ತರಿಸಿದ ಯೋಗಿ ತಾವು ರಾಗಿಣಿ ದ್ವಿವೇದಿ ಜೊತೆ ಮತ್ತೆ ಸಿನಿಮಾ ಮಾಡಲು ಬಯಸುವುದಿಲ್ಲ ಎಂದರು. ಆದ್ರೆ ಇದು ತುಂಬಾ ಸೀರಿಯಸ್ ಆಗಿ ನೀಡಿದ ಉತ್ತರವಂತು ಅಲ್ಲ.

ಅವಕಾಶ ಸಿಕ್ಕಲ್ಲಿ ಯಾರ ಜೊತೆ ಡೇಟಿಂಗ್ ಮಾಡುತ್ತೀರಾ?

ಸಿಂಧೂ ಲೋಕನಾಥ್, ರಮ್ಯಾ, ರಾಗಿಣಿ ದ್ವಿವೇದಿ ಈ ಮೂವರು ನಟಿಯರ ಹೆಸರುಗಳನ್ನು ಆಯ್ಕೆಯಾಗಿ ನೀಡಿ ಅಕುಲ್ ಮೇಲಿನ ಪ್ರಶ್ನೆ ಕೇಳಿದ್ದರು. ಯೋಗಿ ರವರು ಸಿಂಧೂ ಲೋಕನಾಥ್ ಎಂದು ಉತ್ತರಿಸಿದ್ದರು.

ಲವ್ 'ಬ್ರೇಕಪ್' ಹ್ಯಾಂಡಲ್ ಗೆ ಸುಲಭ ವಿಧಾನ?

'ಬ್ರೇಕಪ್'ಗಳನ್ನು ಹ್ಯಾಂಡಲ್ ಮಾಡಲು ಇರುವ ಸುಲಭ ವಿಧಾನಗಳು ಯಾವುವು ಎಂಬ ಪ್ರಶ್ನೆಗೆ 'ಫ್ರೆಂಡ್ಸ್ ಜೊತೆ ಪ್ರವಾಸ ಹೋಗುವುದು, ಪಾರ್ಟಿ ಮಾಡುವುದು, ಮರೆಯುವುದು' ಎಂದು ಯೋಗಿ ಉತ್ತರ ನೀಡಿದರು.