'ಜಿ.ಆರ್.ಪಿ'ಯಲ್ಲಿ ಜೀ ಕನ್ನಡ ಏಕ್ದಂ ಜಿಗಿತ: ಎಲ್ಲಾ 'ಕಾಮಿಡಿ ಕಿಲಾಡಿಗಳ' ಕರಾಮತ್ತು.!

ಜೀ ಕನ್ನಡ ವಾಹಿನಿ ಇದೀಗ ನಂಬರ್ 1.!

ಜೀ ಕನ್ನಡ ವಾಹಿನಿ ಏಕ್ದಂ ನಂಬರ್ 1 ಪಟ್ಟಕ್ಕೇರಿದೆ. ಜಿ.ಆರ್.ಪಿ (ಗ್ರಾಸ್ ರೇಟಿಂಗ್ ಪಾಯಿಂಟ್) ಲೆಕ್ಕಾಚಾರದಲ್ಲಿ ಜೀ ಕನ್ನಡ ವಾಹಿನಿ 'ಕಿಂಗ್' ಆಗಿದೆ.

ಜೀ ಕನ್ನಡ ವಾಹಿನಿಗೆ ಸಿಕ್ಕಿರುವ ಜಿ.ಆರ್.ಪಿ ಎಷ್ಟು.?

ಕನ್ನಡ ಕಿರುತೆರೆಯಲ್ಲಿ 29ನೇ ವಾರ (ಜುಲೈ 14 ರಿಂದ ಜುಲೈ 20 ರವರೆಗೆ) ಜೀ ಕನ್ನಡ ವಾಹಿನಿಗೆ 617 ಜಿ.ಆರ್.ಪಿ ಲಭಿಸಿದೆ. 'ಜಿ.ಆರ್.ಪಿ'ನಲ್ಲಿ ಮಿಕ್ಕೆಲ್ಲಾ ವಾಹಿನಿಗಳನ್ನು ಕೆಳಕ್ಕೆ ತಳ್ಳಿ ಜೀ ಕನ್ನಡ ವಾಹಿನಿ ಗೆಲುವು ಸಾಧಿಸಿದೆ.

ಎರಡನೇ ಸ್ಥಾನದಲ್ಲಿ ಕಲರ್ಸ್ ಕನ್ನಡ

ಅರ್ಬನ್ ಮಾರ್ಕೆಟ್ ನಲ್ಲಿ 29ನೇ ವಾರ 569 ಜಿ.ಆರ್.ಪಿ ಗಳಿಸಿ ಕಲರ್ಸ್ ಕನ್ನಡ ವಾಹಿನಿ ಎರಡನೇ ಸ್ಥಾನದಲ್ಲಿದ್ದರೆ, ಮೂರನೇ ಸ್ಥಾನದಲ್ಲಿ (353) ಉದಯ ಟಿವಿ ಇದೆ. ಇನ್ನೂ ನಾಲ್ಕನೇ ಸ್ಥಾನಕ್ಕೆ (225) ಸ್ಟಾರ್ ಸುವರ್ಣ ವಾಹಿನಿ ತೃಪ್ತಿ ಪಟ್ಟುಕೊಂಡಿದೆ.

ಎಲ್ಲಾ 'ಕಾಮಿಡಿ ಕಿಲಾಡಿಗಳ' ಕಮಾಲ್.!

ಬಾರ್ಕ್ ರೇಟಿಂಗ್ ಪ್ರಕಾರ, 29ನೇ ವಾರ ಕನ್ನಡ ಕಿರುತೆರೆಯ ಟಾಪ್ 5 ಕಾರ್ಯಕ್ರಮಗಳಲ್ಲಿ ನಂ.1 ಸ್ಥಾನ ಪಡೆದಿರುವುದು 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್'. ಕಾಮಿಡಿ ಕಿಲಾಡಿಗಳು ಮಾಡಿರುವ ಕಮಾಲ್ ಗೆ ಜೀ ಕನ್ನಡ ವಾಹಿನಿಯ ಜಿ.ಆರ್.ಪಿ ಕೂಡ ಹೆಚ್ಚಾಗಿದೆ. ಹೀಗಾಗಿ, ಏಕ್ದಂ ನಂಬರ್ 1 ಸ್ಥಾನ ಗಿಟ್ಟಿಸಿಕೊಂಡಿದೆ ಜೀ ಕನ್ನಡ ಚಾನೆಲ್.