ಜೀ ಕನ್ನಡ ಕುಟುಂಬ ಅವಾರ್ಡ್ಸ್ 2022: ಯಾವ ನಟರಿಗೆ ಯಾವ ಪ್ರಶಸ್ತಿ?

ಅಭಿಷೇಕ್ ಕಾಲೆಳೆದ ಅನುಶ್ರೀ

ವೇದಿಕೆ ಮೇಲೆ ಅಭಿಷೇಕ್ ಅಂಬರೀಶ್ ಹಾಗೂ ರವಿಚಂದ್ರನ್ ಅನುಶ್ರೀ ಮೋಡಿ ಮಾಡಿದರು. ಇನ್ನು ಅವಾರ್ಡ್ ಕೊಡಲು ನಟಿ ಮಾಲಾಶ್ರೀ ಅವರು ಆಗಮಿಸಿದ ವೇಳೆ ರವಿಚಂದ್ರನ್ ಅವರನ್ನು ನೋಡಿ ಬಹಳ ಖುಷಿಪಟ್ಟರು. ಬಳಿಕ ರಾಮಾಚಾರಿ ಚಿತ್ರದ ಒಂದು ಹಾಡಿಗೆ ಡಾನ್ಸ್ ಮಾಡಿದ ಬಳಿಕ ನೆಚ್ಚಿನ ಮಗ ಅವಾರ್ಡ್ ಪುಟ್ಟಕ್ಕನ ಮಗಳು ಧಾರವಾಹಿ ಕಂಠಿ ಎಂದು ಜೋರಾಗಿ ಹೇಳುತ್ತಾರೆ.

ಕಾಂತರ ಚಿತ್ರವನ್ನು ಹಾಡಿ ಹೊಗಳಿದ ಅಚ್ಯುತ್

ಇನ್ನು 'ಕಾಂತಾರ' ಚಿತ್ರದ ಬಗ್ಗೆ ಮಾತನಾಡಿದ ನಟ ಅಚ್ಯುತ್ 'ಕಾಂತಾರ' ಚಿತ್ರ ಕನ್ನಡದಲ್ಲಿ ಮಾಡಿದ ಬಹಳ ಅದ್ಭುತ ಚಿತ್ರ. ಇದರಲ್ಲಿ ಆಕ್ಟ್ ಮಾಡುತ್ತಿದ್ದ ಜನರನ್ನು ಗುರುತಿಸುವ ಕೆಲಸ ಮಾಡುತ್ತಾ ಇದ್ದಾರೆ. ಇದನ್ನು ನಿಮ್ಮ ಮುಂದೆ ಹಂಚಿಕೊಳ್ಳಲು ತುಂಬಾ ಖುಷಿ ಆಗುತ್ತದೆ ಎಂದು ಈ ಸಂದರ್ಭ ಹೇಳುತ್ತಾರೆ. 'ಹಿಟ್ಲರ್ ಕಲ್ಯಾಣ'ದ ಪೋಷಕ ನಟಿಯಾಗಿ ದುರ್ಗಾ ಪ್ರಶಸ್ತಿಯನ್ನು ತನ್ನ ಮುಡಿಗೇರಿಸಿಕೊಂಡರು. ಬಳಿಕ ಉತ್ತಮ ಮನರಂಜನಾ ಕಾರ್ಯಕ್ರಮಗಳು ಈ ವೇದಿಕೆಯಲ್ಲಿ ನಡೆಯಿತು.

ಪ್ರಶಸ್ತಿ ಗೆದ್ದ ನಟ-ನಟಿಯರು

ನೆಚ್ಚಿನ ಅಜ್ಜಿ ಅವಾರ್ಡ್ ಸತ್ಯ ಧಾರಾವಾಹಿಯ ಗಿರಿಜಮ್ಮನ ಪಾಲಾದರೆ ನೆಚ್ಚಿನ ಅತ್ತೆ ಅವಾರ್ಡ್ ಗಟ್ಟಿ ಮೇಳ ಧಾರವಾಹಿ ಪರಿಮಳ ಪಾಲಾಗಿದೆ. ನೆಚ್ಚಿನ ಸೊಸೆಯಾಗಿ 'ಪಾರು' ಧಾರಾವಾಹಿಯ ಪಾರು ಅವಾರ್ಡ್ ಸ್ವೀಕಾರ ಮಾಡಿದರು. ಇನ್ನು ನೆಚ್ಚಿನ ಅಳಿಯ ಆಗಿ ಸತ್ಯ ಧಾರಾವಾಹಿಯ ಕಾರ್ತಿಕ್ ಸೆಲೆಕ್ಟ್ ಆಗಿದ್ದಾರೆ. ನೆಚ್ಚಿನ ಪೋಷಕ ನಟನಾಗಿ ಪಾರು ಧಾರಾವಾಹಿಯ ವೀರಯ್ಯ ದೇವ ಸೆಲೆಕ್ಟ್ ಆಗಿದ್ದಾರೆ. ನೆಚ್ಚಿನ ನಾಯಕ ನಟನಾಗಿ ಹಿಟ್ಲರ್ ಕಲ್ಯಾಣ ಧಾರಾವಾಹಿಯ ಅಭಿರಾಮ್ ಜಯಶಂಕರ್ ಆಯ್ಕೆ ಆದರೆ ನೆಚ್ಚಿನ ನಾಯಕಿ ನಟಿ ಅವಾರ್ಡ್ ಇಬ್ಬರ ಪಾಲಾಗಿದೆ . ಹಿಟ್ಲರ್ ಕಲ್ಯಾಣ ಧಾರಾವಾಹಿಯ ಲೀಲಾಗೆ ಹಾಗೂ ಸತ್ಯ ಧಾರಾವಾಹಿಯ ಸತ್ಯಗೆ ಅವಾರ್ಡ್ ದೊರಕಿದೆ. ಜನ ಮೆಚ್ಚಿದ ಮಾವ ಆಗಿ ಪಾರು ಧಾರಾವಾಹಿಯ ರಘು ಸೆಲೆಕ್ಟ್ ಆಗಿದ್ದಾರೆ. ಹಾಗೆ ಹಲವಾರು ಜನ ಉತ್ತಮವಾಗಿ ಆಕ್ಟ್ ಮಾಡಿ ಜನರ ಮನ ಗೆದ್ದಿದ್ದಾರೆ. ಸಾಧಕರನ್ನು ಪ್ರೋತ್ಸಾಹಿಸಲು ಜೀ ಕನ್ನಡ ಉತ್ತಮ ಮನರಂಜನಾ ಕಾರ್ಯಕ್ರಮ ನೀಡುತ್ತಿರುವುದು ಖುಷಿಯ ಸಂಗತಿ.