ಜೀ ಕನ್ನಡ ಹೊಸ ಸೀರಿಯಲ್ ಜೊತೆ ಜೊತೆಯಲಿ

ಬರಹಗಾರ-ತಂತ್ರಜ್ಞರು ತಂಡದ ಧಾರಾವಾಹಿ

ರಿಪೋರ್ಟರ್ ಆಗೋ ಹುಮ್ಮಸ್ಸಿನಲ್ಲಿರುವ ಅಭಯ್, ಹೇಗೆ ಈ ಶಾಲಿನಿಯ ಬದುಕಿಗೆ ರಿಪೋರ್ಟ್ ಮಾಡಿಕೊಳ್ತಾನೆ ಅನ್ನೋದು ಇಲ್ಲಿನ ಕತೆ. ಬರಹಗಾರ-ತಂತ್ರಜ್ಞರು ಸೇರಿ ಕಟ್ಟಿಕೊಂಡಿರುವ 'ದೃಶ್ಯ' ಎಂಬ ತಂಡವೊಂದು ಈ ಧಾರಾವಾಹಿಯ ನಿರ್ದೇಶನ-ನಿರ್ಮಾಣದ ಹೊಣೆ ಹೊತ್ತುಕೊಂಡಿದೆ.

ಪಾತ್ರವರ್ಗದಲ್ಲಿ ಅನುಭವಿ ಕಲಾವಿದರು

ಅಭಯ್-ಶಾಲಿನಿಯ ಪಾತ್ರದಲ್ಲಿ ಕಾರ್ತಿಕ್ ಮತ್ತು ಅಶಿತಾ ಎಂಬ ಇಬ್ಬರು ಹೊಸ ಕಲಾವಿದರು ಪರಿಚಯವಾಗುತ್ತಿದ್ದಾರೆ. ಇವರ ಜತೆಗೆ ಗಿರಿಜಾ ಲೋಕೇಶ್, ಡಿ.ವಿ.ರಾಜಾರಾಂ, ವಿದ್ಯಾಮೂರ್ತಿ, ಬಾಬು ಹಿರಣ್ಣಯ್ಯ, ಭಾರ್ಗವಿ ನಾರಾಯಣ್..ಹೀಗೆ ಹಿರಿಯ ಅನುಭವಿ ಕಲಾವಿದರಿದ್ದಾರೆ.

ಎಲ್ಲ ವರ್ಗದ ವೀಕ್ಷಕರಿಗೆ ಇಷ್ಟವಾಗಲಿದೆ

'ಶ್ರೀರಸ್ತು ಶುಭಮಸ್ತು' ಧಾರಾವಾಹಿ ಯಶಸ್ವಿಯಾಗಿರುವ ನಂತರ ನಾವು ಆರಂಭಿಸುತ್ತಿರೋ ಎರಡನೇ ಧಾರಾವಾಹಿ ಇದು. ಎಲ್ಲ ವಯೋಮಾನದ, ಎಲ್ಲ ವರ್ಗದ ವೀಕ್ಷಕರಿಗೆ ಈ ಕತೆ ಇಷ್ಟವಾಗಲಿದೆ ಎನ್ನುವ ಭರವಸೆ ನಮ್ಮದು" ಎನ್ನುತ್ತಾರೆ ಜೀ ಕನ್ನಡ ವಾಹಿನಿಯ ಬಿಜಿನೆಸ್ ಹೆಡ್ ಸಿಜು ಪ್ರಭಾಕರನ್.

ಧಾರಾವಾಹಿಯಲ್ಲಿ ಬದುಕಿನ ಬೇರೆಬೇರೆ ನೋಟಗಳು

ಈ ಕತೆಯ ಮೂಲಕ ಎರಡು ಭಿನ್ನ ಮನಸ್ಸುಗಳ ಭಾವನೆಗಳನ್ನು ತೋರಿಸುವ ಪ್ರಯತ್ನ ಮಾಡುತ್ತಿದ್ದೇವೆ. ಅಪ್ಪ, ಅಮ್ಮ, ಅತ್ತೆ, ಮಾವ, ತಂಗಿಯಂದಿರು ಅಭಯ್ ಮತ್ತು ಶಾಲಿನಿಯ ಮುಖಾಂತರ ಬದುಕನ್ನು ನೋಡುವ ಬೇರೆ ಬೇರೆ ನೋಟಗಳು ಕೂಡಾ ಈ ಧಾರಾವಾಹಿಯಲ್ಲಿ ಅನಾವರಣಗೊಳ್ಳಲಿವೆ' ಎನ್ನುತ್ತಾರೆ ಜೀ ಕನ್ನಡ ವಾಹಿನಿಯ ಪ್ರೊಗ್ರಾಮಿಂಗ್ ಹೆಡ್ ರಾಘವೇಂದ್ರ ಹುಣಸೂರು.

ಇಂದಿನಿಂದ ರಾತ್ರಿ 7.30ಕ್ಕೆ ತಪ್ಪದೆ ವೀಕ್ಷಿಸಿ

'ಜೊತೆಜೊತೆಯಲಿ' ಇದೇ ಅಕ್ಟೋಬರ್ 27 ರಿಂದ ಸೋಮವಾರದಿಂದ ಶನಿವಾರ ರಾತ್ರಿ 7.30ಕ್ಕೆ. 'ಮೇಘ ಮಯೂರಿ' ಬದಲಾದ ಸಮಯದಲ್ಲಿ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ.