ಏಜೆ, ಲೀಲಾಳನ್ನು ಒಂದು ಮಾಡುತ್ತಾರಾ ಅಜ್ಜಿ?

'ನನ್ನ ಹೋರಾಟ ಪ್ರೀತಿಗಾಗಿ'

ಏಜೆಯನ್ನು ನೋಡಿದ ತಾಯಿ ಮಾತು ಕೂಡ ಆಡಿಸುವುದಿಲ್ಲ. ಅಮ್ಮ ಬಾ ಅಮ್ಮ ಒಳಗೆ ಎಂದಾಗ ಬೋರ್ಡ್ ಒಂದನ್ನು ತೋರಿಸುತ್ತಾರೆ, ಅದರಲ್ಲಿ 'ನನ್ನ ಹೋರಾಟ ಪ್ರೀತಿಗಾಗಿ' ಎಂದು ಬರೆದಿರುತ್ತದೆ. ಅದನ್ನು ನೋಡಿದ ಏಜೆಗೆ ಏನಮ್ಮ ನಿನಗೆ ಯಾರಮ್ಮ ಇದೆಲ್ಲ ಹೇಳಿಕೊಟ್ಟಿದ್ದು ಹೇಳು. ಯಾರುಂತ ಗೊತ್ತಾಗಲಿ ಆಮೇಲೆ ಅವರಿಗಿದೆ ಮಾರಿ ಹಬ್ಬ ಎಂದು ವಿರೂಪಾಕ್ಷನನ್ನೂ ನೋಡಿಕೊಂಡು ಹೇಳಿದಾಗ ವಿರೂಪಾಕ್ಷ ಗೆ ಭಯವಾಗುತ್ತದೆ. ನಾನು ಏನು ಹೇಳಿಕೊಟ್ಟಿಲ್ಲ. ನನ್ನ ತಾಯಿ ಆಣೆಗೂ'' ಎಂದು ಆಣೆ ಪ್ರಮಾಣ ಮಾಡುತ್ತಾನೆ. ಬಳಿಕ ಅಲ್ಲಿಂದ ಏಜೆ ಹೋಗುತ್ತಾನೆ.

ವಿರೂಪಾಕ್ಷ-ಅಜ್ಜಿ ಮಾತುಕತೆ

ಬಳಿಕ ಅಜ್ಜಿ ಏನೋ ವಿರೂಪಾಕ್ಷ ಟೀ ಮಾಡುತ್ತಿದ್ದಿನಿ ಕುಡಿತಿಯಾ ಎಂದು ಕೇಳಿದಾಗ ವಿರೂಪಾಕ್ಷ ಹೇಳುತ್ತಾನೆ ನನ್ನ ಬುಡನೇ ಸುಟ್ಟು ಹೋಗುತ್ತಿದೆ. ನಿಮಗೆ ಟೀ ನದ್ದೇ ಚಿಂತೆ ಎಂದು ಹೇಳುತ್ತಾನೆ. ಬಳಿಕ ಅಜ್ಜಿ ಆತನ ಬಳಿ ಹೇಳುತ್ತಾರೆ. ಇನ್ನೂ ಏಜೆ ಮತ್ತು ಲೀಲಾ ಇವತ್ತು ಒಟ್ಟಿಗೆ ಊಟ ಮಾಡಬೇಕು. ಅಷ್ಟರವರೆಗೆ ನಾನು ಏನು ತಿನ್ನುವುದಿಲ್ಲ. ಎಂದು ವಿರೂಪಾಕ್ಷ ಬಳಿ ಹೇಳುತ್ತಾರೆ. ಇದನ್ನು ಲಕ್ಷ್ಮೀ ಕದ್ದು ಕೇಳಿಸಿಕೊಳ್ಳುತ್ತಾ ಇರುತ್ತಾಳೆ.

5000 ವಸೂಲಿ ಮಾಡಿದ ಸ್ವಾಮೀಜಿ

ಕೌಸಲ್ಯಳ ಮನೆಗೆ ಬಂದಿದ್ದ ಕಪಟ ಸ್ವಾಮೀಜಿ ವಾಪಸ್ ಬರುತ್ತಾರೆ. ಬರ ಬೇಕು ಸ್ವಾಮಿ ಬರಬೇಕು ಎಂದು ಸ್ವಾಮೀಜಿಯನ್ನು ಸ್ವಾಗತಿಸುತ್ತಾರೆ ಕೌಸಲ್ಯ. ಹೂವನ್ನು ಸ್ವಾಮೀಜಿಯ ಮೇಲೆ ಹಾಕಿ ಸ್ವಾಗತಿಸಿದಕ್ಕೆ ಯಾಕಮ್ಮ ಹೂ ಹಾಕುತ್ತಿಯಾ ಎಂದು ಕೇಳಿದ್ದಕ್ಕೆ ಇರಲಿ ಸ್ವಾಮೀಜಿ ದೇವರಿಗೆಂತಾ ತಂದಿದ್ದು ಅರ್ಪಿಸುತ್ತಿದ್ದೇನೆ ಎಂದು ಸ್ವಾಮೀಜಿಯನ್ನು ಒಳಗೆ ಕರೆದು ಕುಳ್ಳಿರಿಸುತ್ತಾಳೆ. ಬಳಿಕ ಪೂಜೆ ಮಾಡಿಸಿರುವೆ ದಕ್ಷಿಣೆ ಕೊಡಮ್ಮ ಅಂದಾಗ ದಕ್ಷಿಣೆಯನ್ನು ಸ್ವಲ್ಪ ಕಡಿಮೆ ಮಾಡಿ ಗುರುಗಳೇ ಎಂದೆಲ್ಲ ಕೇಳಿಕೊಳ್ಳುತ್ತಾರೆ. ಸರಿಯಮ್ಮ 45000 ಕೊಡು ಅಂದಾಗ ಅಷ್ಟೆಲ್ಲ ಇಲ್ಲ ಗುರೂಜಿ ಇನ್ನೂ ಚೂರು ಕಡಿಮೆ ಮಾಡಿ ಎಂದು ಹೇಳಿ 5000 ಕೊಡುತ್ತಾಳೆ. ಇನ್ನೂ ಸ್ವಾಮೀಜಿ ಅಷ್ಟಾದರೂ ಸಿಕ್ಕಿತಲ್ವಾ ಎಂದು ಮನದಲ್ಲಿ ಖುಷಿ ಪಡುತ್ತಾರೆ. ಬಳಿಕ ಸ್ವಾಮೀಜಿ ಒಂದು ಲಿಂಬೆ ಹುಳಿ ಯನ್ನು ಕೊಟ್ಟು ಇದನ್ನು ಇಬ್ಬರಿಗೂ ಜ್ಯೂಸ್ ರೂಪದಲ್ಲಿ ಕೊಟ್ಟರೆ ಇಬ್ಬರು ವಿಚ್ಛೇದನ ತೆಗೆದುಕೊಳ್ಳುತ್ತಾರೆ ಎಂದು ಹೇಳುತ್ತಾನೆ. ಬಳಿಕ ಅಲ್ಲಿಂದ ತೆರಳುತ್ತಾನೆ. ಮನೆಯ ಹೊರಗೆ ಹೋದ ಬಳಿಕ ಸ್ವಾಮೀಜಿ. ಅಬ್ಬ 5000 ವಾದರು ಸಿಕ್ಕಿತು. ಇವರ ಹಾಗೆ ಇನ್ನೂ ಪೆದ್ದರು ಸಿಕ್ಕರೆ ಸಾಕು. ಅಕ್ಕಪಕ್ಕದವರು ಆಡುವ ಮಾತು ಕೇಳಿ ಸುಮ್ಮನೆ ಒಂದು ಕಲ್ಲು ಎಸೆದೆ ಅದು ತಾಕಿ ಹಣ್ಣು ಬಿದ್ದಿತ್ತು ಎಂದು ಹೇಳಿ ಅಲ್ಲಿಂದ ಹೋಗುತ್ತಾನೆ.

ಏಜೆ-ಲೀಲಾರನ್ನು ನೋಡಿ ಖುಷಿಪಟ್ಟ ಅಜ್ಜಿ

ಇನ್ನು ಅಜ್ಜಿ ಲೀಲಾಳನ್ನು ಕರೆದು ನೀನು ಏಜೇ ಒಟ್ಟಿಗೆ ಊಟಕ್ಕೆ ಕೂರಬೇಕು ಇಲ್ಲವಾದರೆ ನಾನು ಉಪವಾಸ ಮಾಡುತ್ತೇನೆ ಎಂದು ಹೇಳುತ್ತಾಳೆ. ಬಳಿಕ ಅಲ್ಲಿಂದ ತೆರಳಿದ ಲೀಲಾ. ಏಜೆ ಬಳಿ ಬರುತ್ತಾಳೆ. ಏಜೆ ಎಂದು ನಾನು ಮತ್ತು ನೀವು ಒಟ್ಟಿಗೆ ಊಟ ಮಾಡಬೇಕಂತೆ. ಇಲ್ಲವಾದರೆ ಅಜ್ಜಿ ಊಟ ಮಾಡುವುದಿಲ್ಲ ಎಂದು ಹೇಳುತ್ತಾಳೆ. ಇದಕ್ಕೆ ಒಪ್ಪಿದ ಏಜೆಗೆ ಲೀಲಾ ಅಜ್ಜಿ ಎದುರು ಕೈ ತುತ್ತು ತಿನ್ನಿಸುತ್ತಾರೆ. ಇದನ್ನು ನೋಡಿದ ಅಜ್ಜಿ ಖುಷಿಗೆ ಪಾರವೇ ಇಲ್ಲದಂತಾಗಿದೆ.