ಹಿಟ್ಲರ್ ಮನೆಗೆ ಆಗಮಿಸಿದ ಲೀಲಾ? ಅಜ್ಜಿ ನಡೆಗೆ ಮನೆ ಮಂದಿ ಗೊಂದಲ

ಲೀಲಾ ಮನೆಗೆ ತೆರಳಿದ ಅಜ್ಜಿ

ಲೀಲಾ ಮನೆಗೆ ತೆರಳಿದ ಅಜ್ಜಿ ಜೋರಾಗಿ ಲೀಲಾಳನ್ನು ಕರೆಯುತ್ತಾರೆ. ಬಳಿಕ ಆಕೆಯ ಜೊತೆ ಮಾತನಾಡುತ್ತಾರೆ. ವಿಸ್ತೃತವಾಗಿ ಎಲ್ಲವನ್ನೂ ವಿವರವಾಗಿ ಹೇಳಿ ಲೀಲಾ ಮನವೊಲಿಸುತ್ತಾರೆ. ಲೀಲಾ ಬಹಳ ಬೇಸರದಿಂದ ಅಳುತ್ತಾಳೆ. ಆಕೆಗೆ ದಿಕ್ಕೇ ತೋಚದಂತಾಗಿದೆ. ಮನೆಯಲ್ಲಿ ಅಮ್ಮನ ಕಿರಿ ಕಿರಿ ಗಂಡನ ಮನೆಯಲ್ಲಿ ನೋಡಿದರೆ ಬೇರೆಯೇ ಕಥೆ ಏನು ಮಾಡುವುದು ಎಂದು ತಿಳಿಯದ ಲೀಲಾಗೆ ಬಹಳ ನೋವಾಗುತ್ತದೆ. ಅಜ್ಜಿಯನ್ನು ನೋಡಿದ ಕ್ಷಣ ಆಕೆಗೆ ದುಃಖ ತಡೆದುಕೊಳ್ಳಲು ಆಗದೆ ಅಜ್ಜಿಯನ್ನು ಬಿಗಿದಪ್ಪಿ ಅಳುತ್ತಾಳೆ.

ಲೀಲಾ ಮನವೊಲಿಸಿದ ಅಜ್ಜಿ

ಲೀಲಾ ಗಂಡನ ಮನೆಗೆ ಹೋಗುವುದನ್ನು ಕಾಯುತ್ತಾ ಇರುವ ಕೌಸಲ್ಯ ಲೀಲಾ ಮಾತ್ರ ಈ ಮನೆಯಿಂದ ಹೋಗಲಿ ಅನ್ನುವ ಹಾಗೆ ಮಾತನಾಡುತ್ತಾ ಇರುತ್ತಾಳೆ. ಲೀಲಾ ಮನೆಯಲ್ಲಿ ಇದ್ದರೆ ತನ್ನ ಮಗಳ ಮದುವೆ ಕೂಡ ಆಗುವುದು ಇಲ್ಲ ಎಂದುಕೊಂಡು ಅಜ್ಜಿ ಬಳಿ ಹೇಳುತ್ತ ಇದ್ದರೂ ಇದನ್ನು ಕೇಳಿದ ಅಜ್ಜಿ ಲೀಲಾಳನ್ನು ಅಲ್ಲಿಯೇ ಬಿಡಲು ಒಪ್ಪದೇ ಮನೆಗೆ ಕರೆದುಕೊಂಡು ಬರುತ್ತಾರೆ. ಮನೆಗೆ ಬರುವ ವೇಳೆ ಮನೆಯ ಹೊರಗಡೆ ಎಲ್ಲರೂ ನಿಂತಿರುವುದನ್ನು ನೋಡಿದ ಅಜ್ಜಿ ಹಾಗೂ ಲೀಲಾ ಶಾಕ್ ಆಗುತ್ತಾರೆ.

ಲೀಲಾ ಮೇಲೆ ಎಗರಾಡಿದ ದುರ್ಗಾ

ಏನು ಮಾಡಬೇಕು ಎಂದು ತಿಳಿಯದೇ ಲೀಲಾ ಕೊಂಚ ಧೈರ್ಯ ಮಾಡಿ ಎದುರು ಬಂದು ನಿಲ್ಲುತ್ತಾಳೆ. ಇದನ್ನು ನೋಡಿದ ದುರ್ಗಾ ಲೀಲಾ ಮೇಲೆ ಕೊಂಚ ಎಗರಾಡುತ್ತ ಇರುತ್ತಾಳೆ. ಆದರೆ ಲೀಲಾ ಆಕೆಯನ್ನು ಕ್ಯಾರೇ ಎನ್ನದೆ ಸುಮ್ಮನೆ ಇರುತ್ತಾಳೆ. ಯಾವಾಗ ದುರ್ಗಾ ಮಿತಿ ಮೀರಿ ಮಾತು ಆಡುತ್ತ ಇರುತ್ತಾಳೋ ಆಗ ಕೊಂಚ ಕೋಪಗೊಂಡ ಲೀಲಾ ಇದು ನನ್ನ ಗಂಡನ ಮನೆ ಇಲ್ಲಿಗೆ ಯಾರಿಗೂ ಬರಬೇಡ ಎನ್ನುವ ರೈಟ್ಸ್ ಇಲ್ಲ ಎಂದು ಹೇಳಿದಾಗ ಎಲ್ಲರೂ ಸುಮ್ಮನೆ ಆಗುತ್ತಾರೆ.

ಅಜ್ಜಿಯನ್ನು ಕರೆದುಕೊಂಡು ಮನೆಗೆ ಹೋದ ಲೀಲಾ

ಆದರೆ ಏಜೆಗೆ ಒಂದು ಅರ್ಥ ಆಗಲಿಲ್ಲ. ಲೀಲಾಳನ್ನು ಅಷ್ಟು ದ್ವೇಷ ಮಾಡುತ್ತಾ ಇರುವ ಅಮ್ಮ ಅದು ಹೇಗೆ ಲೀಲಾ ಜೊತೆ ಸೇರಿಕೊಂಡಿದ್ದಾಳೆ ಎಂದು ಅಮ್ಮನ ನಡೆ ಏಜೆಗೆ ಕೊಂಚ ಆಶ್ಚರ್ಯ ಎನಿಸುತ್ತದೆ. ಬಳಿಕ ಲೀಲಾ ಅಜ್ಜಿಯನ್ನು ಕರೆದುಕೊಂಡು ಏಜೆ ಮನೆಯ ಹೊಸಿಲು ತುಳಿಯುತ್ತಾಳೆ. ಸಂಪೂರ್ಣವಾಗಿ ಕುಸಿದು ಹೋಗಿದ್ದ ಲೀಲಾ ಯಾರ ಮಾತನ್ನೂ ಲೆಕ್ಕಿಸದೆ ಮನೆ ಒಳಗೆ ಪ್ರವೇಶ ಮಾಡಿರುವುದು ಎಲ್ಲರ ಕೆಂಗಣ್ಣಿಗೆ ಗುರಿ ಆಗಿದೆ.