Hitler Kalyana: ಏಜೆಗೆ ಪ್ರಪೋಸ್ ಮಾಡಲು ಲೀಲಾ ಪ್ಲಾನ್!

ನಿರ್ವಿಘ್ನವಾಗಿ ಪೂಜೆ ಮಾಡಿದ ಏಜೆ, ಲೀಲಾ

ನಿರ್ವಿಘ್ನವಾಗಿ ಪೂಜೆ ಮಾಡುತ್ತಾರೆ. ಪೂಜೆ ಆದ ಬಳಿಕ ಪೂಜಾರಿ ನಿಮ್ಮದು ಏನಾದರು ಸಂಕಲ್ಪ ಇದ್ದರೆ ಅದನ್ನು ಬೇಡಿಕೊಳ್ಳಿ ಎಂದಾಗ ಲೀಲಾ ಮನದಲ್ಲಿ ಜೊತೆಯಲ್ಲಿ ಮಾಣಿಕ್ಯ ಇದ್ದಾಗ ನನಗೆ ತಿಳಿಯಲೇ ಇಲ್ಲ, ಈಗಲಾದರು ನನಗೆ ಅದು ಗೊತ್ತಾಯಿತು ಅಲ್ವಾ, ಪ್ರೀತಿ ಹೇಳಿಕೊಂಡ ಮೇಲೆ ಏಜೆ ನನ್ನ ಹೆಂಡತಿ ಆಗಿ ಒಪ್ಪಿಕೊಳ್ಳಬೇಕು, ಹಾಗೆ ಮಾಡು ಪ್ಲೀಸ್ ಎಂದು ದೇವರ ಬಳಿ ಕೇಳಿಕೊಳ್ಳುತ್ತಾಳೆ. ಅಜ್ಜಿ ಕೋರಿಕೆ ಇದೇ ಆಗಿರುತ್ತದೆ. ಆದರೆ ಏಜೆ ಮಾತ್ರ ಜೈಲಿಗೆ ಹೋಗಲು ಯಾರು ಕಾರಣ ಅವರಿಗೆ ನಾನು ಶಿಕ್ಷೆ ಕೂಡಲೇಬೇಕು ಎಂದು ಯೋಚಿಸುತ್ತಾ ಇರುತ್ತಾನೆ. ಪೂಜೆ ಎಲ್ಲಾ ಮುಗಿದ ಬಳಿಕ ಅಂತರ ಬಳಿ ಬಂದ ಲೀಲಾ ತನ್ನ ಖುಷಿ ವ್ಯಕ್ತ ಪಡಿಸುತ್ತಾ ಇರುತ್ತಾಳೆ.

ಅಂತರ ಬಳಿ ಮನದ ಮಾತನ್ನು ಹಂಚಿಕೊಂಡ ಲೀಲಾ

ಬಳಿಕ ಅಂತರ ಬಳಿ ನಿಮ್ಮ ಸ್ಥಾನವನ್ನು ನಾನು ಮುಂದುವರೆಸಿಕೊಂಡು ಹೋಗುತ್ತೇನೋ ಅಥವಾ ಇಲ್ಲವೋ ಎಂಬುವುದು ಅನುಮಾನ ಆಗಿ ಬಿಟ್ಟಿದೆ, ನನಗೆ ಅಂತಹ ಯೋಗ್ಯತೆ ಇದೆಯಾ ಎಂದು ಅಂತರ ಫೋಟೋ ಮುಂದೆ ನಿಂತು ಲೀಲಾ ಹೇಳುತ್ತ ಇರುತ್ತಾಳೆ. ಅಜ್ಜಿ ಕೊಟ್ಟ ಸೀರೆ ಹಾಳಾಗಿ ಹೋಯಿತು ಎಂದು ಬೇಸರ ಪಟ್ಟುಕೊಂಡ ವೇಳೆ ನಿಮ್ಮ ಸೀರೆ ಕೊಡಲು ಏಜೆ ಮನದಲ್ಲಿ ಇಂತಹ ಭಾವನೆ ಬರಿಸಲು ಕಾರಣ ನೀವೇ ಅನ್ನಿಸುತ್ತೆ ಎನ್ನುತ್ತಾಳೆ.

ಏಜೆಯನ್ನೂ ಬದಲಾಯಿಸಲು ಪಣ ತೊಟ್ಟ ಲೀಲಾ

ಮಾತು ಮುಂದುವರಿಸುವ ಲೀಲಾ ನಾನು ಏಜೆಯನ್ನು ಅಭಿರಾಮ್ ಜಯಶಂಕರ್ ಆಗಿ ಬದಲು ಮಾಡಿಯೇ ಮಾಡುತ್ತೇನೆ. ಇದನ್ನೆಲ್ಲ ನಾನು ನಿಮಗೆ ಹೇಳಬೇಕು ಅನ್ನಿಸಿತು ಅದಕ್ಕೆ ಹೇಳುತ್ತ ಇದ್ದೇನೆ ಎಂದು ಮನ ಬಿಚ್ಚಿ ಹೇಳುತ್ತ ಇರುತ್ತಾಳೆ. ಇನ್ನು ಖುಷಿಯಲ್ಲಿ ಲೀಲಾ ಅತ್ತಿಂದಿತ್ತ ಒಡಾಡಬೇಕಾದರೆ ದುರ್ಗಾ ಸಿಗುತ್ತಾಳೆ.

ಲೀಲಾನನ್ನು ನೋಡಿ ಕುಪಿತಗೊಂಡ ದುರ್ಗಾ

ದುರ್ಗಾ ಅವರೇ ನಾನು ಏಜೆಗೆ ಅವರ ಹುಟ್ಟು ಹಬ್ಬದ ದಿನ ಒಳ್ಳೆಯ ಸರ್ಪ್ರೈಸ್ ಕೊಡಬೇಕು ಅಂದುಕೊಂಡು ಇದ್ದೇನೆ, ಅದಕ್ಕಾಗಿ ಒಂದು ದೊಡ್ಡ ಪ್ಲಾನ್ ಕೂಡ ಮಾಡಿದ್ದೇನೆ ಎಂದು ಹೇಳಿದಾಗ ದುರ್ಗಾ ಕ್ಯೂರಿಯಾಸಿಟಿಯಿಂದ ಏನು ಪ್ಲಾನ್ ಮಾಡಿದ್ದೀಯಾ ಲೀಲಾ ಎಂದು ಕೇಳುತ್ತಾಳೆ. ಇದನ್ನು ಕೇಳಿದ ಲೀಲಾ ನಾಚಿಕೊಳ್ಳುತ್ತ ಇರುತ್ತಾಳೆ. ಲೀಲಾ ನಾಚಿಕೊಳ್ಳುವುದನ್ನು ನೋಡಿದ ದುರ್ಗಾಗೆ ಬಹಳ ಕೋಪ ಉಕ್ಕಿ ಬರುತ್ತದೆ. ಈ ವೇಳೆ ದುರ್ಗಾ ಸರಿ ಬಿಡು ಎಂದು ಹೇಳಿ ಅಲ್ಲಿಂದ ಹೊರಡಲು ಅನುವಾದಗ ಲೀಲಾ ಅವಳನ್ನು ತಡೆದು ನಿಲ್ಲಿಸಿ ನಾನು ಬರ್ತಡೇ ದಿನ ನಾನು ಏಜೇಗೆ ಪ್ರಪೋಸ್ ಮಾಡಬೇಕು ಅಂದುಕೊಂಡು ಇದ್ದೇನೆ ಎಂದಾಗ ದುರ್ಗಾಗೆ ಬಹಳ ಖುಷಿ ಆಗುತ್ತದೆ.