ನೀವೂ ಪಾರುನಾ ಅಂತ ಕೇಳಿದ ಮುದ್ದು ಮಕ್ಕಳಿಗೆ ಅಖಿಲಾಂಡೇಶ್ವರಿ ಸೊಸೆ ಹೇಳಿದ್ದೇನು?

ಅಮ್ಮ ಜೊತೆ ಪಾರು ರೌಂಡ್ಸ್

ಪಾರು ಅಲಿಯಾಸ್ ಮೋಕ್ಷಿತಾ ಪೈಗೆ ಫ್ಯಾಮಿಲಿ ಎಂದರೆ ಪಂಚಪ್ರಾಣ. ಕುಟುಂಬದೊಂದಿಗೆ ಕಾಲ ಕಳೆಯಲು ಇಷ್ಟ ಪಡುತ್ತಾರೆ. ಅಮ್ಮ ತಮ್ಮನನ್ನು ಬಿಟ್ಟಿಲಾರದಷ್ಟು ನಂಟು. ಅದರಲ್ಲೂ ಸಮಯ ಸಿಕ್ಕಾಗಲೆಲ್ಲಾ ತಮ್ಮನೊಂದಿಗೆ ಸಮಯ ಕಳೆಯುವ ಪ್ರೀತಿಯ ಅಕ್ಕ. ಇದೀಗ ಅಮ್ಮನ ಜೊತೆ ರೌಂಡ್ ಹೊಡೆದಿದ್ದಾರೆ. ಅಮ್ಮ ಮಗಳ ಸಮಯವಿದು ಅಂತ ಬರೆದು ಮೋಕ್ಷಿತಾ ಫೋಟೊ ಶೇರ್ ಮಾಡಿಕೊಂಡಿದ್ದಾರೆ. ಅಮ್ಮನ ಜೊತೆ ಸ್ನೋ ಪಾರ್ಕಿಗೆ ಹೋಗಿದ್ದಾರೆ. ಇನ್ನು ಸ್ನೋ ಪಾರ್ಕ್ ದಷ್ಟೇ ಫೋಟೊ ಶೇರ್ ಆಗಿದ್ದು, ಬೇರೆ ಬೇರೆ ಸ್ಥಳಗಳಲ್ಲೂ ರೌಂಡ್ ಹೊಡೆದಿದ್ದಾರೆ ಅಂತ ಅಭಿಮಾನಿಗಳು ಆ ಫೋಟೋಗಳ ನೋಡಲು ಕಾಯುತ್ತಿದ್ದಾರೆ.

ಪಾರು ಅಮ್ಮನ ಚಿತ್ರಾನ್ನ ಕೇಳಿದ ಫ್ಯಾನ್

ಪಾರು ತಮ್ಮ ಅಮ್ಮನ ಜೊತೆಗಿನ ಫೋಟೊಶೇರ್ ಮಾಡಿಕೊಂಡಿದ್ದೆ ತಡ, ಲೈಕ್ಸ್ ಮೇಲೆ ಸಿಕ್ಕಿದೆ. ಅಭಿಮಾನಿಗಳು ಮಗಳ ಜೊತೆಗೆ ಅಮ್ಮನನ್ನು ಹೊಗಳಿದ್ದಾರೆ. ನೀವಿಬ್ಬರೂ ನಮ್ಮ ಹಾರ್ಟ್ ನಲ್ಲಿದ್ದೀರಿ, ಬೆಸ್ಟ್ ಮಾಮ್ ಅಂತ ಒಬ್ಬರು ಕಮೆಂಟ್ ಮಾಡಿದ್ದರೆ, ಅಮ್ಮನ ಕೈಯ್ಯಾರೆ ಮಾಡಿದ ಚಿತ್ರಾನ್ನ ಮಿಸ್ ಮಾಡಿಕೊಳ್ಳುತ್ತಿದ್ದೀನಿ ಅಂತ ಇನ್ನೊಬ್ಬರು ಕಮೆಂಟ್ ಮಾಡಿದ್ದಾರೆ. ಇನ್ನು ಹಾರ್ಟ್ ಸಿಂಬಲ್ ಹಾಕಿ ಕಮೆಂಟ್ ಮಾಡಿರುವವರೇ ಹೆಚ್ಚಾದರೆ, ಪ್ರೀತಿಯಿಂದ ಗಣಿ ಕರೆದಂತೆ ಅಕ್ಕ ಎಂದು ಕರೆದಿರುವವರೂ ಇದ್ದಾರೆ.

ಪಾರು ಜೊತೆಗೊಂದು ಸೆಲ್ಫಿ

ಪಾರು ಈಗ ಎಲ್ಲರ ಅಚ್ಚುಮೆಚ್ಚಿನ ಹುಡುಗಿ. ಅಷ್ಟೇ ಅಲ್ಲ ಮೆಚ್ವಿನ ಮಗಳು ಕೂಡ. ಎಲ್ಲರೂ ಗುರುತಿಸುವಂತಹ ನಟಿ. ಸೋಶಿಯಲ್ ಮೀಡಿಯಾದಲ್ಲೂ ಸಾಕಷ್ಟು ಫ್ಯಾನ್ಸ್ ಪೇಜ್‌ಗಳು ಈಗಾಗಲೇ ಕ್ರಿಯೇಟ್ ಆಗಿವೆ. ಹೀಗಾಗಿ ಎಲ್ಲಿಯೇ ಹೋದರೂ ಫ್ಯಾನ್ಸ್ ತುಂಬಿಕೊಳ್ಳುತ್ತಾರೆ. ಇದೀಗ ಅಂತದ್ದೇ ವಿಡಿಯೋವೊಂದನ್ನು ಮೋಕ್ಷಿತಾ ಶೇರ್ ಮಾಡಿಕೊಂಡಿದ್ದಾರೆ. ಪಾರು ಯಾವುದೋ ಕಾರ್ಯಕ್ರಮದ ಉದ್ಘಾಟನೆಗೆ ಹೋಗಿದ್ದು, ಅಲ್ಲಿಯೂ ಅಭಿಮಾನಿಗಳು ಪಾರು ಜೊತೆ ಫೋಟೊಗಾಗಿ ಸುತ್ತುವರೆದಿದ್ದಾರೆ. ಪಾರು ಕೂಡ ತಮ್ಮ ಫ್ಯಾನ್ಸ್‌ಗೆ ಬೇಸರ ಮಾಡದೆ ಫೋಟೊಗೆ ನಗು ನಗುತ್ತಾ ಪೋಸ್ ನೀಡಿದ್ದಾರೆ. ಇದು ಅಭಿಮಾನಿಗಳಿಗೆ ಖುಷಿ ಕೊಟ್ಟಿದೆ.

ಕ್ಯೂಟ್ ಪಾರುಗೆ ಮುದ್ದು ಮಕ್ಕಳ ಪ್ರಶ್ನೆ

ಪಾರು ಅದೆಷ್ಟು ಖ್ಯಾತಿ ಪಡೆದಿದೆ ಎಂದರೆ, ಮಕ್ಕಳಿಗೂ ಇದು ಪಾರು ಎನಿಸಬೇಕು ಅಷ್ಟು ಖ್ಯಾತಿ ಪಡೆದಿದೆ. ಮೋಕ್ಷಿತಾ ಪೈ ಕಂಡ ಮಕ್ಕಳು ನೀವೂ ಪಾರೂನಾ ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಅಖಿಲಾಂಡೇಶ್ವರಿ ಸೊಸೆ, ಪಾರು‌ ಹೇಗಿರ್ತಾಳೆ ಹೇಳಿ ಅಂತ ಆ ಮಕ್ಕಳನ್ನೇ ಮತ್ತೆ ಕೇಳಿದ್ದಾರೆ. ನೀವೂ ಪಾರೂನೇ. ಇಲ್ಲಿ ಸೀರೆ ಉಟ್ಟಿದ್ದೀರಿ ಅಷ್ಟೇ. ಧಾರಾವಾಹಿಯಲ್ಲಿ ಲಂಗ ಧಾವಣಿ ಹಾಕುತ್ತೀರಾ ಅಂತ ಮಕ್ಕಳು ಪಾರುಳನ್ನು ಗುರುತಿಸಿದ್ದಾರೆ. ಮಕ್ಕಳ ಜೊತೆ ಮಕ್ಕಳಾಗಿ ಪಾರು ಸಿಕ್ಕಾಪಟ್ಟೆ ಎಂಜಾಯ್ ಮಾಡಿದ್ದಾರೆ.