ಪುಟ್ಟಕ್ಕನ ಮಕ್ಕಳು: ಕಂಠಿ-ಸ್ನೇಹಾ ಡ್ಯುಯೆಟ್ ಶುರು.. ಹ್ಯಾಂಡ್ಸಮ್ ಆಗೋದ ಕಂಠಿ..!

ಅವಳ ಒಲವನಗೆ ಅಂತಿದ್ದಾನೆ ಕಂಠಿ

ಸೆಲೆಬ್ರೆಟಿಗಳು ಇತ್ತೀಚೆಗೆ ಗ್ಯಾಪ್‌ನಲ್ಲಿ ರೀಲ್ಸ್ ಮಾಡುವುದು ಗೊತ್ತೆ ಇದೆ. ಇದು ಅವರ ಅಭಿಮಾನಿಗಳಿಗೂ ಖುಷಿ ಕೊಡುವ ವಿಚಾರ. ಪುಟ್ಟಕ್ಕನ ಮಕ್ಕಳು ಸಹ ಶೂಟಿಂಗ್ ಟೈಮ್‌ನಲ್ಲಿ ಸಾಕಷ್ಟು ರೀಲ್ಸ್ ಮಾಡುತ್ತಾ ಇರುತ್ತಾರೆ. ಆದರೆ ಜೀ ಕನ್ನಡ ಹಂಚಿಕೊಂಡಿರುವ ಈ ರೀಲ್ಸ್ ಒಂದು ಸಖತ್ ಇಂಟ್ರೆಸ್ಟಿಂಗ್ ಆಗಿದೆ. ಅದು ಕಂಠಿ ಮತ್ತು ಸ್ನೇಹಾ ಡ್ಯುಯೆಟ್ ಸಾಂಗ್. ಕಂಠಿ ಧಾರಾವಾಹಿಯಲ್ಲಂತು ಆ ರೀತಿ ಡ್ರೆಸ್ ಅಂತು ಮಾಡಿಕೊಂಡಿಲ್ಲ. ಯಾವಾಗಲೂ ಮಾಸ್ ಹೀರೊ ಲುಕ್‌ನಲ್ಲಿರುವ ಕಂಠಿ ಬ್ಲಾಕ್ ಡ್ರೆಸ್‌ನಲ್ಲಿ ಸಿಕ್ಕಾಪಟ್ಟೆ ಹ್ಯಾಂಡ್ಸಮ್ ಆಗಿ ಕಾಣುತ್ತಿದ್ದಾನೆ. ಇನ್ನು ಸ್ನೇಹಾ ಲೈಟ್ ಗ್ರೀನ್ ಲಾಂಗ್ ಟಾಪ್‌ನಲ್ಲಿ ಮಿಂಚುತ್ತಿದ್ದಾಳೆ. ಕಂಠಿ ಅವಳ ಒಲವನಗೆ ಅಂತ ಹಾಡೇಳುತ್ತಿರುವುದು ನೋಡುವುದಕ್ಕೆ ಮಜಾ ನೀಡುತ್ತಿದೆ. ಆದರೆ ಇದು ಕಂಠಿಯ ಕನಸಾ, ಧಾರಾವಾಹಿಯಲ್ಲಿ ಬರುತ್ತಾ ಎಂಬ ಪ್ರಶ್ನೆಗಳು ನೋಡುಗರದ್ದು. ಧಾರಾವಾಹಿಯದ್ದೇ ಆಗಿರಬೇಕು ಎಂದು ಅಂದಾಜಿಸಲಾಗಿದ್ದು, ಆದಷ್ಟು ಬೇಗ ಆ ಸೀನ್ ತೆರೆಮೇಲೆ ಬರಲಿ ಎನ್ನುತ್ತಿದ್ದಾರೆ.

ಕಂಠಿ-ಸ್ನೇಹಾ ರೊಮ್ಯಾನ್ಸ್: ಸಲಹೆಗಳ ಸುರಿಮಳೆ

ಕಂಠಿ ಧಾರಾವಾಹಿಯಲ್ಲಿ ಯಾವಾಗಲೂ ಮಾಸ್ ಹೀರೊ ಆಗಿನೇ ಕಾಣಿಸಿಕೊಂಡಿದ್ದಾನೆ. ಇನ್ನು ಸ್ನೇಹಾ ಯಾವಾಗಲೂ ಜಗಳಗಂಟಿ. ಇಬ್ಬರ ನಡುವೆ ಪ್ರೀತಿ ಶುರುವಾದರೆ ಇಬ್ಬರ ರೊಮ್ಯಾಂಟಿಕ್ ಸೀನ್ ನೋಡುವುದಕ್ಕೆ ಸಾಕಷ್ಟು ಮಂದಿ ಕಾಯುತ್ತಿದ್ದಾರೆ. ಅದರ ಸಣ್ಣ ಝಲಕ್ ಇರುವ ವಿಡಿಯೋವೊಂದನ್ನು ಶೇರ್ ಮಾಡಿರುವ ಜೀ ಕನ್ನಡ, ಆ ಕ್ಯೂರಿಯಾಸಿಟಿಯನ್ನು ತಣಿಸಿದೆ. ಅವರಿಬ್ಬರ ಡ್ಯೂಯೆಟ್ ಹಾಡು ನೋಡಿದವರು ಕೆಲವರು ಖುಷಿ ಪಟ್ಟರೆ ಇನ್ನು ಕೆಲವರು ಗಾಬರಿಯಾಗಿದ್ದಾರೆ. ಕಂಠಿ ಮುಖದಲ್ಲಿ ಒಂದಷ್ಟು ಮುಗ್ಧತೆ ಎದ್ದು ಕಾಣುತ್ತಿದೆ. ಜೋಡಿ ಮಾತ್ರ ಸೂಪರ್ ಆಗಿದೆ ಎಂಬ ಕಮೆಂಟ್‌ಗಳು ಬರುತ್ತಿವೆ. ಕಂಠಿ ಮತ್ತು ಸ್ನೇಹಾಳನ್ನು ಅಣ್ಣ ಅತ್ತಿಗೆ ಎಂದೇ ನೆಟ್ಟಿಗರು ಕರೆಯುತ್ತಾರೆ. ಹೀಗಾಗಿ ಅಣ್ಣ ಅತ್ತಿಗೆಗೆ ಮನತುಂಬಿ ಹಾರೈಸುತ್ತಿದ್ದಾರೆ.

ಸ್ನೇಹಾ ಆಯ್ತು ಈಗ ಸಹನಾ ವಿಡಿಯೋ

ಪುಟ್ಟಕ್ಕನ ಮಕ್ಕಳಲ್ಲಿ ಇಬ್ಬರ ಲವ್ ಸ್ಟೋರಿ ಟ್ರ್ಯಾಕ್‌ಗೆ ಬರದೆ ಒದ್ದಾಡುತ್ತಿದೆ. ಕಂಠಿಯದ್ದು ಒನ್ ವೇ ಲವ್ವು. ಆದರೆ ಸಹನಾ ಮತ್ತು ಮುರುಳಿಯದ್ದು ಟುವೇ ಲವ್ವು. ಇಬ್ಬರ ಮನಸ್ಸಲ್ಲೂ ಪ್ರೀತಿ ಹುಟ್ಟಿದ್ದರು ಹೇಳಿಕೊಳ್ಳುವ ಗೋಜಿಗೆ ಹೋಗುತ್ತಿಲ್ಲ. ಧೈರ್ಯ ಸಾಕಾಗುತ್ತಿಲ್ಲ. ಆದರೆ ಈಗ ಕಂಠಿ ಮತ್ತು ಸ್ನೇಹಾ ಡ್ಯುಯೆಟ್ ಸಾಂಗ್ ನೋಡಿದವರು ಸಹನಾ ಮತ್ತು ಮುರುಳಿ ಮೇಷ್ಟ್ರ ಸಾಂಗ್ ಬಿಡಿ ಎನ್ನುತ್ತಿದ್ದಾರೆ.

ಲವ್ ಯೂ ಹೇಳಲು ಪ್ರಾಕ್ಟೀಸ್ ಮಾಡುತ್ತಿರೊ ಮೇಷ್ಟ್ರು

ಸಹನಾಗೆ ಮದುವೆ ಮಾಡಲು ಮನೆಯಲ್ಲಿ ಅಂದಿನಿಂದ ಸಿದ್ಧತೆ ನಡೆಯುತ್ತಿದೆ. ಒಂದು ಸಂಬಂಧ ಈಗಾಗಲೇ ಮುರಿದುಬಿದ್ದಿದೆ. ಇದೀಗ ಮತ್ತೊಂದು ಸಂಬಂಧ ಅರಸಿ ಬಂದಿದೆ. ಇದು ಮುರುಳಿ ಮೇಷ್ಟ್ರಿಗೆ ಗೊತ್ತಾಗಿ ಮನಸ್ಸಲ್ಲಿಯೇ ಸಂಕಟ ಪಡುತ್ತಿದ್ದಾರೆ. ಶಾಲೆಯ ಜವಾನನ ಬಳಿ ಹೇಳಿದಾಗ ಮೊದಲು ಪ್ರೀತಿಯನ್ನು ಹೇಳಿಕೊಳ್ಳಿ ಎಂಬ ಸಲಹೆ ನೀಡಿದ್ದಾನೆ. ಜೊತೆಗೆ ಆತನಲ್ಲಿಯೇ ಸಹನಾಳನ್ನು ನೆನೆದು ಮುರುಳಿ ಮೇಷ್ಟ್ರು ಐ ಲವ್ ಯೂ ಹೇಳುವುದಕ್ಕೆ ಪ್ರಾಕ್ಟೀಸ್ ಮಾಡಿ ಆಗಿದೆ. ಇನ್ನೇನಿದ್ದರು ಸಹನಾ ಬಳಿ ಪ್ರೀತಿ ಹೇಳುವುದೊಂದೇ ಬಾಕಿ.