ಅವಾರ್ಡ್ ಫಂಕ್ಷನ್‌ಗಳಲ್ಲಿ ಕಡೆಗಣನೆ: ಬಾಲಿವುಡ್ ಲಾಬಿ ವಿರುದ್ಧ ಕಿಡಿಕಾರಿದ ಅಭಯ್ ಡಿಯೋಲ್

ಹಿಟ್ ಆಗಿದ್ದ ಚಿತ್ರ

ಮೂವರು ಸ್ನೇಹಿತರು ರಜೆಯ ಅವಧಿಯಲ್ಲಿ ಸೇರಿ ದೇಶಗಳನ್ನು ಸುತ್ತಾಡುತ್ತಾ ಹುಚ್ಚಾಟಗಳನ್ನು ಮಾಡಿ ಆನಂದಿಸುವ ಕಥೆ ಜನರಿಗೆ ಇಷ್ಟವಾಗಿತ್ತು. ಅದರ ಜತೆಗೆ ಬದುಕಿನ ಹುಡುಕಾಟದ ಪ್ರಯಾಣದ ಅಂಶಗಳು ಆಪ್ತವಾಗಿದ್ದವು. ಇದರಲ್ಲಿ ಎಲ್ಲರಿಗೂ ಪ್ರಮುಖ ಪಾತ್ರಗಳೇ ಆಗಿದ್ದರೂ ಹೃತಿಕ್ ರೋಷನ್ ಹಾಗೂ ಕತ್ರಿನಾ ಕೈಫ್ ಅವರದ್ದ ಲೀಡ್ ಪಾತ್ರಗಳು ಹಾಗೂ ಉಳಿದವರದ್ದು ಪೋಷಕ ಪಾತ್ರಗಳೆಂಬಂತೆ ಬಿಂಬಿಸಲಾಗಿತ್ತು ಎನ್ನುವುದು ಅಭಯ್ ಬೇಸರ.

ನಾವು ಪೋಷಕ ಪಾತ್ರಗಳಂತೆ!

'ಬಹುತೇಕ ಪ್ರತಿಯೊಂದು ಅವಾರ್ಡ್ ಫಂಕ್ಷನ್‌ಗಳಲ್ಲಿಯೂ ನನ್ನನ್ನು ಹಾಗೂ ಫರ್ಹಾನ್ ಅವರನ್ನು ಮುಖ್ಯ ಪಾತ್ರಗಳಿಂದ ಡಿಮೋಟ್ ಮಾಡಲಾಗುತ್ತಿತ್ತು. ನಮ್ಮನ್ನು ಪೋಷಕ ಪಾತ್ರಗಳಿಗೆ ನಾಮನಿರ್ದೇಶನ ಮಾಡಲಾಗುತ್ತಿತ್ತು. ಹೃತಿಕ್ ಮತ್ತು ಕತ್ರಿನಾ ಅವರನ್ನು ಚಿತ್ರದ ಲೀಡಿಂಗ್ ರೋಲ್‌ಗಳಲ್ಲಿರುವವರು ಎಂದೇ ನಾಮನಿರ್ದೇಶನ ಮಾಡಲಾಗುತ್ತಿತ್ತು.

ಉದ್ಯಮದ ಲಾಜಿಕ್ ಇಷ್ಟೇ!

ಉದ್ಯಮದಲ್ಲಿನ ಅದರದ್ದೇ ಆದ ಲಾಜಿಕ್ ಪ್ರಕಾರ, ಈ ಚಿತ್ರದಲ್ಲಿ ಒಬ್ಬ ಪುರುಷ ಮತ್ತು ಮಹಿಳೆ ಪ್ರೀತಿಯಲ್ಲಿ ಬೀಳುತ್ತಾರೆ. ಪುರುಷ ತೆಗೆದುಕೊಳ್ಳುವ ಎಲ್ಲ ನಿರ್ಧಾರಗಳನ್ನು ಆತನ ಸ್ನೇಹಿತರು ಬೆಂಬಲಿಸುತ್ತಾರೆ ಎಂಬಂತಿದೆ.

ನಾಚಿಕೆಗೇಡು ಬಹಿರಂಗ

ಉದ್ಯಮದಲ್ಲಿನ ಜನರ ಲಾಬಿಯು ನಿಮ್ಮ ವಿರುದ್ಧ ಹೇಗೆ ಇದೆ ಎಂಬುದು ಕೆಲವೊಮ್ಮೆ ನಿಗೂಢ ಹಾಗೂ ಕೆಲವೊಮ್ಮೆ ಬಹಿರಂಗವಾಗಿರುತ್ತದೆ. ಈ ಪ್ರಕರಣದಲ್ಲಿ ನಾಚಿಕೆಗೇಡಿನಂತೆ ಬಹಿರಂಗವಾಗಿ ಪ್ರದರ್ಶಿಸಲಾಗಿತ್ತು. ನಾನು ಈ ಎಲ್ಲ ಅವಾರ್ಡ್ಸ್‌ಗಳನ್ನು ಬಹಿಷ್ಕರಿಸಿದ್ದೆ. ಆದರೆ ಫರ್ಹಾನ್ ಅದರ ಬಗ್ಗೆ ಪರವಾಗಿಲ್ಲ ಎಂಬಂತೆ ಇದ್ದರು ಎಂದು ಕಿಡಿಕಾಡಿದ್ದಾರೆ.