ನಟಿ ಪೂಜಾ ಬೇಡಿಯನ್ನು ಗೋವಾ ಕ್ವಾರೆಂಟೈನ್‌ನಲ್ಲಿ ಇರಿಸಿರುವ ಜಾಗ ಹೇಗಿದೆ ಗೊತ್ತೇ?

ಸ್ವಲ್ಪವಾದರೂ ಸ್ವಚ್ಛತೆ ಬೇಡವೇ?

'ನಾವು ಕಂಫರ್ಟ್ ಆದ ಸೌಲಭ್ಯ ಬಯಸುತ್ತೇವೆ ಎನ್ನುವುದಿಲ್ಲ. ಆದರೆ ಇರುವ ಜಾಗ ಶುಚಿಯಾಗಿರಬೇಕು. ಹಾಗೆ ಒದಗಿಸಿದ್ದರೆ ಸರ್ಕಾರದ ಕ್ರಮವನ್ನು ಪ್ರಶಂಸಿಸಬಹುದಾಗಿತ್ತು. ಸ್ಯಾನಟೈಸ್ ಮಾಡುವುದಿರಲಿ, ಎಲ್ಲಿ ನೋಡಿದರೂ ಫಂಗಸ್, ಕೊಳಕು, ದೂಳು ತುಂಬಿಕೊಂಡಿದೆ' ಎಂದು ಆರೋಪಿಸಿದ್ದಾರೆ.

ಗಲೀಜು ತುಂಬಿದೆ

'ಇದರ ಅರ್ಥ ಈ ಸ್ಥಳವನ್ನು ಸ್ಯಾನಿಟೈಸ್ ಮಾಡುತ್ತಿಲ್ಲ. ಜನರು ಸುಮ್ಮನೆ ಇಲ್ಲಿಗೆ ಬರುತ್ತಾರೆ, ಹೋಗುತ್ತಾರೆ. ಇಲ್ಲಿ ಒಂದೇ ಒಂದು ದಿನವೂ ಸ್ವಚ್ಛತೆಯ ಕಾರ್ಯ ಮಾಡಿಲ್ಲ. ಇಂತಹ ಗಲೀಜು ಸೌಲಭ್ಯ ಇಲ್ಲಿರುವಾಗ, ಅಷ್ಟೊಂದು ಜನರು ಇಲ್ಲಿಗೆ ಏಕೆ ಪದೇ ಪದೇ ಅಡ್ಡಾಡುತ್ತಿದ್ದಾರೆ ಎನ್ನುವುದು ಸಹ ಅರ್ಥವಾಗುತ್ತಿಲ್ಲ' ಎಂದು ಕಿಡಿಕಾರಿದ್ದಾರೆ.

ಈ ವ್ಯವಸ್ಥೆಯಿಂದಲೇ ಹೆಚ್ಚು ಅಪಾಯ

'ಒಂದು ಸುರಕ್ಷಿತವಾಗಿ ಮನೆಯಿಂದ ಇನ್ನೊಂದು ಸುರಕ್ಷಿತವಾದ ಮನೆಗೆ ಹೋಗುವ ಪ್ರಯಾಣಕ್ಕಿಂತ, ಇಂತಹ ಸೌಲಭ್ಯದಿಂದ ಆಗುವ ಅಪಾಯವೇ ಹೆಚ್ಚು. ಸ್ವಚ್ಛತೆ ಕಾಪಾಡಿಕೊಳ್ಳದೆ ಇರುವುದು, ಸ್ಯಾನಿಟೈಸ್ ಮಾಡದೆ ಇರುವುದು ವೈರಸ್‌ಗಳು ಹರಡಲು ಅವಕಾಶ ನೀಡುತ್ತದೆ. ಕೊರೊನಾ ಇಲ್ಲದೆಯೇ ಗೋವಾ ಬಂದವರಿಗೆ ಕ್ವಾರೆಂಟೈನ್ ಕೇಂದ್ರದ ಕೊಳಕು ವ್ಯವಸ್ಥೆಯಿಂದಲೇ ಕೊರೊನಾ ವೈರಸ್ ಬರುವಂತಿದೆ' ಎಂದಿದ್ದಾರೆ.

ಸೆಲೆಬ್ರಿಟಿ ಗೋವಾಕ್ಕೆ

'ಬೇರೆಯವರ ಸುರಕ್ಷತೆಯ ದೃಷ್ಟಿಯಿಂದ ಈ ಟ್ವೀಟ್ ಮಾಡಿದ್ದೇನೆ. ಆದರೆ ಎಲ್ಲ ಜನರೂ 'ಒಬ್ಬ ಸೆಲೆಬ್ರಿಟಿ ಗೋವಾ ಪ್ರವೇಶಿಸಿದ್ದಾರೆ' ಎಂಬುದರ ಮೇಲೆ ಮಾತ್ರವೇ ಗಮನ ಹರಿಸುತ್ತಿದ್ದಾರೆ' ಎಂದು ಸಮಸ್ಯೆ ಕುರಿತು ಮಾತನಾಡದ ಜನರ ಮೇಲೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.