ಬಿಕಿನಿ ಫೋಟೊಗಳಲ್ಲಿ ಪಡ್ಡೆಹುಡುಗರ ಹೃದಯದಲ್ಲಿ ಮತ್ತೆ ಕಿಚ್ಚು ಹಚ್ಚಿದ ಸನ್ನಿ ಲಿಯೋನ್

ಬಿಕಿನಿ ಫೋಟೊಗಳಲ್ಲಿ ಸನ್ನಿ ಮಿಂಚು

ಇನ್‌ಸ್ಟಾಗ್ರಾಂನಲ್ಲಿ ಸನ್ನಿ ಲಿಯೋನ್‌ಗೆ ಸುಮಾರು 33 ಮಿಲಿಯನ್ ಅಭಿಮಾನಿಗಳಿದ್ದಾರೆ. ಬಿಕಿನಿ ಫೋಟೊಗಳಲ್ಲಿ ತಮ್ಮ ದೇಹದ ಸೊಬಗನ್ನು ಪ್ರದರ್ಶಿಸುವ ಮೂಲಕ ಸನ್ನಿ, ಮತ್ತೆ ಪಡ್ಡೆ ಹೈಕಳ ಗಮನ ಸೆಳೆದಿದ್ದಾರೆ. ಬಹು ದಿನಗಳ ಬಳಿಕ ಸನ್ನಿ ಬಿಕಿನಿ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.

ಬೇಸರಕ್ಕೆ ಸನ್ನಿ ಮುಲಾಮು

ಲಾಕ್‌ಡೌನ್‌ ಕಾರಣದಿಂದ ಮನೆಯೊಳಗೇ ಇರಬೇಕಾದ ಸ್ಥಿತಿಯಲ್ಲಿ ಕೆಲವರು ಬೇಸರದಲ್ಲಿದ್ದಾರೆ. ಹೊಸ ಸಿನಿಮಾಗಳಿಲ್ಲ, ಮನರಂಜನೆಗಳಿಲ್ಲ. ಹೀಗಿರುವಾಗ ಖುಷಿ ಪಡಲು ಹೊಸತೇನೂ ಸಿಗುತ್ತಿಲ್ಲ ಎಂಬ ನೋವಿಗೆ ಸನ್ನಿ ಲಿಯೋನ್ ಮುಲಾಮು ಹಚ್ಚಿದ್ದಾರೆ.

ಕಲಾವಿದರ ಜತೆಗೆ ಸನ್ನಿ ಕಾರ್ಯಕ್ರಮ

ಸನ್ನಿ ಲಿಯೋನ್ ಸಾಮಾಜಿಕ ಜಾಲತಾಣಗಳಲ್ಲಿ ನಿರಂತರವಾಗಿ ಅಪ್‌ಡೇಟ್‌ಗಳನ್ನು ಮಾಡುವ ಮೂಲಕ ತಮ್ಮ ಅಭಿಮಾನಿಗಳಲ್ಲಿ ಉತ್ತೇಜನ ನೀಡಲು ಮತ್ತು ಸಕಾರಾತ್ಮಕವಾಗಿ ಇರುವಂತೆ ನೋಡಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. 'ಲಾಕ್ಡ್ ಅಪ್ ವಿತ್ ಸನ್ನಿ' ಎಂಬ ಇನ್‌ಸ್ಟಾಗ್ರಾಂ ಕಾರ್ಯಕ್ರಮದ ಮೂಲಕ ಬೇರೆ ಬೇರೆ ಕಲಾವಿದರೊಂದಿಗೆ ಲೈವ್ ಬರುತ್ತಿದ್ದಾರೆ.

ದುರುಗುಟ್ಟಿ ನೋಡಿ ಪರ್ವಾಗಿಲ್ಲ!

ಸನ್ನಿ ಲಿಯೋನ್ ಸತತ ವರ್ಕೌಟ್ ಮೂಲಕ ತಮ್ಮ ದೇಹದ ಸೌಂದರ್ಯವನ್ನು ಹಾಗೆಯೇ ಉಳಿಸಿಕೊಂಡು ಬಂದಿದ್ದಾರೆ. ಹೀಗಾಗಿ ಯಾವುದೇ ಮುಚ್ಚುಮರೆ, ಹಿಂಜರಿಕೆಯಿಲ್ಲದೆ ದಿಟ್ಟತನದಿಂದ ಬಿಕಿನಿ ಫೋಟೊಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. 'ನೀವು ದುರುಗುಟ್ಟಿ ನೋಡುವುದು ತೊಂದರೆಯೇನಿಲ್ಲ' ಎಂಬ ಕ್ಯಾಪ್ಷನ್ ಹಾಕಿ ಮತ್ತಷ್ಟು ಕಿಚ್ಚು ಹಚ್ಚಿಸುತ್ತಿದ್ದಾರೆ.

ದೀಪ ಬೆಳಗಿದ ಸನ್ನಿ

ಸದ್ಯಕ್ಕೆ ಮನೆಯಲ್ಲಿ ಪತಿ ಹಾಗೂ ಮೂವರು ಮಕ್ಕಳೊಂದಿಗೆ ಲಾಕ್‌ಡೌನ್ ಅವಧಿಯನ್ನು ಕಳೆಯುತ್ತಿದ್ದಾರೆ. ಮನೆಯಲ್ಲಿಯೇ ಕುಳಿತು ಸಮ್ಮರ್ ಫೋಟೊಗಳೆಂದು ಬೇಸಿಗೆಯಲ್ಲಿ ಹೆಚ್ಚಿನ ಬಟ್ಟೆಯ ಅಗತ್ಯವಿಲ್ಲ ಎಂಬಂತೆ ಹಸಿಬಿಸಿ ಫೋಟೊಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರ ಸಲಹೆಯಂತೆ ಭಾನುವಾರ ರಾತ್ರಿ ದೀಪ ಬೆಳಗಿದ್ದಾರೆ.