ನಾವು ಒಬ್ಬರಿಗೊಬ್ಬರು ಮೋಸ ಮಾಡಲಿಲ್ಲ, ಆದರೂ ದೂರವಾದೆವು: ಬ್ರೇಕಪ್ ಕಾರಣ ಬಿಚ್ಚಿಟ್ಟ ನಟಿ

ಯಾರೂ ಯಾವ ತಪ್ಪೂ ಮಾಡಲಿಲ್ಲ

ನನಗೆ ಈ ಮುಂದೆ ಹೆಚ್ಚು ಕೋಪ ಇರಲಿಲ್ಲ. ಈಗಲೂ ನನಗೆ ಕೋಪವಿಲ್ಲ. ಹಾಗೆ ಇದ್ದಿದ್ದರೆ ಈ ಸಂಕಟವನ್ನು ಎದುರಿಸಲು ಅದು ಸಹಾಯ ಮಾಡುತ್ತಿತ್ತು. ಯಾರೂ ಯಾವುದೇ ಕೆಡುಕನ್ನು ಮಾಡಲಿಲ್ಲ. ಯಾರೂ ಯಾವುದೇ ತಪ್ಪನ್ನು ಮಾಡಲಿಲ್ಲ. ಹಾಗೆಯೇ ಯಾರಿಗೂ ಯಾರೂ ವಂಚಿಸಲಿಲ್ಲ. ಆ ಯಾವ ಟಿಪಿಕಲ್ ಸಂಗತಿಗಳೂ ಕಾರಣವಾಗಲಿಲ್ಲ. ಅದೇ ದುರದೃಷ್ಟಕರ' ಎಂದಿದ್ದಾರೆ.

ಜತೆಯಾಗಿ ಪಯಣಿಸುವುದೇ ಸಂಬಂಧ

ಸಂಬಂಧ ಎನ್ನುವುದು ಒಂದು ಜೋಡಿಯಾಗಿ ನಡೆಸುವ ಪ್ರಯಾಣ ಎಂದು ಹೋಲಿಸಿರುವ ಸ್ವರ, ನಾನು ಅದರ ಬಗ್ಗೆ ಯಾವಾಗಲೂ ಯೋಚಿಸುತ್ತಿದ್ದೆ. ನೀವು ಜತೆಯಾಗಿ ಉದ್ಯಾನದಲ್ಲಿ ಹೋಗುತ್ತಿದ್ದೀರಿ ಎಂದರೆ ನೀವು ಜತೆಯಾಗಿ ಪಯಣಿಸುತ್ತಿದ್ದೀರಿ ಎಂದರ್ಥ. ಅದೇ ಸಂಬಂಧ.

ಒಬ್ಬರು ತಮ್ಮ ದಾರಿ ತ್ಯಾಗ ಮಾಡಬೇಕು

ಆದರೆ ನಿಮ್ಮ ಮುಂದೆ ಎರಡೇ ದಾರಿಗಳಿವೆ. ನೀವು ಎಡ ಅಥವಾ ಬಲಕ್ಕೆ ಹೋಗಬೇಕು. ಜತೆಗಾರ ಬಲಕ್ಕೆ ಹೋಗಲು ಬಯಸಿದರೆ, ಮತ್ತೊಬ್ಬರು ಎಡಕ್ಕೆ ಹೋಗಲು ಬಯಸುವ ಜಾಗಕ್ಕೆ ಬಂದಾಗ ಅವರಲ್ಲಿ ಒಬ್ಬರು, ಸರಿ ನಾನು ನನ್ನ ದಾರಿ ಬಿಟ್ಟುಬಿಡುತ್ತೇನೆ. ನಿನ್ನ ಜತೆ ಬರುತ್ತೇನೆ ಎನ್ನಬೇಕು ಎಂದು ಹೇಳಿದ್ದಾರೆ.

ಇತರರ ಆಯ್ಕೆಯನ್ನೂ ಒಪ್ಪಬೇಕು

ಒಂದು ವೇಳೆ ಯಾವ ವ್ಯಕ್ತಿಯೂ ತಮ್ಮ ದಿಕ್ಕನ್ನು ಬಿಟ್ಟುಬರಲು ಸಿದ್ಧರಿಲ್ಲ ಎಂದರೆ ನೀವು ಅದಕ್ಕೆ ಗುಡ್‌ಬೈ ಹೇಳಿ, ಬಹುಶಃ ನಮ್ಮ ಪಯಣ ಇಷ್ಟೇ ಇರಬೇಕು ಎಂದು ಅಂದುಕೊಳ್ಳಬೇಕು. ನಾವು ನಮ್ಮ ಆಯ್ಕೆಯನ್ನು ಮಾತ್ರವಲ್ಲ, ಇತರರ ಆಯ್ಕೆಯನ್ನೂ ಒಪ್ಪಿಕೊಳ್ಳಬೇಕು. ನಾವು ಬೆಳೆಯುವುದೆಂದರೆ ಅದೇ. ನನಗೆ ನನ್ನ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಭಾವನೆಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದೆ. ಅದರಿಂದಾಗಿ ಸಾಕಷ್ಟು ಬೆಂಬಲ ಸಿಕ್ಕಿತು ಎಂದು ತಿಳಿಸಿದ್ದಾರೆ.