ನಿಮ್ಮ ಅಭಿಮಾನಿಗಳನ್ನು ನನಗೆ ಕೊಟ್ಟು ಬಿಡಿ ಎಂದು ಗೋಗೆರೆದ ಆಲಿಯಾ ಭಟ್

ಜೂ.ಎನ್‌ಟಿಆರ್ ಜೊತೆ ಆಲಿಯಾ ಹೊಸ ಸಿನಿಮಾ

ಹೌದು.. ಬಾಲಿವುಡ್ ಮಂದಿಗೆ ದಕ್ಷಿಣ ಭಾರತದ ಕಥೆಗಳು ಇಷ್ಟ ಆಗುತ್ತಿದೆ. ಅದಕ್ಕೆ ಒಂದೊಂದಾಗೇ ಬಾಲಿವುಡ್‌ಗೆ ರಿಮೇಕ್ ಕೂಡ ಆಗುತ್ತಿದೆ. RRR ಸಿನಿಮಾ ಬಳಿಕ ಆಲಿಯಾ ಭಟ್‌ಗೂ ಸೌತ್ ಸಿನಿಮಾಗಳ ಮೇಲೆ ಒಲವು ಹೆಚ್ಚಾಗಿದೆ. ಹೀಗಾಗಿ ಜೂ.ಎನ್‌ಟಿಆರ್ ಅಭಿನಯದ 30ನೇ ಸಿನಿಮಾದ ಕಥೆಯನ್ನು ನಿರ್ದೇಶಕ ಕೊರಟಾಲ ಶಿವ ಹೇಳಿದ ಕೂಡಲೇ ಗ್ರೀನ್ ಸಿಗ್ನಲ್ ಕೊಟ್ಟಿದ್ದರು. ಈ ಬಗ್ಗೆ ಸ್ವತ: ಆಲಿಯಾನೇ ಸಂದರ್ಶವೊಂದರಲ್ಲಿ ಹೇಳಿಕೊಂಡಿದ್ದರು. " ಕೊರಟಾಲ ಶಿವ ಬಂದು ಕಥೆಯನ್ನು ನಿರೂಪಣೆ ಮಾಡಿದ್ದರು. ಆ ಕಥೆಯನ್ನು ಕೇಳಿ ನಾನು ಬೇರೆ ಆಲೋಚನೆ ಮಾಡಲಿಲ್ಲ. ಅವರು ಕಥೆ ಹೇಳಿ ಮುಗಿಯುತ್ತಿದ್ದಂತೆ ಈ ಸಿನಿಮಾ ಒಪ್ಪಿಕೊಂಡಿದ್ದೆ. ಜೂ.ಎನ್‌ಟಿಆರ್ ಜೊತೆ ಮತ್ತೆ ಕೆಲಸ ಮಾಡುವುದನ್ನು ಎದುರು ನೋಡುತ್ತಿದ್ದೇನೆ." ಎಂದು ಆಲಿಯಾ ಭಟ್ ಹೇಳಿದ್ದರು. ಈಗ ಆಲಿಯಾ ಟಾಲಿವುಡ್‌ ಯಂಗ್ ಟೈಗರ್‌ಗೆ ತಮ್ಮ ಅಭಿಮಾನಿಗಳನ್ನು ಕೊಡಿ ಎಂದು ಬೇಡಿಕೆ ಇಟ್ಟಿದ್ದಾರೆ.

ಜೂ.ಎನ್‌ಟಿಆರ್ ಅಭಿಮಾನಿಗಳು ನನಗೆ ಬೇಕು

ಆಲಿಯಾ ಭಟ್‌ಗೆ ವಿಶ್ವದ ಮೂಲೆ ಮೂಲೆಯಲ್ಲೂ ಅಭಿಮಾನಿಗಳಿದ್ದಾರೆ. ಆದರೆ, ಆಲಿಯಾ ಭಟ್‌ಗೆ ಮಾತ್ರ ಜೂ.ಎನ್‌ಟಿಆರ್ ಅಭಿಮಾನಿಗಳ ಮೇಲೆ ಕಣ್ಣು. ಇತ್ತೀಚೆಗೆ RRR ಸಿನಿಮಾದ ಪ್ರಚಾರದ ವೇಳೆ ಆಲಿಯಾ ಭಟ್ ಯಂಗ್ ಟೈಗರ್ ಅಭಿಮಾನಿಗಳು ನನಗೆ ಬೇಕು ಅಂತ ಬೇಡಿಕೆ ಇಟ್ಟಿದ್ದರು. "ದಯವಿಟ್ಟು ನಿಮ್ಮ ಅಭಿಮಾನಿಗಳನ್ನು ನನಗೆ ಕೊಟ್ಟು ಬಿಡಿ. ಅವರ ಅಭಿಮಾನಿಗಳನ್ನು ನನಗೆ ಇಷ್ಟ. ಜೂ.ಎನ್‌ಟಿಆರ್ ಅಭಿಮಾನಿಗಳು ನಿಷ್ಠಾವಂತರು." ಎಂದು ಆಲಿಯಾ ಭಟ್ ಹೇಳಿದ್ದಾರೆ.

ಸರಳ ವ್ಯಕ್ತಿತ್ವದ ನಟ ಎಂದ ಆಲಿಯಾ

ದಕ್ಷಿಣ ಭಾರತದಲ್ಲಿ ಜೂ.ಎನ್‌ಟಿಆರ್ ಎಷ್ಟೊಂದು ಹೆಸರು ಮಾಡಿದ್ದಾರೆ. ಎಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಅವರೊಂದಿಗೆ ಮತ್ತೊಂದು ಸಿನಿಮಾ ಮಾಡುವುದು ನನಗೆ ಖುಷಿ. ಅವರು ತುಂಬಾನೇ ಪ್ರತಿಭಾವಂತರು. ಅವರು ನಿಜಕ್ಕೂ ಅದ್ಭುತ. ಇಷ್ಟು ದೊಡ್ಡ ನಟನಾಗಿಯೂ ಸರಳ ವ್ಯಕ್ತಿತ್ವ ಹೊಂದಿದ್ದಾರೆ. ಇಲ್ಲಿವರೆಗೂ ಅವರು ಮಾಡಿರುವ ಕೆಲಸವನ್ನು ನಾನು ಇಷ್ಟ ಪಟ್ಟಿದ್ದೇನೆ." ಎಂದು RRR ಪ್ರಚಾರದ ವೇಳೆ ಹೇಳಿದ್ದರು.

ಎರಡು ಸಿನಿಮಾ ಪ್ರಚಾರದಲ್ಲಿ ಬ್ಯುಸಿ

ಆಲಿಯಾ ಭಟ್ ಎರಡು ಸಿನಿಮಾ ಒಂದು ತಿಂಗಳ ಅಂತರದಲ್ಲಿ ಬಿಡುಗಡೆಯಾಗುತ್ತಿದೆ. ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶಿಸಿದ 'ಗಂಗೂಬಾಯಿ ಕಾಠಿಯಾವಾಡಿ' ಫೆಬ್ರವರಿ 25ಕ್ಕೆ ಬಿಡುಗಡೆಯಾಗುತ್ತಿದೆ. ಈ ಚಿತ್ರ ತೆರೆಕಂಡ ಒಂದು ತಿಂಗಳ ಬಳಿಕ ಮಾರ್ಚ್ 25ಕ್ಕೆ RRR ರಿಲೀಸ್ ಆಗಲಿದೆ. ಹೀಗಾಗಿ ಇನ್ನು ಒಂದೂವರೆ ತಿಂಗಳು ಎರಡೂ ಸಿನಿಮಾಗಳ ಭರ್ಜರಿ ಪ್ರಚಾರದಲ್ಲಿ ಆಲಿಯಾ ಭಟ್ ಭಾಗಿಯಾಗಲಿದ್ದಾರೆ. ಜೂ.ಎನ್‌ಟಿಆರ್ ಹಾಗೂ ಆಲಿಯಾ ಹೊಸ ಸಿನಿಮಾ ಏಪ್ರಿಲ್ ತಿಂಗಳಲ್ಲಿ ಸೆಟ್ಟೇರುವ ಸಾಧ್ಯತೆಯಿದೆ.