ಥೈಲ್ಯಾಂಡ್ ಜನರ ಮನಗೆದ್ದ 'ಗಂಗೂಬಾಯಿ': ಬಾಲಿವುಡ್‌ ಸಿನಿಮಾ ಗೆದ್ದಿದ್ದೇಗೆ?

ಗಂಗೂಬಾಯಿ ಬಿಗ್ ಹಿಟ್

'ಗಂಗೂಬಾಯಿ ಕಾಠಿಯಾವಾಡಿ' ಥೈಲ್ಯಾಂಡ್‌ನಲ್ಲಿ ಇಷ್ಟು ದೊಡ್ಡ ಹಿಟ್ ಆಗುತ್ತೆ ಎಂದು ಊಹಿಸಲೂ ಸಾಧ್ಯವಿಲ್ಲ. ಅಲ್ಲಿನ ನೆಟ್‌ಫ್ಲಿಕ್ಸ್‌ನಲ್ಲಿ ಸಿನಿಮಾ ರಿಲೀಸ್ ಆದಲ್ಲಿಂದ ಹೆಚ್ಚು ಸಂಖ್ಯೆಯಲ್ಲಿ ಜನರು ಸಿನಿಮಾ ನೋಡುತ್ತಿದ್ದಾರೆ. ಆಲಿಯಾ ಭಟ್‌ ಸ್ಟೈಲ್‌ ಅನ್ನು ಇಷ್ಟ ಪಡುತ್ತಿದ್ದಾರೆ. ಕಾಮಾಟಿಪುರದ ರಾಣಿಯ ಖದರ್‌ಗೆ ಮರುಳಾಗಿದ್ದಾರೆ. ಥೈಲ್ಯಾಂಡಿನ ಹುಡುಗಿಯರು ಹಾಗೂ ಮಹಿಳೆಯರು ಆಲಿಯಾಳಂತೆ ಗೆಟಪ್‌ ಹಾಕಿಕೊಂಡು ವಿಡಿಯೋ ಮಾಡಿ ಪೋಸ್ಟ್ ಮಾಡುತ್ತಿದ್ದಾರೆ. ಆ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.

ಭಾರತದಲ್ಲೂ ಹಿಟ್ ಆಗಿಲ್ಲ

ಥೈಲ್ಯಾಂಡ್‌ನಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ 'ಗಂಗೂಬಾಯಿ ಕಾಠಿಯಾವಾಡಿ' ಸಿನಿಮಾ ಟ್ರೆಂಡಿಂಗ್‌ನಲ್ಲಿದೆ. ಟ್ವಿಟರ್, ಇನ್‌ಸ್ಟಾಗ್ರಾಂ, ಟಿಕ್‌ಟಾಕ್ ಹಾಗೂ ನೆಟ್‌ಫ್ಲಿಕ್ಸ್‌ನಲ್ಲಿ ಟ್ರೆಂಡಿಂಗ್‌ನಲ್ಲಿದೆ. ಸುಮಾರು 2 ಬಿಲಿಯನ್ ಹ್ಯಾಶ್‌ಟ್ಯಾಗ್‌ ವಿಡಿಯೋಗಳು ಟಿಕ್‌ಟಾಕ್‌ನಲ್ಲಿವೆ. ಸಾವಿರಾರು ವಿಡಿಯೋಗಳು ಹಾಗೂ ರೀಲ್ಸ್ ಟ್ವಿಟರ್ ಹಾಗೂ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಆಗುತ್ತಿವೆ. ಜನರು ಗಂಗೂಬಾಯಿ ಲುಕ್‌ಗೆ ಡ್ಯಾನ್ಸ್‌ಗೆ ಫಿದಾ ಆಗಿದ್ದಾರೆ. ಈ ಕ್ರೇಜ್ ಭಾರತದಲ್ಲೂ ಇರಲಿಲ್ಲ ಎನ್ನಲಾಗುತ್ತಿದೆ.

ಥೈಲ್ಯಾಂಡ್‌ಗೆ ಆಲಿಯಾ ಪ್ರವಾಸ

ಥೈಲ್ಯಾಂಡ್‌ನಲ್ಲಿ 'ಗಂಗೂಬಾಯಿ ಕಾಠಿಯಾವಾಡಿ ಕ್ರೇಜ್ ನೋಡಿ ಆಲಿಯಾ ಭಟ್ ಥ್ರಿಲ್ ಆಗಿದ್ದಾರೆ. ಈ ರೆಸ್ಪಾನ್ಸ್‌ಗೆ ಆಲಿಯಾ ಭಟ್ ಥೈಲ್ಯಾಂಡ್ ಜನರು ಧನ್ಯವಾದಗಳನ್ನು ಹೇಳಿದ್ದಲ್ಲದೆ ಅವರನ್ನು ನೋಡಲು ಬರುವುದಾಗಿ ಹೇಳಿದ್ದಾರೆ. ಶೀಘ್ರವೇ ಥೈಲ್ಯಾಂಡ್ ಪ್ರವಾಸ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆಲಿಯಾ ಭಟ್ ಜೊತೆ ರಣ್‌ಬೀರ್ ಕಪೂರ್ ಕೂಡ ಪಯಣ ಬೆಳೆಸುವ ಸಾಧ್ಯತೆಯಿದೆ.

ಟ್ರೆಂಡಿಂಗ್‌ನಲ್ಲಿ RRR

ಹಾಗಂತ 'ಗಂಗೂಬಾಯಿ ಕಾಠಿಯಾವಾಡಿ' ಒಂದೇ ಸಿನಿಮಾ ಅಲ್ಲ. ರಾಜಮೌಳಿ ನಿರ್ದೇಶಿಸಿದ RRR ಸಿನಿಮಾ ಕೂಡ ಥೈಲ್ಯಾಂಡ್‌ ಫೇಮಸ್ ಆಗಿದೆ. ಅಲ್ಲಿನ ಜನರಿಗೆ ಈ ಸಿನಿಮಾ ಇಷ್ಟ ಆಗಿದೆ. ಈ ಎರಡು ಸಿನಿಮಾಗಳು ಥೈಲ್ಯಾಂಡ್‌ನಲ್ಲಿ ಭಾರತೀಯ ಸಿನಿಮಾಗಳ ಕ್ರೇಜ್ ಹೆಚ್ಚಿಸಿವೆ. ಈ ಮೂಲಕ ಮತ್ತೊಂದು ದೇಶದಲ್ಲಿ ಭಾರತೀಯ ಸಿನಿಮಾಗಳು ಸದ್ದು ಮಾಡುವಂತಾಗಿದೆ.