ನಟಿ ಅನುಷ್ಕಾ ಶರ್ಮಾ ಮನೆಯಲ್ಲಿ ತಪ್ಪಿಸಿಕೊಂಡು ಬಂದ ಡೈನೋಸರ್!: ವೈರಲ್ ವಿಡಿಯೋ

ಡೈನೋಸರ್ ಕೊಹ್ಲಿ

ಇನ್‌ಸ್ಟಾಗ್ರಾಂನಲ್ಲಿ ಚಿಕ್ಕ ವಿಡಿಯೋ ಹಾಕಿರುವ ಅನುಷ್ಕಾ ಶರ್ಮಾ, 'ಸೆರೆಯಿಂದ ತಪ್ಪಿಸಿಕೊಂಡು ಬಂದಿರುವ ಡೈನೋಸರ್‌ಅನ್ನು ನಾನು ಪತ್ತೆಹಚ್ಚಿದ್ದೇನೆ' ಎಂದು ಬರೆದಿದ್ದಾರೆ. ಕೊಹ್ಲಿ ಜುರಾಸಿಕ್ ಪಾರ್ಕ್ ಚಿತ್ರ ಸರಣಿಯಲ್ಲಿ ತೋರಿಸಿರುವಂತೆ ಡೈನೋಸರ್ ರೀತಿ ನಡೆಯುತ್ತಾ ಕೊನೆಯಲ್ಲಿ ಘರ್ಜಿಸುತ್ತಾರೆ.

ಕೊಹ್ಲಿ ಫಿಟ್ನೆಸ್ ವಿಡಿಯೋ

ಕೊಹ್ಲಿ ಇನ್ನೊಂದೆಡೆ ವೇಯ್ಟ್ ಲಿಫ್ಟ್ ಮಾಡುವ ವಿಡಿಯೋ ಹಂಚಿಕೊಂಡಿದ್ದಾರೆ. ತೂಕವನ್ನು ಸಲೀಸಾಗಿ ಎತ್ತಬಲ್ಲೆ ಎಂಬುದನ್ನು ತೋರಿಸಿದ್ದಾರೆ. ಅದಕ್ಕೆ 'ಗಳಿಸಿಕೊಳ್ಳಿ, ಅದಕ್ಕಾಗಿ ಬೇಡಿಕೆ ಇರಿಸಬೇಡಿ' ಎಂಬ ಸ್ಫೂರ್ತಿದಾಯಕ ಸಾಲನ್ನು ಹಾಕಿದ್ದಾರೆ. ಈ ವಿಡಿಯೋ 'ಬೆಂಕಿ'ಯಾಗಿದೆ ಎಂದು ಭಾರತ ಕ್ರಿಕೆಟ್ ತಂಡದ ತರಬೇತುದಾರ ನಿಕ್ ವೆಬ್, ಕ್ರಿಕೆಟಿಗರಾದ ಎಬಿ ಡಿವಿಲಿಯರ್ಸ್, ಹರ್ಭಜನ್ ಸಿಂಗ್ ಪ್ರತಿಕ್ರಿಯಿಸಿದ್ದಾರೆ.

ಬೆಂಗಳೂರು ಸದ್ದಿನ ಕಾರಣ

ಈ ವಿಡಿಯೋ ಅನೇಕ ಮೀಮ್‌ಗಳಿಗೆ ತಮಾಷೆಯ ವಸ್ತುವಾಗಿ ಸಿಕ್ಕಿದೆ. ಬೆಂಗಳೂರಿನಲ್ಲಿ ಬುಧವಾರ ಮಧ್ಯಾಹ್ನ ಅನೇಕರಿಗೆ ಭಾರಿ ಸದ್ದು ಕೇಳಿಸಿತ್ತು. ಈ ಶಬ್ಧ ಎಲ್ಲಿಯದು ಎನ್ನುವುದು ನಿಗೂಢವಾಗಿದೆ. ಈ ಶಬ್ಧಕ್ಕೆ ನೈಜ ಕಾರಣ ಇದು ಎಂದು ಕೊಹ್ಲಿ ಡೈನೋಸರ್ ರೀತಿ ಕೂಗುವ ವಿಡಿಯೋವನ್ನು ಟ್ರೋಲ್ ಪುಟಗಳು ಬಳಸಿಕೊಂಡಿವೆ.

ಮಧ್ಯರಾತ್ರಿ ಕಿಚನ್‌ಗೆ ಹೋಗುವಾಗ

ಮಧ್ಯರಾತ್ರಿ 2 ಗಂಟೆಗೆ ನಾನು ಐಸ್ ಕ್ರೀಮ್ ತಿನ್ನಲು ಕಿಚನ್‌ನಲ್ಲಿ ಫ್ರಿಜ್ ಕಡೆಗೆ ಹೋಗುವಾಗ ಎಂದು ಕೆಲವು ಕೊಹ್ಲಿ ಫೋಟೊ ಬಳಸಿಕೊಂಡಿದ್ದಾರೆ, ಇನ್ನು ಕೆಲವರು ಕಿಚನ್‌ನಲ್ಲಿನ ಜಿರಲೆಗಳು ಹೀಗೆ ಇರುತ್ತವೆ ಎಂದಿದ್ದಾರೆ.