'ಕೆಜಿಎಫ್ 3' ಮೇಲೆ ಕಣ್ಣಿಟ್ಟ ಬಾಲಿವುಡ್‌ ಸ್ಟಾರ್‌ ನಟಿಯರು: ಯಾರಿಗೆ ಒಲಿಯುತ್ತೆ ಅದೃಷ್ಟ?

'ಕೆಜಿಎಫ್ 3' ಮೇಲೆ ಕಣ್ಣು

ಯಶ್ ಹಾಗೂ ಪ್ರಶಾಂತ್ ನೀಲ್ ಸೃಷ್ಟಿಸಿದ ನರಾಚಿ ಕೋಟೆಯ ಚರಿತ್ರೆ ಕೇವಲ ಕರ್ನಾಟಕಕ್ಕಷ್ಟೇ ಅಲ್ಲ. ಇಡೀ ವಿಶ್ವವೇ ಇಷ್ಟಪಟ್ಟಿತ್ತು. ದೇಶದ ಮೂಲೆ ಮೂಲೆಯಲ್ಲೂ 'ಕೆಜಿಎಫ್ 2' ನೋಡಿ ಮೆಚ್ಚಿಕೊಂಡಿದ್ದರು. ಈ ಕಾರಣಕ್ಕೆ ಅತಿ ಹೆಚ್ಚು ಗಳಿಕೆ ಕಂಡ ಭಾರತದ ಮೂರನೇ ಸಿನಿಮಾ ಎಂಬ ಹೆಗ್ಗಳಿಕೆ ಗಳಿಸಿದೆ. 'ಕೆಜಿಎಫ್ 2' ಆರ್ಭಟ ನೋಡಿ ಶಾಕ್ ಆಗಿರುವ ಬಾಲಿವುಡ್‌ ಮಂದಿ ಸಿನಿಮಾವನ್ನು ಹಾಡಿ ಹೊಗಳುತ್ತಿದೆ. ಈ ಕಾರಣಕ್ಕೆ ಎಲ್ಲರ ಕಣ್ಣು 'ಕೆಜಿಎಫ್ 3' ಸಿನಿಮಾ ಮೇಲಿದೆ. ಅದರಲ್ಲೂ ಬಾಲಿವುಡ್ ಸ್ಟಾರ್ ನಟಿಯರು 'ಕೆಜಿಎಫ್ 3' ಸಿನಿಮಾ ಮೇಲೆ ಕಣ್ಣಿಟ್ಟಿದ್ದಾರೆ ಎನ್ನಲಾಗಿದೆ.

ಯಶ್ ಮೇಲೆ ಬಾಲಿವುಡ್ ನಟಿಯರ ಕಣ್ಣು

"RRR' ಹಾಗೂ 'ಕೆಜಿಎಫ್ 2' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಬಿರುಗಾಳಿ ಎಬ್ಬಿಸಿತ್ತು. ಈ ಬಿರುಗಾಳಿಯನ್ನು ನೋಡಿದ ಬಳಿಕ ಬಾಲಿವುಡ್‌ ನಟಿಯರು 'ಕೆಜಿಎಫ್ 3' ಸಿನಿಮಾದಲ್ಲಿ ನಟಿಸುವ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ. ಇವರೆಲ್ಲರೂ ಬಾಲಿವುಡ್ ಚಿತ್ರರಂಗದ ಟಾಪ್ ನಟಿಯರು ಅನ್ನುವುದು ವಿಶೇಷ. ಈಗಾಗಲೇ 'ಕೆಜಿಎಫ್ 3' ನಿರ್ಮಾಪಕರ ಜೊತೆ ಬಾಲಿವುಡ್‌ ನಟಿಯರು ಸಿನಿಮಾದಲ್ಲಿ ನಟಿಸುವ ಆಸೆ ವ್ಯಕ್ತಪಡಿಸುತ್ತಿದ್ದಾರೆ" ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ. ಆದರೆ, 'ಕೆಜಿಎಫ್ 3' ಮೇಲೆ ಕಣ್ಣಿಟ್ಟ ಸ್ಟಾರ್ ನಟಿಯರು ಯಾರು ಅನ್ನುವುದನ್ನು ಮಾತ್ರ ಹೇಳಿಲ್ಲ.

ಬಾಲಿವುಡ್ ನಟಿಯರಿಗೆ ಅದೃಷ್ಟ

ಈಗಾಗಲೇ 'ಕೆಜಿಎಫ್' ಫ್ರಾಂಚೈಸಿಯಲ್ಲಿ ನಟಿಸಿದ ಬಾಲಿವುಡ್‌ ನಟ-ನಟಿಯರ ವೃತ್ತಿ ಜೀವನ ಮತ್ತೆ ಟ್ರ್ಯಾಕ್‌ಗೆ ಮರಳಿದೆ. ರವೀನಾ ಟಂಡನ್, ಸಂಜಯ್ ದತ್ 'ಕೆಜಿಎಫ್ 2' ಸಿನಿಮಾದಲ್ಲಿ ನಟಿಸಿದ್ದರು. ಬಾಲಿವುಡ್‌ನಲ್ಲಿ ಇವರಿಬ್ಬರ ರೇಂಜ್ ಮತ್ತೆ ಬದಲಾಗಿದೆ. ಇನ್ನು 'ಕೆಜಿಎಫ್ ಚಾಪ್ಟರ್ 1'ನಲ್ಲಿ ಮೌನಿ ರಾಯ್ ಐಟಂ ಸಾಂಗ್‌ನಲ್ಲಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ಬಳಿಕ ಮೌನಿ ರಾಯ್ ನಸೀಬು ಕೂಡ ಬದಲಾಯಿತು. ಹೀಗಾಗಿ ಬಾಲಿವುಡ್ ಸ್ಟಾರ್ ನಟಿಯರ ಕಣ್ಣು 'ಕೆಜಿಎಫ್ 3' ಮೇಲೆ ನೆಟ್ಟಿದೆ.

ಈ ಬೆಳವಣಿಗೆ ಬಗ್ಗೆ ಏನಂತಿದೆ ಬಾಲಿವುಡ್?

ಬಾಲಿವುಡ್‌ ಸ್ಟಾರ್ ನಟಿಯರು 'ಕೆಜಿಎಫ್ 3' ಸಿನಿಮಾ ಮೇಲೆ ಕಣ್ಣಿಟ್ಟಿದ್ದು, ದೇಶಾದ್ಯಂತ ಸುದ್ದಿಯಾಗಿದೆ. ಆದರೆ, ಆ ನಟಿಯರು ಯಾರು ಅನ್ನುವುದು ಮಾತ್ರ ಇನ್ನೂ ರಹಸ್ಯವಾಗಿಯೇ ಇದೆ. "ಬಾಲಿವುಡ್ ಸ್ಟಾರ್ ನಟಿಯರನ್ನು 'ಕೆಜಿಎಫ್ 3' ಸಿನಿಮಾದಲ್ಲಿ ಹಾಕಿಕೊಳ್ಳುವ ಬಗ್ಗೆ ನಿರ್ಮಾಪಕರು ಖಂಡಿತಾ ಆಲೋಚನೆ ಮಾಡುತ್ತಾರೆ. ಪ್ಯಾನ್ ಇಂಡಿಯಾ ಸಿನಿಮಾವನ್ನು ಮತ್ತೊಂದು ಮುಂದಕ್ಕೆ ತೆಗೆದುಕೊಂಡು ಹೋಗಲು ಈ ಆಲೋಚನೆ ಮಾಡುತ್ತಾರೆ." ಎಂದು ಮೂಲಗಳು ಇಂಡಿಯಾ ಟುಡೇಗೆ ಮಾಹಿತಿ ನೀಡಿವೆ.