ಲಾಕ್‌ಡೌನ್ ನಡುವೆಯೂ ಸ್ನೇಹಿತರೊಂದಿಗೆ ಪಾರ್ಟಿ ಮಾಡಿದ ನಟಿ: ದೂರು ದಾಖಲು

ಭದ್ರತಾ ಸಿಬ್ಬಂದಿ ಜತೆ ಜಗಳ

ಭದ್ರತಾ ಸಿಬ್ಬಂದಿ ಪೊಲೀಸರಿಗೆ ಕರೆ ಮಾಡುವುದನ್ನು ಗಮನಿಸಿದ ಅನಿತಾ ಮತ್ತು ಅವರ ಪತಿ ಸುನಿಲ್, ಭದ್ರತಾ ಸಿಬ್ಬಂದಿಯೊಂದಿಗೆ ಜೋರಾಗಿ ಜಗಳವಾಡಿದ್ದಾರೆ. ವಾಗ್ವಾದ ನಡೆಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಚಿಕಿತ್ಸೆಗೆಂದು ಬಂದಿದ್ದರು

ತಮ್ಮ ಮೇಲಿನ ಆರೋಪದ ಬಗ್ಗೆಮಾತನಾಡಿರುವ ಅನಿತಾ, ತಾವು ಯಾವುದೇ ಪಾರ್ಟಿ ಆಯೋಜನೆ ಮಾಡಿರಲಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ. ನನ್ನ ಪತಿ ಒಬ್ಬ ವೈದ್ಯ. ಅವರ ಸ್ನೇಹಿತರೊಬ್ಬರಿಗೆ ತುರ್ತು ವೈದ್ಯಕೀಯ ನೆರವು ಅಗತ್ಯವಿತ್ತು. ಹೀಗಾಗಿ ಅವರು ತಮ್ಮ ಪತ್ನಿ ಜತೆಗೆ ಮನೆಗೆ ಬಂದರು. ಮಾನವೀಯತೆಯ ನೆಲೆಯಲ್ಲಿ ನನ್ನ ಪತಿ ಅದನ್ನು ನಿರಾಕರಿಸಲು ಸಾಧ್ಯವಿರಲಿಲ್ಲ. ದೂರು ನೀಡಿದ ಬಳಿಕ ಪೊಲೀಸರು ಬಂದಿದ್ದರು. ವಾಸ್ತವವನ್ನು ಪರಿಶೀಲಿಸಿದ ಅವರು ಬಳಿಕ ಕ್ಷಮೆ ಕೇಳಿದ್ದಾರೆ ಎಂದು ಅವರು ಹೇಳಿದ್ದಾರೆ.

ಅದೇ ಕಟ್ಟಡದಲ್ಲಿ ಕೊರೊನಾ ಸೋಂಕಿತ

ಅನಿತಾ ಅವರು ವಾಸವಿರುವ ಕಟ್ಟಡದಲ್ಲಿಯೇ ವ್ಯಕ್ತಿಯೊಬ್ಬರಲ್ಲಿ ಕೊರೊನಾ ವೈರಸ್ ಪಾಸಿಟಿವ್ ಕಂಡುಬಂದಿತ್ತು. ಹೀಗಾಗಿ ಅವರ ಕಟ್ಟಡವನ್ನು ಸೀಲ್ ಡೌನ್ ಮಾಡಲಾಗಿದೆ. ಆದರೂ ಇಬ್ಬರು ಅತಿಥಿಗಳು ಅವರ ಮನೆಗೆ ಹೋಗಿರುವುದನ್ನು ಕಂಡಿರುವುದಾಗಿ ನೆರೆಹೊರೆಯವರು ಹೇಳಿದ್ದಾರೆ.

ಅನಿತಾ ವಿರುದ್ಧ ದೂರು

ಸೀಲ್ ಡೌನ್ ನಿಯಮಗಳನ್ನು ಉಲ್ಲಂಘನೆ ಮಾಡಿರುವ ಆರೋಪದಲ್ಲಿ ಅನಿತಾ ಹಾಗೂ ಅವರ ಪತಿ ಸುನಿಲ್ ವಿರುದ್ಧ ದೂರು ದಾಖಲಿಸಲಾಗಿದೆ. ಅನಿತಾ ಮತ್ತು ಅವರ ಪತಿಯಿಂದ ತಮ್ಮ ಆರೋಗ್ಯಕ್ಕೆ ಬೆದರಿಕೆ ಎದುರಾಗಿದೆ ಎಂದು ನೆರೆಹೊರೆಯ ನಿವಾಸಿಗಳು ದೂರು ನೀಡಿದ್ದಾರೆ.