Deepika Padukone: ದೀಪಿಕಾ ಪಡುಕೋಣೆ 'ಮಧ್ಯದ ಬೆರಳು' ತೋರಿಸಿದ್ದಕ್ಕೆ ಟಾಂಗ್ ಕೊಟ್ಟ ನೆಟ್ಟಿಗರು

ಮಧ್ಯದ ಬೆರಳು ತೋರಿಸಿದ ದೀಪಿಕಾ

ದೀಪಿಕಾ ಪಡುಕೋಣೆ ಕಳೆದೊಂದು ವಾರದಿಂದ ಟ್ರೋಲ್ ಮೇಲೆ ಟ್ರೋಲ್ ಆಗುತ್ತಿದ್ದಾರೆ. ಕೆಲವು ದಿನಗಳ ಹಿಂದಷ್ಟೇ ದೀಪಿಕಾ ಬಿಕಿನಿ ತೊಟ್ಟ ಫೋಟೊ ವೈರಲ್ ಆಗಿತ್ತು. ಈಗ ಮತ್ತೊಂದು ಫೋಟೊ ವೈರಲ್ ಆಗಿದ್ದು, ಇದರಲ್ಲಿ ಸ್ಪೇನ್ ಫೋಟೊಗ್ರಾಫರ್‌ಗಳಿಗೆ ದೀಪಿಕಾ ಪಡುಕೋಣೆ ಮಧ್ಯದ ಬೆರಳು ತೋರಿಸಿದ್ದಾರೆ. ನಿನ್ನೆ(ಮಾರ್ಚ್ 21) ಇಂದ ಸೋಶಿಯಲ್ ಮೀಡಿಯಾದಲ್ಲಿ ಈ ಫೋಟೊ ಬಗ್ಗೆ ಟಾಕ್ ಆಗುತ್ತಿದೆ.

ಮುನಿಸಿಕೊಂಡಿದ್ದಾರಾ ದೀಪಿಕಾ?

ಕೆಲವೇ ದಿನಗಳ ಹಿಂದೆ ದೀಪಿಕಾ ಪಡುಕೋಣೆಯ ಪೋಟೊಗಳು ಲೀಕ್ ಆಗಿದ್ದವು. ಪಠಾಣ್ ಚಿತ್ರದ ಶೂಟಿಂಗ್‌ನಲ್ಲಿ ಸ್ಪೇನ್‌ನಲ್ಲಿರುವ ದೀಪಿಕಾ, ಹಳದಿ ಬಿಕಿನಿ ತೊಟ್ಟು ನಿಂತಿರುವ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಿದ್ದವು. ಈ ಫೋಟೊಗಳು ವೈರಲ್ ಆಗಿದ್ದರಿಂದ ದೀಪಿಕಾ ಪಡುಕೋಣೆ ಬೇಸರಗೊಂಡಿದ್ದಾರೆ ಎನ್ನಲಾಗಿದೆ. ಈ ಕಾರಣಕ್ಕೆ ಪೋಟೊ ಕ್ಲಿಕ್ಕಿಸಲು ಬಂದ ಛಾಯಾಗ್ರಾಹಕರಿಗೆ ದೀಪಿಕಾ ಪಡುಕೋಣೆ ಮಧ್ಯದ ಬೆರಳು ತೋರಿಸಿ ಸಿಟ್ಟು ಹೊರ ಹಾಕಿದ್ದಾರೆ ಎನ್ನಲಾಗಿದೆ.

ನೆಟ್ಟಿಗರ ಕಮೆಂಟ್ ಏನು?

'ಗೆಹರಾಯಿಯಾ' ಸಿನಿಮಾ ಬಿಡುಗಡೆಯಾದಲ್ಲಿಂದ ದೀಪಿಕಾ ಪಡುಕೋಣೆ ನಿರಂತರವಾಗಿ ಟ್ರೋಲ್ ಆಗುತ್ತಿದ್ದಾರೆ. ದೀಪಿಕಾ ಪಡುಕೋಣೆ ಬೋಲ್ಡ್ ಕ್ಯಾರೆಕ್ಟರ್ ಹಲವರಿಗೆ ಇಷ್ಟ ಆಗಿಲ್ಲ. ಈ ಕಾರಣಕ್ಕೆ ಅತಿಯಾಗಿ ಟ್ರೋಲ್ ಆಗಿದ್ದರು. ಈಗ ಮಧ್ಯದ ಬೆರಳು ತೋರಿಸಿದ ಫೋಟೊ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ. " ಇದನ್ನೇ ನಿಮ್ಮ ಸಿನಿಮಾ ಬಿಡುಗಡೆಯಾದ ಪ್ರೇಕ್ಷಕರು ಕೂಡ ಮಾಡುತ್ತಾರೆ." ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ. ಇನ್ನೂಬ್ಬರು " ಇದೇ ಕೆಲಸವನ್ನು ಮೇಲ್ ಆಕ್ಟರ್ ಮಾಡಿದ್ದರೆ, ಏನಾಗುತ್ತಿತ್ತು ಯೋಚನೆ ಮಾಡಿ." ಕಮೆಂಟ್ ಮಾಡಿದ್ದಾರೆ. " ಭಾರತೀಯ ಸಂಸ್ಕೃತಿಗೆ ಅವಮಾನ ಮಾಡಲಾಗಿದೆ. ಆ ಮೇಲೆ ಎಲ್ಲರೂ ಆಕೆ ಮಹಿಳೆ ಏನು ಬೇಕಾದರೂ ಮಾಡಬಹುದು ಎಂದು ಹೇಳುತ್ತಾರೆ." ಎಂದಿದ್ದಾರೆ.

ಶಾರುಖ್ ಧೂಮಪಾನ ಸೆರೆ

ದೀಪಿಕಾ ಮಧ್ಯದ ಬೆರಳು ತೋರಿಸಿದ ಫೋಟೊದಲ್ಲಿ ಶಾರುಖ್ ಖಾನ್ ಕೂಡ ಸೆರೆಯಾಗಿದ್ದಾರೆ. ಈ ಫೋಟೊದಲ್ಲಿ ಕಿಂಗ್ ಖಾನ್ ಧೂಮಪಾನ ಮಾಡುತ್ತಾ ನಿಂತಿರುವುದು ಸೆರೆಯಾಗಿದೆ. ಕೆಲವು ದಿನಗಳ ಹಿಂದೆ ಶಾರುಖ್ ಖಾನ್ ಧೂಮಪಾನದ ಬಗ್ಗೆ ಮಾತಾಡಿದ್ದರು. "ನಾನು ಸಿನಿಮಾ ಹಾಗೂ ರಿಯಲ್ ಲೈಫ್‌ನಲ್ಲಿ ಧೂಮಪಾನ ಮಾಡುತ್ತಿರುವುದರ ಬಗ್ಗೆ ನನಗೆ ನಾಚಿಕೆಯಾಗಿದೆ. ಆದರೆ, ಧೂಮಪಾನವನ್ನು ನಿಲ್ಲಿಸಲು ನನಗೆ ಸಮಯ ಬೇಕಿದೆ. ಆದರೆ, ನನಗೆ ಸಮಯ ಸಿಗುತ್ತಿಲ್ಲ." ಎಂದು ಹೇಳಿದ್ದರು.