ಡೈವೋರ್ಸ್ ಪಡೆಯಲು ಭಾರಿ ಮೊತ್ತದ ಜೀವನಾಂಶ ಕೇಳಿದರೇ ನವಾಜುದ್ದೀನ್ ಪತ್ನಿ?

30 ಕೋಟಿ ರೂ ಜೀವನಾಂಶ?

ವಿಚ್ಚೇದನದ ಗೊಂದಲಕ್ಕೆ ತಾರ್ಕಿಕ ಪರಿಹಾರ ಕಂಡುಕೊಳ್ಳಲು 30 ಕೋಟಿ ರೂ ಹಾಗೂ 4 ಬಿಎಚ್‌ಕೆಯ ಫ್ಲಾಟ್ ನೀಡುವಂತೆ ಆಲಿಯಾ ಕೇಳಿದ್ದಾರೆ. ಜತೆಗೆ ತಮ್ಮ ಇಬ್ಬರು ಮಕ್ಕಳನ್ನು ತಾವೇ ನೋಡಿಕೊಳ್ಳಬೇಕಿರುವುದರಿಂದ ಇಬ್ಬರ ಹೆಸರಿನಲ್ಲಿಯೂ 20 ಕೋಟಿ ರೂ. ನಿಶ್ಚಿತ ಠೇವಣಿ ಇರಿಸುವಂತೆ ಬೇಡಿಕೆ ಇರಿಸಿದ್ದಾರೆ ಎನ್ನಲಾಗಿದೆ.

ಸುಳ್ಳು ಪತ್ರದ ಸೃಷ್ಟಿ

ಆದರೆ ಈ ವರದಿಗಳನ್ನು ಆಲಿಯಾ ತಳ್ಳಿಹಾಕಿದ್ದಾರೆ. ನವಾಜುದ್ದೀನ್ ಅವರಿಂದ ಇಷ್ಟು ಭಾರಿ ಮೊತ್ತದ ಪರಿಹಾರ ಮತ್ತು ಫ್ಲಾಟ್ ಕೇಳಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ವಿಚ್ಚೇದನ ಪತ್ರದ ಕಾಪಿ ತಮ್ಮ ಬಳಿ ಇದೆ ಎಂದು ಹೇಳಿಕೊಂಡು ಮಾಧ್ಯಮಗಳಿಂದ ನನ್ನ ವಕೀಲರಿಗೆ ಕರೆಗಳು ಬರುತ್ತಿವೆ. ಅವುಗಳನ್ನು ಪರಿಶೀಲಿಸಿದ ಬಳಿಕ, ಅವು ತಿದ್ದಿದ ಸುಳ್ಳು ಪ್ರತಿಗಳೆಂಬುದು ಗೊತ್ತಾಗಿ ಎಂದು ಹೇಳಿದ್ದಾರೆ.

ಪತ್ನಿಯ ಮೇಲೆ ನಿಗಾ ವಹಿಸಲು ಗೂಢಚಾರರನ್ನು ನೇಮಿಸಿದ್ದರು ಈ ನಟ!

ರಕ್ಷಿಸುವ ಪ್ರಯತ್ನ

'ಇದರ ಹಿಂದೆ ಯಾರಿದ್ದಾರೆ? ಅವಮಾನದಿಂದ ಯಾರನ್ನೋ ಉಳಿಸುವ ಸಲುವಾಗಿ ಮಾಡುತ್ತಿರುವ ಪಿಆರ್ ಪ್ರಯತ್ನ ಎನ್ನುವುದು ಸ್ಪಷ್ಟವಾಗಿ ತಿಳಿಯುತ್ತಿದೆ. ಅನೇಕ ಸಂಗತಿಗಳು ಈಗ ಹೊರಬೀಳುತ್ತಿವೆ' ಎಂದು ನವಾಜುದ್ದೀನ್ ಅವರ ಮರ್ಯಾದೆ ಉಳಿಸಲು ಯಾರೋ ಈ ಕೆಲಸ ಮಾಡುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.

ನಟಿಯೊಂದಿಗಿನ ಸಂಬಂಧವೇ ನವಾಜುದ್ದಿನ್ ಸಿದ್ಧಿಕಿ ದಾಂಪತ್ಯಕ್ಕೆ ಮುಳುವಾಯಿತೆ?

ನಾನು ಖುದ್ದಾಗಿ ಒಪ್ಪಿಕೊಳ್ಳಬೇಕು

'ನನ್ನ ಟ್ವಿಟ್ಟರ್ ಖಾತೆಯಲ್ಲಿ ಯಾವುದನ್ನೂ ವೈಯಕ್ತಿಕವಾಗಿ ಒಪ್ಪಿಕೊಳ್ಳದ ಅಥವಾ ಯಾವುದೇ ಹೇಳಿಕೆ ಅಥವಾ ಆರೋಪವನ್ನು ನಿರಾಕರಿಸದೆ ಇದ್ದರೆ, ಯಾವುದೇ ಮಾಧ್ಯಮದ ವಿಭಾಗವು ಮಾಡುವ ಆರೋಪ ಅಥವಾ ಹೇಳಿಕೆ ಸಮರ್ಥನೀಯವಲ್ಲ' ಎಂದು ಮತ್ತೊಂದು ಟ್ವೀಟ್‌ನಲ್ಲಿ ಅವರು ತಿಳಿಸಿದ್ದಾರೆ.