ನಿಜಕ್ಕೂ ಆಕಾಶದ ತಾರೆಯಾದ ಸುಶಾಂತ್ ಸಿಂಗ್ ರಜಪೂತ್!

ಸುಶಾಂತ್ ಹೆಸರು ಹಕ್ಕುಸ್ವಾಮ್ಯ

ಖಗೋಳವಿಜ್ಞಾನದ ಆರ್‌ಎ 22.121 ಸ್ಥಿತಿಯಲ್ಲಿ 10.14 ಇಳಿಜಾರಿನಲ್ಲಿ ಇರುವ ನಕ್ಷತ್ರವೊಂದಕ್ಕೆ ಜೂನ್ 25ರಂದು ಸುಶಾಂತ್ ಸಿಂಗ್ ರಜಪೂತ್ ಎಂದು ಹೆಸರಿಡಲಾಗಿದೆ. ಈ ಹೆಸರನ್ನು ರಿಜಿಸ್ಟ್ರಿಯ ದಾಖಲೆಯಲ್ಲಿ ಕಾಯಂ ಆಗಿ ನಮೂದಿಸಲಾಗಿದೆ. ಮತ್ತು ಇದನ್ನು ಸ್ಟಾರ್ ರಿಜಿಸ್ಟರ್ ನಲ್ಲಿ ಹಕ್ಕುಸ್ವಾಮ್ಯ ಹೊಂದಲಾಗಿದೆ ಎಂದು ಪ್ರಮಾಣಪತ್ರದಲ್ಲಿ ಹೇಳಲಾಗಿದೆ.

ನಕ್ಷತ್ರಕ್ಕೆ ಹೆಸರು ಇಡುವ ಕಂಪೆನಿ

ಸ್ಟಾರ್ ರಿಜಿಸ್ಟ್ರಿಯು ಅಮೆರಿಕದ ಇಲ್ಲಿನೊಯಿಸ್ ಮೂಲದ ಕಂಪೆನಿಯಾಗಿದ್ದು, ಜನರು ತಾವು ಬಯಸಿದ ನಕ್ಷತ್ರಕ್ಕೆ ಹೆಸರು ಇಟ್ಟು ಪ್ರಮಾಣ ಪತ್ರ ಪಡೆಯಲು ಅವಕಾಶ ನೀಡುತ್ತದೆ. ಇದಕ್ಕೆ ಜನರು ತಕ್ಕಷ್ಟು ಹಣ ಕೂಡ ಪಾವತಿಸಬೇಕು. ಒಂದು ನಕ್ಷತ್ರಕ್ಕೆ ಹೆಸರು ಇರಿಸಲು 48 ಡಾಲರ್ ನೀಡಬೇಕಾಗುತ್ತದೆ.

ಅವರು ಸದಾ ಮಿನುಗಲಿ

'ಸುಶಾಂತ್ ಅವರಿಗೆ ನಕ್ಷತ್ರಗಳ ಬಗ್ಗೆ ವಿಪರೀತ ವ್ಯಾಮೋಹ ಇತ್ತು. ಹೀಗಾಗಿ ನಕ್ಷತ್ರವೊಂದಕ್ಕೆ ಅವರ ಹೆಸರು ಇರಿಸುವುದು ಸೂಕ್ತ ಎನಿಸಿತು. ಅಷ್ಟು ಸುಂದರ ಮತ್ತು ಮಹಾನ್ ಚೇತನವನ್ನು ಕಂಡಿರುವುದು ನಮ್ಮ ಪುಣ್ಯ ಎಂದು ನನಗೆ ಅನಿಸುತ್ತದೆ. ಹೀಗಾಗಿ ಅವರು ಪ್ರಕಾಶಮಾನವಾಗಿ ಮಿನುಗುವುದು ಮುಂದುವರಿಯಬೇಕು' ಎಂದಿದ್ದಾರೆ ರಕ್ಷಾ.

ಕಂಗಳಲ್ಲಿ ತಾರಾಮಂಡಲ

'ಸುಶಾಂತ್ ಸಿಂಗ್ ರಜಪೂತ್. ನಿಮ್ಮನ್ನು ತೀವ್ರವಾಗಿ ಮಿಸ್ ಮಾಡಿಕೊಳ್ಳುತ್ತಿದ್ದೇವೆ. ಆದರೆ ಯುಗಗಳು ಬಂದರೂ ನಿಮ್ಮ ಹೆಸರನ್ನು ನಾವು ಸಂಭ್ರಮಿಸುತ್ತೇವೆ ಮತ್ತು ಸ್ಮರಿಸುತ್ತೇವೆ. ನಿಮ್ಮ ಕಂಗೊಳಿಸುವ ಕಣ್ಣುಗಳು ಅವುಗಳಲ್ಲಿನ ಸಂಪೂರ್ಣ ತಾರಾಮಂಡಲವನ್ನು ಪ್ರತಿಫಲಿಸುತ್ತಿದ್ದವು. ಚಂದ್ರನಲ್ಲಿಗೆ ಮತ್ತು ಅದರಾಚೆಗೆ ನಿಮ್ಮನ್ನು ಪ್ರೀತಿಸುತ್ತೇವೆ. ನೀವು ಅಪಾರ ಮೆಚ್ಚಿಕೊಳ್ಳುವ ತಾರೆಗಳ ನಡುವೆ ನೀವು ಅತಿ ಹೆಚ್ಚು ಪ್ರಕಾಶಮಾನವಾಗಿ ಬೆಳಗುವುದನ್ನು ಮುಂದುವರಿಸಿ' ಎಂದು ಪ್ರಮಾಣಪತ್ರದ ಕೆಳಭಾಗದಲ್ಲಿ ಸುಶಾಂತ್ ಅವರನ್ನು ನಕ್ಷತ್ರಮಂಡಲಕ್ಕೆ ಹೋಲಿಸುವ ಸುದೀರ್ಘ ವಿವರಣೆ ಬರೆಯಲಾಗಿದೆ.