#MeToo: ಅಮಿತಾಬ್ ಬಚ್ಚನ್ ಟಾರ್ಗೆಟ್ ಮಾಡಿದ ಕೇಶ ವಿನ್ಯಾಸಕಿ ಸ್ವಪ್ನಾ

ಬಚ್ಚನ್ ಮುಖವಾಡ ಕಳಚಿ ಬೀಳಲಿದೆಯಂತೆ

ಬಾಲಿವುಡ್ ಇಂಡಸ್ಟ್ರಿಯ ಸೆಲೆಬ್ರಿಟಿ ಕೇಶವಿನ್ಯಾಸಕಿ ಸ್ವಪ್ನಾ ಭವಾನಿ ಮೀಟೂ ಅಭಿಯಾನಕ್ಕೆ ಕುರಿತಂತೆ ಬಿಗ್ ಬಿ ಅಮಿತಾಬ್ ಬಚ್ಚನ್ ಬಗ್ಗೆ ಆಘಾತಕಾರಿ ವಿಷ್ಯ ಪ್ರಸ್ತಾಪಿಸಿದ್ದಾರೆ. ಸರ್ ಬಚ್ಚನ್ ಅವರ ಕರಾಳಮುಖ ಸದ್ಯದಲ್ಲೇ ಬಯಲಾಗಿದೆ ಕಾದು ನೋಡಿ ಎಂದು ಸುಳಿವು ನೀಡಿದ್ದಾರೆ. ಅಷ್ಟೇ ಅಲ್ಲದೇ ಅಮಿತಾಬ್ ಗೆ ನೇರವಾಗಿ ಟಾಂಗ್ ಕೊಟ್ಟಿದ್ದಾರೆ.

ಕಾಯಿತ್ತೀರಿ ಬಚ್ಚನ್ ಸರ್

''ನಿಮ್ಮ ಪಿಂಕ್​ ಸಿನಿಮಾ ಬಿಡುಗಡೆಯಾಗಿ ಹೋಗಿದೆ. ನೀವೊಬ್ಬ ಒಳ್ಳೆಯ ವ್ಯಕ್ತಿ ಎನಿಸಿಕೊಂಡಿದ್ದು, ಸದ್ಯದಲ್ಲೇ ಆ ಇಮೇಜ್​ ಕೂಡ ಹೋಗಲಿದೆ. ನಿಮ್ಮ ಬಗೆಗಿನ ಸತ್ಯ ಶೀಘ್ರದಲ್ಲೇ ಹೊರಬರಲಿದೆ. ಆಗ ನೀವು ನಿಮ್ಮ ಉಗುರು ಕಚ್ಚಿಕೊಳ್ಳುತ್ತೀರಿ, ಯಾಕೆಂದರೆ ಕಚ್ಚಲು ಉಗುರು ಸಾಕಾಗುವುದಿಲ್ಲ'' ಎಂದು ಟ್ವೀಟ್​ ಮಾಡಿದ್ದಾರೆ.

ಬಿಗ್ ಬಿ ಕೂಡ ಕಿರುಕುಳ ನೀಡಿದ್ದಾರಂತೆ.!

ಇನ್ನು ಬಚ್ಚನ್ ಬಗ್ಗೆ ಆರೋಪ ಮಾಡಿದ್ದಕ್ಕೆ ಅಭಿಮಾನಿಗಳು ಕಿಡಿಕಾರಿದರು. ನೀವು ಪ್ರಚಾರಕ್ಕಾಗಿ ಹೀಗೆ ಆರೋಪ ಮಾಡ್ತಿದ್ದಾರೆ ಎಂದು ಕಾಮೆಂಟ್ ಮಾಡಿದರು. ಇದಕ್ಕೆ ಪ್ರತಿಕ್ರಯಿಸಿದ ಸ್ವಪ್ನಾ ''ಅಮಿತಾಬ್​ ಬಚ್ಚನ್​ ಅವರ ಲೈಂಗಿಕ ದೌರ್ಜನ್ಯದ ಕತೆಗಳನ್ನು ನಾನು ಕೇಳಿದ್ದೇನೆ. ಆ ಮಹಿಳೆಯರು ಅದನ್ನೆಲ್ಲ #MeToo ಚಳವಳಿಯಡಿ ಹೇಳುತ್ತಾರೆ ಎಂಬ ನಂಬಿಕೆಯಿದೆ. ಅವರ ಕಪಟತನ ಹೊರಬರಲಿದೆ'' ಎಂದು ಇನ್ನೊಂದು ಟ್ವೀಟ್ ಮಾಡಿ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ.

#MeToo ಬಗ್ಗೆ ಅಮಿತಾಬ್ ಹೇಳಿದ್ದೇನು.?

ನಾನಾ ಪಾಟೇಕರ್ ಸೇರಿ 10 ಜನರ ವಿರುದ್ಧ ದೂರು ನೀಡಿದ ತನುಶ್ರೀ ದತ್ತಾ

ಬಚ್ಚನ್ ಹೆಸರು ಹೇಳ್ತಾರಾ.?

#MeToo ಅಭಿಯಾನದಲ್ಲಿ ಘಟಾನುಘಟಿ ವ್ಯಕ್ತಿಗಳ ಹೆಸರು ಬಯಲಾಗಿದೆ. ಆದ್ರೆ, ಯಾವುದಕ್ಕೂ ಸಾಕ್ಷಿ ಇಲ್ಲ. ಬಟ್, ನಾನಾ ಪಾಟೇಕರ್ ವಿರುದ್ಧದ ಆರೋಪಕ್ಕೆ ಮಾತ್ರ ತನುಶ್ರೀ ದತ್ತಾ ದೂರು ನೀಡಿದ್ದಾರೆ. ಇನ್ನುಳಿದಂತೆ ಎಲ್ಲವೂ ಆರೋಪವಾಗಿದೆ. ಈಗ ಅಮಿತಾಬ್ ಬಚ್ಚನ್ ಅಂತಹ ನಟನ ಮೇಲೆ ಆರೋಪ ಬಂದ್ರೆ ನಿಜಕ್ಕೂ ಈ ಅಭಿಯಾನದ ಸ್ವರೂಪವೇ ಬದಲಾಗಬಹುದು. ಮತ್ತಷ್ಟು ದೊಡ್ಡ ಚರ್ಚೆಯಾಗಬಹುದು. ಆದ್ರೆ, ಬಿಗ್ ಬಿ ಹೆಸರನ್ನ ಯಾರ್ ಹೇಳ್ತಾರೆ.? ಗೊತ್ತಿಲ್ಲ.