'ಕೆಜಿಎಫ್ 2' ಮೇಲೆ ಈತನಿಗ್ಯಾಕಿಷ್ಟು ಹೊಟ್ಟೆ ಉರಿ? 'ಶಂಶೇರ' ಟೀಸರ್ ನೋಡಿದ್ಮೇಲೆ ಕಮಾಲ್ ಕಿರಿಕ್!

'ಶಂಶೇರ' ಉತ್ತಮ

ರಣ್‌ಬೀರ್ ಕಪೂರ್ ಹಾಗೂ ಸಂಜಯ್ ದತ್ ಅಭಿನಯದ ಸಿನಿಮಾ 'ಶಂಶೇರ' ಸಿನಿಮಾದ ಟೀಸರ್ ರಿಲೀಸ್ ಆಗಿದೆ. ಈ ಟೀಸರ್ ನೋಡಿ ಕಮಾಲ್ ಆರ್ ಖಾನ್ ಸುಮ್ಮನೆ ಕೂತಿರಲಿಲ್ಲ. ಟ್ವಿಟರ್‌ನಲ್ಲಿ 'ಶಂಶೇರ' ಟೀಸರ್ ಬಗ್ಗೆ ಕಮೆಂಟ್‌ ಮಾಡಿದ್ದರು.'ಶಂಶೇರ' ಟೀಸರ್ ಹೊಗಳುವುದಕ್ಕೂ 'ಕೆಜಿಎಫ್ 2' ಸಿನಿಮಾವನ್ನು ಎಳೆದು ತಂದಿದ್ದಾನೆ. 'ಕೆಜಿಎಫ್ 2' ಸಿನಿಮಾದಷ್ಟೇ 'ಶಂಶೇರ' ಸಿನಿಮಾ ಕೂಡ ಉತ್ತಮ ಸಿನಿಮಾ ಎಂದು ಹೊಗಳಿದ್ದಾನೆ.

'ಕೆಜಿಎಫ್ 2'ಗಿಂತ 'ಶಂಶೀರ' ದೊಡ್ಡ ಹಿಟ್

ಇಲ್ಲಿಗೆ ಸುಮ್ಮನಾಗಿಲ್ಲ. 'ಶಂಶೀರ'ದಲ್ಲಿ ಸಂಜಯ್ ದತ್ ಪಾತ್ರವನ್ನು ಹಾಡಿ ಹೊಗಳಿದ್ದಾನೆ. ಸಂಜಯ್ ದತ್ 'ಕೆಜಿಎಫ್ 2' ಸಿನಿಮಾಗಿಂತ 'ಶಂಶೀರ'ದಲ್ಲಿ ಡೇಂಜರಸ್‌ ಅಂತೆ ಕಾಣುತ್ತಾರೆ. ಹಿಂದಿ ಪ್ರೇಕ್ಷಕರು 'ಕೆಜಿಎಫ್ 2' ಸಿನಿಮಾ ಒಪ್ಪಿಕೊಂಡಂತೆ 'ಶಂಶೀರ' ಸಿನಿಮಾವನ್ನು ಒಪ್ಪಿಕೊಂಡರೆ, ಅದಕ್ಕಿಂತ ದೊಡ್ಡ ಹಿಟ್ ಆಗುತ್ತೆ ಎಂದು ಕಮೆಂಟ್ ಮಾಡಿದ್ದಾನೆ. ಇದು ಮತ್ತೆ ಯಶ್ ಅಭಿಮಾನಿಗಳಿಗೆ ಕೋಪಕ್ಕೆ ಕಾರಣವಾಗಿದೆ.

'ವಿಕ್ರಂ' ಮುಂದೆ 'ಕೆಜಿಎಫ್ 2' ಬಚ್ಚಾ

ಕಮಲ್‌ ಹಾಸನ್ ವೃತ್ತಿ ಬದುಕಿನಲ್ಲಿ ಅತೀ ಹೆಚ್ಚು ಗಳಿಕೆ ಕಂಡ ಸಿನಿಮಾ 'ವಿಕ್ರಂ' ಬಿಡುಗಡೆಯಾದಗಲೂ ಹೀಗೆ ಉಲ್ಟಾ ಸೀದಾ ಮಾತಾಡಿದ್ದ. 'ಕೆಜಿಎಫ್ 2' ಬಾಕ್ಸಾಫೀಸ್‌ನಲ್ಲಿ ಬೇಜಾನ್ ಸದ್ದು ಮಾಡುತ್ತಿದ್ದರೂ ಕಮಾಲ್ ಆರ್ ಖಾನ್ ಮಾತ್ರ ನೆಗೆಟಿವ್ ಕಮೆಂಟ್ ಮಾಡುವುದನ್ನು ನಿಲ್ಲಿಸಿರಲಿಲ್ಲ. 'ವಿಕ್ರಂ' ಸಿನಿಮಾ ಬಿಡುಗಡೆಯಾಗುತ್ತಿದ್ದಂತೆ 'ಕೆಜಿಎಫ್ 2' ಮೇಲೆ ಟೀಕೆಗಳನ್ನೇ ಮಾಡಿದ್ದ. 'ವಿಕ್ರಂ ಮುಂದೆ 'ಕೆಜಿಎಫ್ 2 ಬಚ್ಚಾ' ಎಂದು ಟ್ವೀಟ್ ಮಾಡಿದ್ದ. ಇದು ಯಶ್ ಅಭಿಮಾನಿಗಳನ್ನು ಕೆರಳಿಸಿತ್ತು.

ಕಮಾಲ್ 'ಕೆಜಿಎಫ್ 2' ವಿರೋಧಿಸಲು ಏನು ಕಾರಣ

'ಕೆಜಿಎಫ್ 2' ವಿರುದ್ಧ ಕಮಾಲ್ ಆರ್ ಖಾನ್ ಟೀಕೆ ಮಾಡುತ್ತಿರುವುದು ಇದೇ ಮೊದಲೇನಲ್ಲ. ಹಲವು ಬಾರಿ ಹೀಗೆ ಕಮೆಂಟ್ ಮಾಡಿದ್ದಾನೆ. 'ಕೆಜಿಎಫ್ 2' ಸಿನಿಮಾ ನೋಡಿ ಉಗಿದಿದ್ದ. ಯಶ್ ಫೋಟೊ ಶೇರ್ ಮಾಡಿ ಬೋಜ್‌ಪುರಿ ನಟನಿದ್ದಂತೆ ಇದ್ದೀಯಾ ಎಂದು ಕಮೆಂಟ್ ಮಾಡಿದ್ದ. ಈಗ 'ಶಂಶೇರ' ಸಿನಿಮಾ ಇಟ್ಕೊಂಡು ಮತ್ತೆ ಅಖಾಡಕ್ಕಿಳಿದಿದ್ದಾನೆ.