ಬಾಲಿವುಡ್‌ನ ಸೆಲೆಕ್ಟಿವ್ ಸೆಕ್ಯುಲರಿಸಂ ವಿರುದ್ಧ ಕಿಡಿಕಾರಿದ ಕಂಗನಾ

ನಾನು ಹಿಂದೂಸ್ತಾನಿ

ಸಾಮಾಜಿಕ ಜಾಲತಾಣದಲ್ಲಿ ಫಲಕವೊಂದನ್ನು ಹಿಡಿದು ವಿಡಿಯೋದಲ್ಲಿ ಕಾಣಿಸಿಕೊಂಡಿರುವ ಕಂಗನಾ, ಸೆಲೆಕ್ಟಿವ್ ಸೆಕ್ಯುಲರಿಸಂ ಪ್ರದರ್ಶಿಸುವ ಬಾಲಿವುಡ್ ಮಂದಿ ವಿರುದ್ಧ ಹರಿಹಾಯ್ದಿದ್ದಾರೆ. 'ನಾನು ಹಿಂದೂಸ್ತಾನಿ, ನನಗೆ ನಾಚಿಕೆಯಾಗುತ್ತಿದೆ. ಅಜಯ್ ಪಂಡಿತಗೆ ನ್ಯಾಯ ಸಿಗಬೇಕು. ಅನಂತ್ ನಾಗ್‌ನಲ್ಲಿ ಕೊಲೆ. ಜಮ್ಮು ಕಾಶ್ಮೀರ' ಎಂದು ಫಲಕದಲ್ಲಿ ಬರೆಯಲಾಗಿದೆ.

ಬಾಲಿವುಡ್ ಮೌನ

'ಬಾಲಿವುಡ್ ಮಂದಿಯಲ್ಲಿ ಮಾನವೀಯತೆಯು ಜಿಹಾದಿ ಅಜೆಂಡಾದ ಬೆಂಬಲವಿದ್ದಾಗ ಮಾತ್ರವೇ ಪುಟಿದೇಳುತ್ತದೆ. ಆದರೆ ಬೇರೆಯವರಿಗೆ ನ್ಯಾಯ ದೊರಕಿಸುವ ವಿಚಾರದಲ್ಲಿ ಅವರು ಸಂಪೂರ್ಣ ಮೌನ ವಹಿಸುತ್ತಾರೆ' ಎಂದು ಕಂಗನಾ ಸಿಟ್ಟಿನಿಂದ ಹೇಳಿದ್ದಾರೆ.

ಪಂಡಿತರಿಗೆ ನ್ಯಾಯ ಸಿಗಬೇಕು

'ಕಾಶ್ಮೀರಿ ಪಂಡಿತರನ್ನು ಅವರ ರಾಜ್ಯಕ್ಕೆ ಮರಳಿ ಕಳುಹಿಸಬೇಕು. ಅವರ ಹಕ್ಕಿನಂತೆ ಅವರಿಗೆ ಜಮೀನನ್ನು ಹಿಂದಿರುಗಿಸಬೇಕು. ಅವರಿಗೆಲ್ಲ ನ್ಯಾಯ ಒದಗಿಸಬೇಕು. ಹಾಗೆಯೇ ಅಜಯ್ ಪಂಡಿತ ಅವರ ತ್ಯಾಗ ವ್ಯರ್ಥವಾಗಬಾರದು' ಎಂದಿದ್ದಾರೆ.

ಪ್ರಧಾನಿ ಮೋದಿಗೆ ಮನವಿ

ಲಿಬರಲ್ಸ್ ಎಂದು ಗುರುತಿಸಿಕೊಳ್ಳುವವರು ಮತ್ತು ಬಾಲಿವುಡ್‌ನ ಸೆಲೆಕ್ಟಿವ್ ಸೆಕ್ಯುಲರಿಸಂ ಅದನ್ನು ಕಂಗನಾ ಖಂಡಿಸಿದ್ದಾರೆ. ಕಾಶ್ಮೀರಿ ಪಂಡಿತರ ವಿರುದ್ಧ ನಡೆಯುತ್ತಿರುವ ದೌರ್ಜನ್ಯ ತಡೆಯಲು ಕಠಿಣ ಕ್ರಮ ತೆಗೆದುಕೊಳ್ಳುವಂತೆ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಮನವಿ ಮಾಡಿದ್ದಾರೆ. ಹಾಗೆಯೇ ಅವರು ಸುರಕ್ಷಿತವಾಗಿ ತಾಯ್ನಾಡಿಗೆ ಮರಳಲು ಸಹಾಯ ಮಾಡುವಂತೆ ಕೇಳಿದ್ದಾರೆ ಎಂದು ಕಂಗನಾ ಟೀಮ್ ಬರೆದುಕೊಂಡಿದೆ.