ಮೊದಲು ಕತ್ರಿನಾ ಕಚ್ಚಿದಳು, ಈಗ ಹಾವು ಕಚ್ಚಿದೆ ನೆಟ್ಟಿಗರಿಂದ ಟ್ರೋಲ್ ಆದ ಸಲ್ಮಾನ್ ಖಾನ್

ಸಲ್ಮಾನ್ ಖಾನ್‌ಗೆ 3 ಬಾರಿ ಹಾವು ಕಚ್ಚಿತ್ತು

ಸಲ್ಮಾನ್ ಖಾನ್ ಡಿಸೆಂಬರ್ 27ರಂದು ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲು ಭಾನುವಾರ( ಡಿಸೆಂಬರ್ 26) ಬೆಳಗ್ಗೆ ತನ್ನ ಫಾರ್ಮ್ ಹೌಸ್‌ಗೆ ತೆರಳಿದ್ದರು. ಈ ವೇಳೆ ಹಾವು ಫಾರ್ಮ್ ಹೌಸ್ ಒಳಗೆ ಬಂದಿದೆ. ಆಗ ಕೋಲಿನ ಮೂಲಕ ಹಾವನ್ನು ಹೊರಗೆ ತೆಗೆದುಕೊಂಡು ಬಂದಿದ್ದಾರೆ. ಆಗ ಅದು ಸಲ್ಮಾನ್ ಖಾನ್ ಕೈವರೆಗೂ ಬಂದಿತ್ತು. ಈ ವೇಳೆ ತನಗೆ ಮೂರು ಬಾರಿ ಹಾವು ಕಚ್ಚಿತ್ತು. ಇದು ವಿಷಪೂರಿತ ಹಾವು. ಹೀಗಾಗಿ 6 ಗಂಟೆಗಳ ಕಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದೇನೆ. ಈಗ ನಾನು ಆರೋಗ್ಯವಾಗಿದ್ದೇನೆ ಎಂದು ಸಲ್ಮಾನ್ ಖಾನ್ ಪ್ರತಿಕ್ರಿಯೆ ನೀಡಿದ್ದಾರೆ.

ಮೊದಲು ಕತ್ರಿನಾ, ಈಗ ಹಾವು ಕಚ್ಚಿದೆ

ಸಲ್ಮಾನ್ ಖಾನ್‌ಗೆ ಹಾವು ಕಚ್ಚಿದ ಸುದ್ದಿ ಕೇಳಿ ಅವರ ಅಭಿಮಾನಿಗಳು ಹಾಗೂ ಕುಟುಂಬ ಆತಂಕಕ್ಕೆ ಒಳಗಾಗಿದ್ದರು. ತಮ್ಮ ನೆಚ್ಚಿನ ನಟನಿಗೆ ಏನಾಗಿದೆ? ಆರೋಗ್ಯ ಈಗ ಹೇಗಿದೆ ಎಂಬ ಚಿಂತೆಯಲ್ಲಿದ್ದರು. ಆದೇ ಇನ್ನೊಂದು ಕಡೆ ಸಲ್ಮಾನ್ ಖಾನ್ ಅನ್ನು ಸೋಶಿಯಲ್ ಮೀಡಿಯಾದಲ್ಲಿ ಕೆಲವರು ಟ್ರೋಲ್ ಮಾಡಲು ಆರಂಭಿಸಿದ್ದರು. ಅದರಲ್ಲಿ ಒಂದು ಕತ್ರಿನಾ ಕಚ್ಚಿದ ಟ್ರೋಲ್. ನೆಟ್ಟಿಗನೊಬ್ಬ "ಮೊದಲು ಸಲ್ಮಾನ್ ಖಾನ್‌ಗೆ ಕತ್ರಿನಾ ಕೈಫ್ ಕಚ್ಚಿದಳು. ಈಗ ಪಾಪ ಹಾವು ಕಚ್ಚಿದೆ." ಎಂದು ವ್ಯಕ್ತಿಯೊಬ್ಬ ಟ್ರೋಲ್ ಮಾಡಿದ್ದಾನೆ. ಇದು ಸೋಶಿಯಲ್ ಮೀಡಿಯಾದಲ್ಲಿ ಅತೀ ಹೆಚ್ಚು ಟ್ರೋಲ್ ಆಗಿದೆ. ಕತ್ರಿನಾ ಕೈಫ್ ನಟ ವಿಕ್ಕಿ ಕೌಶಲ್‌ರನ್ನು ಇತ್ತೀಚೆಗೆ ವಿವಾಹವಾಗಿದ್ದರು. ಕತ್ರಿನಾ ಹಾಗೂ ಸಲ್ಮಾನ್ ಖಾನ್‌ ಇಬ್ಬರೂ ಡೇಟಿಂಗ್ ಮಾಡುತ್ತಿದ್ದದ್ದು ಕೆಲವು ದಿನ ಸುದ್ದಿಯಲ್ಲಿತ್ತು. ಹೀಗಾಗಿ ಮೊದಲು ಕತ್ರಿನಾ, ಈಗ ಹಾವು ಕಚ್ಚಿದೆ ಎಂದು ಟ್ರೋಲ್ ಮಾಡುತ್ತಿದ್ದಾರೆ.

ಪೊಲೀಸರಿಂದ ಸಲ್ಮಾನ್‌ಗೆ ಕಚ್ಚಿದ ಹಾವು ಬಂಧನ

ಸಲ್ಮಾನ್ ಖಾನ್ ಹಾವಿನಿಂದ ಕಚ್ಚಿಸಿಕೊಂಡ ಬಳಿಕ ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ವೆರೈಟಿ ವೆರೈಟಿ ಟ್ರೋಲ್‌ಗಳಾಗುತ್ತಿವೆ. ಇದರಲ್ಲಿ ಸಲ್ಮಾನ್ ಖಾನ್ ಹಿಟ್ ಅಂಡ್ ರನ್ ಕೇಸ್ ಅನ್ನೂ ಸೇರಿಸಿಕೊಂಡು ಟ್ರೋಲ್ ಮಾಡಿದ್ದಾರೆ. " ಸಲ್ಮಾನ್ ಖಾನ್‌ಗೆ ಕಚ್ಚಿ ಓಡಿ ಹೋದ ಹಾವನ್ನು ಈಗ ಪೊಲೀಸರು ಬಂಧಿಸಲಿದ್ದಾರೆ." ಎಂದು ಟ್ರೋಲ್ ಮಾಡುತ್ತಿದ್ದಾರೆ.

ಜನರಿಗೆ ಹಾವಿನ ಬಗ್ಗೆನೇ ಚಿಂತೆ

ಕೆಲವು ಟ್ರೋಲ್‌ಗಳಂತೂ ಜನರಿಗೆ ನಗುತರಿಸಿವೆ. " ನ್ಯೂಸ್ ಹೆಡ್‌ಲೈನ್: ಹಾವು ಕಚ್ಚಿದ ಬಳಿಕ ಪ್ರಾಣಾಪಾಯದಿಂದ ಪಾರಾದ ಸಲ್ಮಾನ್ ಖಾನ್. ಆದರೆ, ಹೆಡ್‌ಲೈನ್ ಹೀಗಿರಬೇಕಿತ್ತು. ಜನರಿಗೆ ಸಲ್ಮಾನ್ ಖಾನ್‌ಗಿಂತ ಹಾವಿನ ಬಗ್ಗೆನೇ ಚಿಂತೆ" ಎಂದು ಟ್ರೋಲ್ ಮಾಡಿದ್ದಾರೆ. ಮತ್ತೆ ಕೆಲವರು ಸಲ್ಮಾನ್‌ಗೆ ಕಚ್ಚಿದ ಹಾವು ಬದುಕುಳಿದಿದೆಯೇ? ಎಂದು ಪ್ರಶ್ನೆ ಮಾಡಿದ್ದಾರೆ. ಹೀಗೆ ಕಳೆದೆರಡು ದಿನಗಳಿಂದ ಸಲ್ಮಾನ್ ಖಾನ್ ಮೇಲೆ ಟ್ರೋಲ್ ಮೇಲೆ ಟ್ರೋಲ್ ಮಾಡಲಾಗಿದೆ.