'ಪಠಾಣ್' ಬಾಕ್ಸಾಫೀಸ್ ಕಲೆಕ್ಷನ್ ₹500 ಕೋಟಿ: ಈ ಒಂದು ದಿನ ಭಾರತದಾದ್ಯಂತ ಟಿಕೆಟ್ ದರ ಇಳಿಕೆ

ಈ ಒಂದು ದಿನ 'ಪಠಾಣ್ ಡೇ'

'ಪಠಾಣ್' ಅತೀ ಹೆಚ್ಚು ಗಳಿಕೆ ಕಂಡ ಬಾಲಿವುಡ್‌ ಸಿನಿಮಾ ಎನಿಸಿಕೊಂಡಿದೆ. ಹೀಗಾಗಿ ನಿರ್ಮಾಣ ಸಂಸ್ಥೆ ವೈಆರ್‌ಎಫ್ 'ಪಠಾಣ್ ಡೇ'ಯನ್ನಾಗಿ ಆಚರಣೆ ಮಾಡಲು ನಿರ್ಧರಿಸಿದೆ. ಭಾರತದ ಪ್ರಮುಖ ಮಲ್ಟಿಪ್ಲೆಕ್ಸ್ ಥಿಯೇಟರ್‌ ಚೈನ್‌ಗಳು ಕೈ ಜೋಡಿಸಿವೆ. ಇದೇ ಶುಕ್ರವಾರ, ಪಿವಿಆರ್, ಐನಾಕ್ಸ್,ಸಿನಿಪೊಲಿಸ್, ಮಿರಜ್, ಮೂವಿ ಟೈಮ್,ಟ ಮುಕ್ತ ಎ2 ಅಂತಹ ಸಿನಿಮಾಗಳು ಒಂದು ದಿನ ವಿಶೇಷ ದರದಲ್ಲಿ ಟಿಕೆಟ್ ನೀಡಲು ನಿರ್ಧರಿಸಿದೆ.

'ಪಠಾಣ್' ಟಿಕೆಟ್ ಬೆಲೆ ಎಷ್ಟು?

ನಾಳೆ (ಫೆಬ್ರವರಿ 17) ಶಾರುಖ್ ಖಾನ್ ಅಭಿನಯದ 'ಪಠಾಣ್' ಸಿನಿಮಾದ ಟಿಕೆಟ್ ಬೆಲೆ ಇಳಿಕೆಯಾಗಲಿದೆ. ಮಲ್ಟಿಪ್ಲೆಕ್ಸ್ ಥಿಯೇಟರ್‌ ಚೈನ್‌ನಲ್ಲಿ ಸಿನಿಮಾದ ಟಿಕೆಟ್ ನಾಳೆ ಒಂದು ದಿನ ಫ್ಲ್ಯಾಟ್ 110 ರೂಪಾಯಿಗೆ ಮೀಸಲಿರಿಸಿದೆ. ಈ ಮೂಲಕ ಚಿತ್ರಮಂದಿರಕ್ಕೆ ಪ್ರೇಕ್ಷಕರನ್ನು ಕರೆದುಕೊಂಡು ಬರುವುದಕ್ಕೆ ಮಾಸ್ಟರ್ ಪ್ಲ್ಯಾನ್ ಮಾಡಿದೆ. ಈ ಮೂಲಕ ವೀಕೆಂಡ್ ಕಲೆಕ್ಷನ್‌ಗೂ ಸಹಾಯ ಆಗಲಿದೆ.

'ಪಠಾಣ್' ₹500 ಕೋಟಿ ಕಲೆಕ್ಷನ್?

ಕಿಂಗ್ ಖಾನ್ ಸಿನಿಮಾ 'ಪಠಾಣ್' ಬಾಲಿವುಡ್‌ ಬಾಕ್ಸಾಫೀಸ್‌ನಲ್ಲಿ ನಾಳೆ(ಫೆಬ್ರವರಿ 17) ₹500 ಕೋಟಿ ಕ್ಲಬ್ ಸೇರುತ್ತಿದೆ. ಈ ಖುಷಿಗಾಗಿ 'ಪಠಾಣ್ ಡೇ' ಅಂತ ಆಚರಣೆ ಮಾಡಲಿದ್ದು, ಟಿಕೆಟ್ ದರವನ್ನು ಇಳಿಕೆ ಮಾಡಲಾಗಿದೆ. ಇಲ್ಲಿವರೆಗೂ 'ಪಠಾಣ್' ಹಿಂದಿ ಕಲೆಕ್ಷನ್ ಸುಮಾರು ₹498.85 ಕೋಟಿ ಆಗಿದೆ ಎಂದು ಟ್ರೇಲ್ ಎಕ್ಸ್‌ಪರ್ಟ್ಸ್‌ ಲೆಕ್ಕ ಒಪ್ಪಿಸಿದ್ದಾರೆ. ಈ ಬೆನ್ನಲ್ಲೇ ಸಿನಿಮಾತಂಡ ಸೆಲೆಬ್ರೆಟ್ ಮಾಡುವುದಕ್ಕೆ ಮುಂದಾಗಿದೆ.

'ಪಠಾಣ್' ವರ್ಲ್ಡ್‌ವೈಡ್ ಕಲೆಕ್ಷನ್ ಎಷ್ಟು?

'ಪಠಾಣ್' ಕೇವಲ ಭಾರತದಲ್ಲಷ್ಟೇ ಚಮತ್ಕಾರ ಮಾಡಿಲ್ಲ. ವಿಶ್ವದಾದ್ಯಂತ ರಿಲೀಸ್ ಆದ ಕಡೆಗಳಲ್ಲೆಲ್ಲಾ ಸಿನಿಮಾ ಕಲೆಕ್ಷನ್ ಭರ್ಜರಿಯಾಗಿಯೇ ಇದೆ. ಟ್ರೇಡ್‌ ಎಕ್ಸ್‌ಪರ್ಟ್‌ಗಳ ಪ್ರಕಾರ, ಭಾರತದಲ್ಲಿ ₹498.85 ಕೋಟಿ ಗಳಿಸಿದೆ. ಇದರಲ್ಲಿ ಹಿಂದಿ ವರ್ಷನ್‌ನಿಂದ ₹481.35, ಡಬ್ಬಿಂಗ್ ವರ್ಷನ್‌ನಿಂದ ₹17.50 ಕೋಟಿ, ವಿದೇಶದಿಂದ ₹363 ಕೋಟಿ ಕಲೆಕ್ಷನ್ ಆಗಿದೆ. ಈ ಮೂಲಕ ವಿಶ್ವದಾದ್ಯಂತ ಸುಮಾರು ₹963 ಕೋಟಿ ರೂ. ಕಲೆಕ್ಷನ್ ಮಾಡಿದೆ.