ಪ್ರಿಯಾಂಕಾ ಚೋಪ್ರಾ ಚಿಕ್ಕಪ್ಪನಿಗೆ ಚಾಕು ತೋರಿಸಿ ದೋಚಿದ ದುಷ್ಕರ್ಮಿಗಳು

ಎಫ್‌ಐಆರ್ ಮಾಹಿತಿ ಕೊಟ್ಟ ಮೀರಾ

ಮತ್ತೊಂದು ಟ್ವೀಟ್‌ನಲ್ಲಿ ಮೀರಾ, ಎಫ್‌ಐಆರ್ ನೋಂದಣಿಯ ಸಂಖ್ಯೆಯನ್ನು ಕೂಡ ನೀಡಿದ್ದಾರೆ. 'ಎಫ್‌ಐಆರ್ ನಂಬರ್: NWD-MT-000568 ಪಿಸಿಆರ್ ಪೊಲೀಸ್ ಲೈನ್ ಸಮೀಪದ ಪ್ರಿನ್ಸ್ ರಸ್ತೆ, ಮಾಡೆಲ್ ಟೌನ್. ನಿಮಗೆ ನೇರ ಸಂದೇಶ ಅಥವಾ ಇಮೇಲ್ ಮೂಲಕ ಸಂಪರ್ಕ ಸಂಖ್ಯೆಯನ್ನು ನೀಡುತ್ತೇನೆ' ಎಂದು ಉತ್ತರ ದೆಹಲಿಯ ಡಿಸಿಪಿ ಕೇಳಿರುವ ಮಾಹಿತಿಗೆ ಪ್ರತಿಕ್ರಿಯಿಸಿದ್ದಾರೆ.

ಪೊಲೀಸರ ಬಗ್ಗೆ ಹೆಮ್ಮೆಯಾಗುತ್ತದೆ

ದೆಹಲಿ ಪೊಲೀಸರು ಕೂಡಲೇ ಕ್ರಮ ತೆಗೆದುಕೊಂಡಿದ್ದಕ್ಕೆ ಮೀರಾ ಧನ್ಯವಾದ ಸಲ್ಲಿಸಿದ್ದಾರೆ. 'ಇಷ್ಟು ತ್ವರಿತವಾಗಿ ಕ್ರಮ ಕೈಗೊಂಡಿದ್ದಕ್ಕೆ ಉತ್ತರ ದೆಹಲಿ ಪೊಲೀಸರಿಗೆ ಧನ್ಯವಾದಗಳು. ನಮ್ಮ ಪೊಲೀಸ್ ಇಲಾಖೆಯಿಂದ ರಕ್ಷಣೆ ಸಿಗುತ್ತದೆ ಎಂಬ ಭಾವನೆ ಉಂಟಾದಾಗ ಹೆಮ್ಮೆಯಾಗುತ್ತದೆ' ಎಂದಿದ್ದಾರೆ.

ಹಿರಿಯನ್ನು ರಕ್ಷಿಸಿಕೊಳ್ಳಬೇಕು

'ಇದು ಯಾವುದನ್ನು ಕಳವು ಮಾಡಲಾಗಿದೆ ಎಂಬ ವಿಷಯಕ್ಕಿಂತಲೂ ನಮ್ಮ ಹಿರಿಯರನ್ನು ರಕ್ಷಿಸಿಕೊಳ್ಳುವುದು ಬಹಳ ಮುಖ್ಯವಾಗಿದೆ. ದೆಹಲಿ ಪೊಲೀಸರನ್ನು ಗೌರವಿಸುತ್ತೇನೆ' ಎಂದು ಮೀರಾ ಚೋಪ್ರಾ ತಿಳಿಸಿದ್ದಾರೆ.

ಕನ್ನಡದಲ್ಲಿಯೂ ನಟನೆ

ಪ್ರಿಯಾಂಕಾ ಚೋಪ್ರಾ ಅವರ ಕಸಿನ್ ಸಿಸ್ಟರ್‌ಗಳಾದ ಪರಿಣೀತಿ ಚೋಪ್ರಾ, ಮೀರಾ ಚೋಪ್ರಾ ಹಾಗೂ ಮನ್ನರಾ ಚೋಪ್ರಾ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಅವರಲ್ಲಿ ಮೀರಾ ಚೋಪ್ರಾ, ಅಕ್ಕನಿಂದ ಹೆಚ್ಚು ಬೆಂಬಲ ಪಡೆದುಕೊಂಡಿದ್ದಾರೆ. ಕನ್ನಡದಲ್ಲಿ 'ಅರ್ಜುನ್' ಎಂಬ ಚಿತ್ರದಲ್ಲಿಯೂ ಅವರು ನಟಿಸಿದ್ದರು. ತೆಲುಗು ಮತ್ತು ತಮಿಳು ಸಿನಿಮಾಗಳಲ್ಲಿಯೇ ಹೆಚ್ಚು ಅಭಿನಯಿಸಿದ್ದಾರೆ.