ರಜನಿ-ಶಿವಣ್ಣ ಸಿನಿಮಾ ಟೈಟಲ್ 'ಜೈಲರ್': ಒಂದೇ ಲೋಕೇಶ್‌ನಲ್ಲಿ ಶೂಟಿಂಗ್? ಫ್ಯಾನ್ಸ್‌ಗೆ ಟೆನ್ಷನ್!

'ಜೈಲರ್' ಹೈಲೈಟ್ ಏನು?

'ಜೈಲರ್' ನಿರ್ಮಾಣ ಸಂಸ್ಥೆ ಸನ್ ಪಿಕ್ಚರ್ಸ್ ಟೈಟಲ್ ಹಾಗೂ ಫಸ್ಟ್ ಲುಕ್‌ ಅನ್ನು ರಿಲೀಸ್ ಮಾಡಿದೆ. ಫಸ್ಟ್ ಲುಕ್‌ನಲ್ಲಿ ಆಯುಧವೊಂದನ್ನು ಇಟ್ಟಿದ್ದು, ಅದರಲ್ಲಿ ರಕ್ತವನ್ನು ಚೆಲ್ಲಿದೆ. ಈ ಫಸ್ಟ್ ಲುಕ್ ನೋಡಿದ್ಮೇಲೆ 'ಜೈಲರ್' ಸಿನಿಮಾ ಪಕ್ಕಾ ಮಾಸ್ ಸಿನಿಮಾ ಅಂತ ಅಭಿಮಾನಿಗಳೇ ಗೆಸ್ ಮಾಡಿದ್ದಾರೆ. ಆದರೆ, ನೆಲ್ಸನ್ ದಿಲೀಪ್ ಕುಮಾರ್ ಯಾವ ರೀತಿ ಸಿನಿಮಾ ಮಾಡುತ್ತಾರೆ ಎನ್ನುವ ಕುತೂಹಲವಂತೂ ಅಭಿಮಾನಿಗಳಲ್ಲಿದೆ.

ಜೈಲರ್ ಟೈಟಲ್ ನೋಡಿ ಹೌಹಾರಿದ ಫ್ಯಾನ್ಸ್

ರಜನಿಕಾಂತ್ 169ನೇ ಸಿನಿಮಾದ ಟೈಟಲ್ 'ಜೈಲರ್' ಎನ್ನುತ್ತಿದ್ದಂತೆ ಅಭಿಮಾನಿಗಳು ಹೌಹಾರಿದ್ದಾರೆ. ಅದಕ್ಕೆ ಕಾರಣ ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶಿಸಿದ ಸಿನಿಮಾ 'ಬೀಸ್ಟ್'. ದಳಪತಿ ವಿಜಯ್ ಅಭಿನಯದ ಈ ಸಿನಿಮಾ ಒಂದೇ ಮಾಲ್‌ನಲ್ಲಿ ಶೂಟಿಂಗ್ ಮಾಡಲಾಗಿತ್ತು. ಈಗ 'ಜೈಲರ್‌' ಕೂಡ ಒಂದೇ ಲೋಕೇಶ್‌ನಲ್ಲಿ ಶೂಟಿಂಗ್ ಮಾಡುತ್ತಾರಾ ಎಂಬ ಅನುಮಾನ ಕಾಡಲು ಶುರುವಾಗಿದೆ. 'ಬೀಸ್ಟ್' ಸೋಲು ಕಂಡಂತೆ 'ಜೈಲರ್' ಕೂಡ ಒಂದೇ ಲೋಕೇಶ್‌ನಲ್ಲಿ ಶೂಟ್ ಮಾಡಿ ಸೋತರೆ ಅಂತ ಭಯಪಡುತ್ತಿದ್ದಾರೆ. ಇನ್ನು ಕೆಲವರು ಸಿನಿಮಾದಲ್ಲಿ ಪ್ರಯೋಗ ಆಗುತ್ತಿದೆ. ಸಪೋರ್ಟ್ ಮಾಡಿ ಎನ್ನುತ್ತಿದ್ದಾರೆ.

ಒಂದೇ ಸ್ಥಳದಲ್ಲಿ ಶೂಟಿಂಗ್?

'ಬೀಸ್ಟ್' ಸಿನಿಮಾದಂತೆ ಒಂದೇ ಜಾಗದಲ್ಲಿಯೇ ಸಿನಿಮಾ ಮೇಜರ್ ಪೋಷನ್‌ ಶೂಟಿಂಗ್ ನಡೆಯಲಿದೆ ಎನ್ನಲಾಗುತ್ತಿದೆ. ಟೈಟಲ್‌ಗೆ ತಕ್ಕಂತೆ ಸೂಪರ್‌ಸ್ಟಾರ್ ರಜನಿಕಾಂತ್ ಜೈಲರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಬಹುದು ಎಂದು ಊಹೆ ಮಾಡಲಾಗಿದೆ. ಅಲ್ಲದೆ, ಸೆಂಚುರಿ ಸ್ಟಾರ್ ಶಿವರಾಜ್‌ಕುಮಾರ್ ಕೂಡ ನಟಿಸುತ್ತಿರುವುದರಿಂದ ಸಿನಿಮಾ ಪವರ್‌ಫುಲ್ ಆಗಿರುತ್ತೆ ಎಂದು ಊಹೆ ಮಾಡಲಾಗಿದೆ. ರಜನಿ ಜೊತೆ ಸ್ಟ್ರಾಂಗ್ ವಿಲನ್ ಕೂಡ ಇರುತ್ತಾರೆ ಅಂತ ಕಾಲಿವುಡ್ ಗೆಸ್ ಮಾಡುತ್ತಿದೆ.

ಸೂಪರ್‌ ಹಿಟ್ ಆಗಿತ್ತು 'ಅಣ್ಣಾತ್ತೆ'

ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ 'ಅಣ್ಣಾತ್ತೆ' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸೂಪರ್‌ ಹಿಟ್ ಆಗಿತ್ತು. ಶಿವ ನಿರ್ದೇಶಿಸಿದ ಈ ಸಿನಿಮಾಗೆ ಮೊದಲ ದಿನವೇ ಮಿಶ್ರಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಆದರೂ, ಜನರು ಮಾತ್ರ ಕೈ ಬಿಡಲಿಲ್ಲ. ಗ್ರಾಮೀಣ ಭಾಗದ ಕಥೆಯಲ್ಲಿ ಸೂಪರ್‌ಸ್ಟಾರ್ ರಜನಿಕಾಂತ್ ಮಿಂಚಿದ್ದರು. ರಜನಿ ಅಭಿಮಾನಿಗಳು ಈ ಸಿನಿಮಾ ನೋಡಿ ಎಂಜಾಯ್ ಮಾಡಿದ್ದರು. ಈಗ ರಜನಿಯ 169ನೇ ಸಿನಿಮಾ ಬಗ್ಗೆ ಮತ್ತಷ್ಟು ಕೌತುಕ ಹೆಚ್ಚಾಗಿದೆ.