Ramayana: 4 ಸಾವಿರ ಕೋಟಿ ವೆಚ್ಚದ 'ರಾಮಾಯಣ' ಸಿನಿಮಾ.. ಯಾರಿಗೆ ಎಷ್ಟೆಷ್ಟು ಕೋಟಿ ಸಂಭಾವನೆ?

ನಿರ್ದೇಶಕ ನಿತೇಶ್ ತಿವಾರಿ ಅವರ ಬೃಹತ್ ಬಜೆಟ್ 'ರಾಮಾಯಣ'ಕ್ಕಾಗಿ ಪ್ರೇಕ್ಷಕರು ಕಾತರದಲ್ಲಿದ್ದಾರೆ. ರಣಬೀರ್ ಕಪೂರ್ (ಶ್ರೀರಾಮ), ಸಾಯಿ ಪಲ್ಲವಿ (ಸೀತೆ), ಯಶ್ (ರಾವಣ) ಮತ್ತು ಸನ್ನಿ ಡಿಯೋಲ್ (ಹನುಮಾನ್) ನಟಿಸಿರುವ ಈ ಚಿತ್ರ ಹಲವು ತಿಂಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯ ವಿಷಯವಾಗಿದೆ. ಈ ಅದ್ದೂರಿ ಚಿತ್ರದ ತಾರೆಯರ ಸಂಭಾವನೆ ಕುರಿತು ಕುತೂಹಲ ಇದೀಗ ಹೆಚ್ಚಿದೆ.

ಟೈಮ್ಸ್ ಆಫ್ ಇಂಡಿಯಾ ವರದಿ ಹೇಳುವಂತೆ, ರಣಬೀರ್ ಕಪೂರ್ 'ರಾಮಾಯಣ'ದ ಪ್ರತಿ ಭಾಗಕ್ಕೆ ₹75 ಕೋಟಿ ರೂ., ಒಟ್ಟು ₹150 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ. ಇದು ಹಿಂದಿನ ಗಳಿಕೆಗಿಂತ ದೊಡ್ಡ ಜಿಗಿತ. ನ್ಯೂಸ್18 ಪ್ರಕಾರ, 'ಬ್ರಹ್ಮಾಸ್ತ್ರ: ಪಾರ್ಟ್ ಒನ್ - ಶಿವ'ಕ್ಕೆ ರಣಬೀರ್ ₹25-30 ಕೋಟಿ ರೂ. ಪಡೆದಿದ್ದರು; ಬ್ಲಾಕ್‌ಬಸ್ಟರ್ 'ಅನಿಮಲ್'ಗೆ ₹30-35 ಕೋಟಿ ರೂ. ಹಾಗೂ ಲಾಭಾಂಶದ ಪಾಲು ಪಡೆದಿದ್ದರು.

ವರದಿಗಳ ಪ್ರಕಾರ, ಸಾಯಿ ಪಲ್ಲವಿ 'ರಾಮಾಯಣ'ದ ಪ್ರತಿ ಭಾಗಕ್ಕೆ ₹6 ಕೋಟಿ ರೂ. ಶುಲ್ಕ ವಿಧಿಸಿದ್ದು, ದ್ವಿ-ಭಾಗದ ಚಿತ್ರಕ್ಕೆ ಒಟ್ಟು ₹12 ಕೋಟಿ ರೂ. ಪಡೆಯಲಿದ್ದಾರೆ. ಇದು ಅವರ ಮಾಮೂಲಿ ದಕ್ಷಿಣ ಭಾರತದ ಯೋಜನೆಗಳ ₹2.5-3 ಕೋಟಿ ರೂ. ಸಂಭಾವನೆಗಿಂತ ಹಲವು ಪಟ್ಟು ಹೆಚ್ಚಾಗಿದೆ.

ಕನ್ನಡ ಸೂಪರ್‌ಸ್ಟಾರ್ ಯಶ್, ಮಹಾಕಾವ್ಯ ರಾಮಾಯಣದಲ್ಲಿ ರಾವಣನ ಪಾತ್ರಕ್ಕೆ ಪ್ರತಿ ಭಾಗಕ್ಕೆ ₹50 ಕೋಟಿ ರೂ. ಪಡೆದಿದ್ದಾರೆ. ಇದರಿಂದ ಒಟ್ಟು ₹100 ಕೋಟಿ ರೂ. ಭಾರಿ ಮೊತ್ತ ಅವರಿಗೆ ಸಂದಾಯವಾಗಿದೆ. ಇದು 'ಕೆಜಿಎಫ್: ಚಾಪ್ಟರ್ 1' ಮತ್ತು 'ಚಾಪ್ಟರ್ 2' ಸಮಯದ ಅವರ ₹30-35 ಕೋಟಿ ರೂ. ಸಂಭಾವನೆಗಿಂತ ಹೆಚ್ಚಿದೆ.

ಮೂಲಗಳ ಪ್ರಕಾರ, ಸನ್ನಿ ಡಿಯೋಲ್ 'ರಾಮಾಯಣ'ದಲ್ಲಿ ಹನುಮಾನ್ ಪಾತ್ರಕ್ಕೆ ಪ್ರತಿ ಭಾಗಕ್ಕೆ ₹20 ಕೋಟಿ ರೂ., ಅಂದರೆ ಒಟ್ಟು ₹40 ಕೋಟಿ ರೂ. ಸಂಭಾವನೆ ಪಡೆಯುತ್ತಿದ್ದಾರೆ. ಇದು ಅವರ ಬ್ಲಾಕ್‌ಬಸ್ಟರ್ 'ಗದರ್ 2' (2023) ಗಾಗಿ ಪಡೆದ ಸುಮಾರು ₹20 ಕೋಟಿ ರೂ. ಸಂಭಾವನೆಗೆ ಸಮನಾಗಿದೆ.

ವರದಿಗಳ ಪ್ರಕಾರ, ಟಿವಿ ಸ್ಟಾರ್ ರವಿ ದುಬೆ 'ರಾಮಾಯಣ'ದಲ್ಲಿ ಲಕ್ಷ್ಮಣನ ಪಾತ್ರಕ್ಕೆ ₹2 ರಿಂದ 4 ಕೋಟಿ ರೂ. ಪಡೆಯಲಿದ್ದಾರೆ. ಈ ಮೊತ್ತ ಒಂದು ಅಥವಾ ಎರಡು ಭಾಗದ್ದೇ ಎಂಬುದು ಸ್ಪಷ್ಟವಿಲ್ಲ. ಆದರೆ, ಇದು ಅವರ ಅತಿ ದೊಡ್ಡ ಸಿನಿ ಸಂಭಾವನೆ. ಅಲ್ಲದೆ, ಅವರ ಟಿವಿ ವೃತ್ತಿಜೀವನದ ಗಳಿಕೆಗಿಂತಲೂ ಇದು ಹೆಚ್ಚು.

ಸೂಚನೆ: ಈ ಲೇಖನದಲ್ಲಿ ಉಲ್ಲೇಖಿಸಲಾದ ತಾರೆಯರ ಸಂಭಾವನೆ ಕುರಿತ ಮಾಹಿತಿಯು ಸಾಮಾಜಿಕ ಮಾಧ್ಯಮ ವರದಿಗಳನ್ನು ಆಧರಿಸಿದೆ. ಚಿತ್ರ ತಂಡ ಅಥವಾ ತಾರೆಯರ ಕಡೆಯಿಂದ ಯಾವುದೇ ಅಧಿಕೃತ ದೃಢೀಕರಣ ಲಭ್ಯವಾಗಿಲ್ಲ.