11ನೇ ದಿನವೂ ಬಾಕ್ಸಾಫೀಸ್‌ನಲ್ಲಿ 'ಬ್ರಹ್ಮಾಸ್ತ್ರ' ದರ್ಬಾರ್: 2ನೇ ಸ್ಥಾನಕ್ಕೇರಿದ ಆಲಿಯಾ ಭಟ್!

'ಬ್ರಹ್ಮಾಸ್ತ್ರ' 11ನೇ ದಿನದ ಗಳಿಕೆ ಎಷ್ಟು?

ಯಾವುದೇ ಸಿನಿಮಾ ರಿಲೀಸ್ ಆದರೂ, ವೀಕೆಂಡ್‌ಗಳಲ್ಲಿ ಭರ್ಜರಿ ಕಲೆಕ್ಷನ್ ಮಾಡುತ್ತೆ. ಅದೇ ಸೋಮವಾರದಿಂದ ಸಿನಿಮಾ ಕಲೆಕ್ಷನ್ ಸಹಜವಾಗಿಯೇ ಡ್ರಾಪ್ ಆಗುತ್ತೆ. ಅಂತಯೇ 'ಬ್ರಹ್ಮಾಸ್ತ್ರ' ಎರಡನೇ ಸೋಮವಾರದ ಅಗ್ಬಿಪರೀಕ್ಷೆಯಲ್ಲಿ ಗೆದ್ದಿದೆ. 2ನೇ ಸೋಮವಾರ (ಸೆಪ್ಟೆಂಬರ್ 19)ದಂದು ಈ ಸಿನಿಮಾ ಕೇವಲ ಭಾರತದಲ್ಲಿ ಸುಮಾರು 4.25 ಕೋಟಿಯಿಂದ 4.75 ಕೋಟಿವರೆಗೆ ಕಲೆಕ್ಷನ್ ಮಾಡಿದೆ ಎಂದು ವರದಿಯಾಗಿದೆ. 11ನೇ ದಿನ ಇದು ಅತ್ಯುತ್ತಮ ಗಳಿಕೆ ಎಂದೇ ಹೇಳಲಾಗುತ್ತೆ.

ಭಾರತದಲ್ಲಿ 11 ದಿನಗಳ ಒಟ್ಟು ಕಲೆಕ್ಷನ್ ಎಷ್ಟು?

'ಬ್ರಹ್ಮಾಸ್ತ್ರ' ಭಾರತದಲ್ಲಿ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ. 11ನೇ ದಿನವೂ ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸುತ್ತಲೇ ಇದೆ. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ, ಕೇವಲ ಭಾರತದಲ್ಲಿ 'ಬ್ರಹ್ಮಾಸ್ತ್ರ' 200 ಕೋಟಿ ರೂ.ಗೂ ಅಧಿಕ ಗಳಿಕೆ ಕಂಡಿದೆ. ಇದೂವರೆಗೂ 'ಬ್ರಹ್ಮಾಸ್ತ್ರ' ಸಿನಿಮಾ ಸುಮಾರು 212 ಕೋಟಿ ರೂ. ಗಳಿಸಿದೆ. ಕಲೆಕ್ಷನ್ ಹೀಗೆ ಮುಂದುವರೆದರೆ, 'ಬ್ರಹ್ಮಾಸ್ತ್ರ' ಈ ವಾರಾಂತ್ಯಕ್ಕೆ ಸುಮಾರು 225 ಕೋಟಿ ರೂ. ಕಲೆ ಹಾಕುವ ಸಾಧ್ಯತೆಯಿದೆ ಎಂದು ಅಂದಾಜಿಸಲಾಗಿದೆ.

ಆಲಿಯಾ ಭಟ್ 2ನೇ ಸ್ಥಾನ

'ಬ್ರಹ್ಮಾಸ್ತ್ರ' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ 200 ಕೋಟಿ ರೂ. ಲೂಟಿ ಮಾಡುತ್ತಿದ್ದಂತೆ ಆಲಿಯಾ ಭಟ್ ಶೈನ್ ಆಗಿದ್ದಾರೆ. ಬಾಲಿವುಡ್‌ನ ಸಕ್ಸಸ್‌ಫುಲ್ ನಟಿಯರ ಸಾಲಿನಲ್ಲಿ ಆಲಿಯಾ ಭಟ್ ಎರಡನೇ ಸ್ಥಾನಕ್ಕೇರಿದ್ದಾರೆ. ಸದ್ಯ ಆಲಿಯಾ ಭಟ್ ನಟಿಸಿದ 'ಬ್ರಹ್ಮಾಸ್ತ್ರ' 200 ಕೋಟಿ ಕ್ಲಬ್ ಸೇರಿದ ಎರಡನೇ ಸಿನಿಮಾ ಪಟ್ಟಿ ಸೇರಿದೆ.

ವರ್ಲ್ಡ್‌ವೈಡ್ 'ಬ್ರಹ್ಮಾಸ್ತ್ರ' ಗಳಿಕೆ ಎಷ್ಟು?

ರಣ್‌ಬೀರ್ ಕಪೂರ್ ಹಾಗೂ ಆಲಿಯಾ ಭಟ್ ಸಿನಿಮಾ ಕೇವಲ ಭಾರತದಲ್ಲಿ ಅಷ್ಟೇ ಅಲ್ಲ. ವಿಶ್ವದಾದ್ಯಂತ ಉತ್ತಮ ಪ್ರದರ್ಶನ ಕಾಣುತ್ತಿದೆ. 10ನೇ ದಿನದ ವರೆಗೂ 'ಬ್ರಹ್ಮಾಸ್ತ್ರ' ಕಲೆಕ್ಷನ್ ಜೋರಾಗಿಯೇ ಇದೆ. ಈ ಮೂಲಕ ವಿಶ್ವದಾದ್ಯಂತ 'ಬ್ರಹ್ಮಾಸ್ತ್ರ' ಕಲೆಕ್ಷನ್ ಸುಮಾರು 360 ಕೋಟಿ ರೂ. ಗಳಿಸಿದೆ ಎನ್ನಲಾಗಿದೆ. ಹಾಗೆಯೇ 11ನೇ ದಿನವೂ ಈ ಸಿನಿಮಾದ ಕಲೆಕ್ಷನ್ ಜೋರಾಗಿದ್ದು, ಇನ್ನೂ ಅಧಿಕೃತ ಮಾಹಿತಿ ಹೊರಬೀಳಬೇಕಿದೆ.