ಏರ್‌ಪೋರ್ಟ್‌ನಲ್ಲಿ ಇಳಿಯುತ್ತಿದ್ದಂತೆ ಟ್ರೋಲ್ ಆದ ರಶ್ಮಿಕಾ: ಪ್ಯಾಂಟ್ ಎಲ್ಲಿ ಎಂದ ನೆಟ್ಟಿಗರು

ರಶ್ಮಿಕಾ ಮಂದಣ್ಣಗೆ ಟ್ರೋಲ್ ಕಾಟ

'ಪುಷ್ಪ' ಸಿನಿಮಾದ ಸಾಮಿ ಸಾಮಿ ಹಾಡು ನೋಡಿ ರಶ್ಮಿಕಾ ಅಭಿಮಾನಿಗಳು ಥ್ರಿಲ್ ಆಗಿದ್ದರು. ಇನ್ನು ಸಿನಿಮಾ 300 ಕೋಟಿ ಲೂಟಿ ಮಾಡುತ್ತಿದ್ದಂತೆ ಅಭಿಮಾನಿಗಳು ಹುಚ್ಚೆದ್ದು ಕುಣಿದಿದ್ದರು. 'ಪುಷ್ಪ' ಗೆಲ್ಲುತ್ತಿದ್ದಂತೆ ರಶ್ಮಿಕಾ ನಟಿಸುತ್ತಿರುವ ಬಾಲಿವುಡ್ ಸಿನಿಮಾಗಳಿಗೆ ಮತ್ತಷ್ಟು ಪ್ರಚಾರ ಸಿಕ್ಕಂತಾಗಿದೆ. ಹೀಗಾಗಿ ರಶ್ಮಿಕಾ ಮಂದಣ್ಣ ತೆಲುಗು ಹಾಗೂ ಹಿಂದಿ ಚಿತ್ರರಂಗದಲ್ಲಿ ಫುಲ್ ಬ್ಯುಸಿಯಾಗಿದ್ದಾರೆ. ಕೆಲಸದ ನಿಮಿತ್ತ ಮುಂಬೈ ಏರ್‌ಪೋರ್ಟ್‌ಗೆ ಬಂದಿಳಿದ್ದ ರಶ್ಮಿಕಾ ಕ್ಯಾಮರಾ ಕಣ್ಣಿಗೆ ಸಿಕ್ಕಿಬಿದ್ದಿದ್ದರು. ಈಗ ಅದೇ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

ತುಂಡುಡುಗೆಯಲ್ಲಿ ರಶ್ಮಿಕಾ ಟ್ರೋಲ್

ರಶ್ಮಿಕಾ ಮಂದಣ್ಣ ಮುಂಬೈ ಏರ್‌ಪೋರ್ಟ್‌ನಲ್ಲಿ ತುಂಡು ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದರು. ದೊಗಲೆಯಾಗಿರುವ ಸ್ವೆಟ್ ಟೀ ಶರ್ಟ್ ಹಾಗೂ ಡೆನಿಮ್ ಶಾರ್ಟ್ ಧರಿಸಿದ್ದರು. ದೊಗಲೆ ಟಿ- ಶರ್ಟ್ ರಶ್ಮಿಕಾ ಹಾಕಿದ್ದ ಶಾರ್ಟ್ಸ್ ಅನ್ನು ಮರೆಮಾಚಿತ್ತು. ಈ ಅವತಾರದಲ್ಲಿ ರಶ್ಮಿಕಾ ಮಂದಣ್ಣರನ್ನು ನೋಡುತ್ತಿದ್ದಂತೆ ನೆಟ್ಟಿಗರು ದಿಢೀರನೇ ಅಲರ್ಟ್ ಆಗಿದ್ದಾರೆ. ವಿಡಿಯೋ ವೈರಲ್ ಆಗುತ್ತಿದ್ದಂತೆ ತಲೆಗೊಂದು ಕಮೆಂಟ್ ಮಾಡಲು ಶುರು ಮಾಡಿದ್ದಾರೆ. ನೆಟ್ಟಿಗರು ಮಾಡಿದ ಒಂದೂ ಟ್ರೋಲ್ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ.

ಪ್ಯಾಂಟ್ ಹಾಕುವುದನ್ನೇ ಮರೆತ್ರಾ ರಶ್ಮಿಕಾ?

ರಶ್ಮಿಕಾ ಮಂದಣ್ಣ ಮುಂಬೈ ಏರ್‌ಫೊರ್ಟ್ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಭಿನ್ನ-ವಿಭಿನ್ನ ಕಮೆಂಟ್‌ಗಳು ಹರಿದಾಡುವುದಕ್ಕೆ ಶುರುವಾಗಿವೆ. " ರಶ್ಮಿಕಾ ಮಂದಣ್ಣಗೆ ಚಳಿನೇ ಆಗುವುದಿಲ್ಲ." ಎಂದು ಒಬ್ಬರು ಕಮೆಂಟ್ ಮಾಡಿದ್ದರೆ. ಮತ್ತೊಬ್ಬರು " ರಶ್ಮಿಕಾ ಪ್ಯಾಂಟ್ ಹಾಕುವುದನ್ನೇ ಮರೆತು ಬಿಟ್ಟಿದ್ದಾರೆ ಅಂತ ನನಗನ್ನಿಸುತ್ತೆ." ಇನ್ನೊಬ್ಬರು " ಮೇಲೆ ಪೂರ್ತಿ ಕವರ್ ಆಗಿದೆ. ಕೆಳಗೆ ಮಾತ್ರ ಖಾಲಿ." ಅಂತ ಕಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು " ರಶ್ಮಿಕಾ ಮಂದಣ್ಣ ನಿಜವಾಗಲೂ ಸುಂದರವಾಗಿದ್ದಾರೆ." ಅಂತನೂ ರಶ್ಮಿಕಾ ಬೆಂಬಲಕ್ಕೆ ನಿಂತಿದ್ದಾರೆ.

ಬಾಲಿವುಡ್‌ನಲ್ಲಿ ರಶ್ಮಿಕಾ ಬ್ಯುಸಿ

ರಶ್ಮಿಕಾ ಮಂದಣ್ಣ ಟಾಲಿವುಡ್‌ನಲ್ಲಿ ಬ್ಯುಸಿಯಾಗಿದ್ದರೆ, ಇನ್ನೊಂದು ಕಡೆ ಬಾಲಿವುಡ್‌ನಲ್ಲಿ ನೆಲೆಯೂರಲು ಯತ್ನಿಸುತ್ತಿದ್ದಾರೆ. ಈಗಾಗಲೇ ರಶ್ಮಿಕಾ ಕೈಯಲ್ಲಿ ಎರಡು ಬಾಲಿವುಡ್ ಸಿನಿಮಾಗಳಿವೆ. ಸಿದ್ದಾರ್ಥ ಮಲ್ಹೋತ್ರಾ ಜೊತೆ ನಟಿಸುತ್ತಿರುವ 'ಮಿಷನ್ ಮಜ್ನು'. ಅಮಿತಾಬ್ ಮಗಳಾಗಿ ನಟಿಸುತ್ತಿರುವ 'ಗುಡ್ ಬೈ' ಸಿನಿಮಾ ಕೈಯಲ್ಲಿವೆ. ತೆಲುಗು ಚಿತ್ರರಂಗದಲ್ಲಿ ಯಶಸ್ಸು ಸಿಕ್ಕಂತೆ ಬಾಲಿವುಡ್‌ನಲ್ಲಿಯೂ ರಶ್ಮಿಕಾ ಸಕ್ಸಸ್ ಸಿಗುತ್ತಾ ಅನ್ನುವುದು ಇನ್ನು ಕೆಲವು ದಿನಗಳಲ್ಲಿಯೇ ಗೊತ್ತಾಗಲಿದೆ.