2022ರಲ್ಲಿ ದಕ್ಷಿಣ ಭಾರತಕ್ಕೆ ದಂಡೆತ್ತಿ ಬಂದ ಬಾಲಿವುಡ್‌ ತಾರೆಯರು: ಶೇ.90 ರಷ್ಟು ಯಶಸ್ಸು!

ಐಶ್ವರ್ಯಾ ರೈ ಬಚ್ಚನ್- ಪೊನ್ನಿಯನ್ ಸೆಲ್ವನ್

ಐಶ್ವರ್ಯಾ ರೈ ಬಚ್ಚನ್‌ಗೆ ದಕ್ಷಿಣ ಭಾರತದ ಹೊಸತೇನೂ ಅಲ್ಲ. ಇದಕ್ಕೂ ಮುನ್ನ ಐಶ್ವರ್ಯಾ ರೈ 'ಇರುವರ್' ಹಾಗೂ 'ಎಂದಿರನ್' ಸಿನಿಮಾದಲ್ಲಿ ನಟಿಸಿ ಗೆದ್ದಿದ್ದರು. ಬಹಳ ದಿನಗಳ ಬಳಿಕ ಐಶ್ವರ್ಯಾ ರೈ ಮತ್ತೆ ತಮಿಳು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು. ಅದುವೇ 'ಪೊನ್ನಿಯನ್ ಸೆಲ್ವನ್'. ನಂದಿನಿ ಹಾಗೂ ಮಂದಾಕಿನಿ ದೇವಿ ಪಾತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ 500 ಕೋಟಿ ರೂ. ಕಲೆ ಹಾಕಿತ್ತು.

ಸಲ್ಮಾನ್ ಖಾನ್ - ಗಾಡ್ ಫಾದರ್

ಬಾಲಿವುಡ್ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಇದೇ ಮೊದಲ ಬಾರಿಗೆ 'ಗಾಡ್ ಫಾದರ್' ಮೂಲಕ ದಕ್ಷಿಣ ಭಾರತಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಮಲಯಾಳಂ ರಿಮೇಕ್ 'ಲೂಸಿಫರ್' ತೆಲುಗಿಗೆ ರಿಮೇಕ್ ಆಗಿತ್ತು. ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಮೆಗಾಸ್ಟಾರ್ ಚಿರಂಜೀವಿಯ ಆತ್ಮೀಯ ಸ್ನೇಹಿತನಾಗಿ ಕಾಣಿಸಿಕೊಂಡಿದ್ದರು.

ಅಜಯ್ ದೇವಗನ್, ಆಲಿಯಾ ಭಟ್-RRR

ಬಾಲಿವುಡ್‌ನ ಇಬ್ಬರು ಸ್ಟಾರ್‌ ನಟರು ತೆಲುಗು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು. ರಾಜಮೌಳಿ ನಿರ್ದೇಶನದ RRR ಸಿನಿಮಾದಲ್ಲಿ ಅಜಯ್ ದೇವಗನ್ ಹಾಗೂ ಆಲಿಯಾ ಭಟ್ ವಿಶೇಷ ಪಾತ್ರಗಳಲ್ಲಿ ನಟಿಸಿದ್ದರು. ಇವರಿಬ್ಬರಿಗೆ ಈ ವರ್ಷ ಬಾಲಿವುಡ್ ಹಾಗೂ ದಕ್ಷಿಣ ಭಾರತದ ಸಿನಿಮಾ ಎರಡರಲ್ಲೂ ಸಕ್ಸಸ್ ಸಿಕ್ಕಿದೆ.

ಅನುಪಮ್ ಖೇರ್, ಅನನ್ಯಾ ಪಾಂಡೆ

ಟಾಲಿವುಡ್‌ಗೆ ಎಂಟ್ರಿ ಕೊಟ್ಟ ಬಾಲಿವುಡ್‌ ನಟರ ಸಾಲಿನಲ್ಲಿ ಇನ್ನಿಬ್ಬರು ತೆಲುಗು ನಟರೆಂದರೆ, ಅನುಪಮ್ ಖೇರ್ ಹಾಗೂ ಅನನ್ಯಾ ಪಾಂಡೆ. ಈ ವರ್ಷ ಸರ್ಪ್ರೈಸ್ ಹಿಟ್ ಕೊಟ್ಟ 'ಕಾರ್ತಿಕೇಯ 2' ಸಿನಿಮಾದಲ್ಲಿ ಅನುಪಮ್‌ ಖೇರ್ ನಟಿಸಿದ್ರೆ, 'ಲೈಗರ್' ಸಿನಿಮಾದಲ್ಲಿ ಅನನ್ಯಾ ಪಾಂಡೆ ಪ್ರಮುಖ ಪಾತ್ರದಲ್ಲಿ ಕಂಡಿದ್ದರು. ಆದರೆ, ಅನನ್ಯಾ ಪಾಂಡೆಗೆ ಯಶಸ್ಸು ಸಿಗಲಿಲ್ಲ.

ಕನ್ನಡಕ್ಕೂ ಬಂದ ಬಾಲಿವುಡ್ ನಟರು

ಬಾಲಿವುಡ್ ನಟರು ಸ್ಯಾಂಡಲ್‌ವುಡ್‌ಗೂ ಎಂಟ್ರಿ ಕೊಟ್ಟಿದ್ದಾರೆ. 2022ರಲ್ಲಿ ಅತೀ ಹೆಚ್ಚು ಗಳಿಕೆ ಕಂಡ ಸಿನಿಮಾ 'ಕೆಜಿಎಫ್ 2' ಮೂಲಕ ಕನ್ನಡ ಸಿನಿಮಾಗೆ ಸಂಜಯ್ ದತ್ ಎಂಟ್ರಿ ಕೊಟ್ಟಿದ್ದರು. ಅಧೀರನಾಗಿ ಸಂಜಯ್ ದತ್ ಕನ್ನಡಿಗರ ಮನಗೆದ್ದಿದ್ದರು. ಇವರೊಂದಿಗೆ ಬಾಲಿವುಡ್ ನಟಿ ರವೀನಾ ಟಂಡನ್ ಬಹಳ ದಿನಗಳ ಬಳಿಕ 'ಕೆಜಿಎಫ್ 2' ಸಿನಿಮಾ ಮೂಲಕ ಕನ್ನಡಕ್ಕೆ ಬಂದಿದ್ದರು.

ವಿವೇಕ್ ಓಬೆರಾಯ್, ಹುಮಾ ಖುರೇಶಿ

ಈ ವರ್ಷ ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಕಾಣಿಸಿಕೊಂಡ ಮತ್ತಿಬ್ಬರು ಬಾಲಿವುಡ್ ನಟರೆಂದರೆ, ವಿವೇಕ್ ಓಬೆರಾಯ್ ಹಾಗೂ ಹುಮಾ ಖರೇಶಿ. ಪೃಥ್ವಿರಾಜ್ ಸುಕುಮಾರ್ ಸಿನಿಮಾ 'ಕಡುವ'ದಲ್ಲಿ ವಿವೇಕ್ ಓಬೆರಾಯ್ ನೆಗೆಟಿವ್ ಶೇಡ್‌ನಲ್ಲಿ ಕಾಣಿಸಿಕೊಂಡಿದ್ದರು. ಇದರೊಂದಿಗೆ ಬಾಲಿವುಡ್ ನಟಿ ಹುಮಾ ಖುರೇಶಿ ಕಾಲಿವುಡ್ ಸೂಪರ್‌ಸ್ಟಾರ್‌ ಅಜಿತ್ ಕುಮಾರ್ ಸಿನಿಮಾ 'ವಲಿಮೈ'ನಲ್ಲೂ ನಟಿಸಿದ್ದಾರೆ. ಈ ಅನನ್ಯಾ ಪಾಂಡೆ ಬಿಟ್ಟು ಉಳಿದ ಎಲ್ಲಾ ಬಾಲಿವುಡ್ ನಟನಟಿಯರಿಗೆ ಸಕ್ಸಸ್ ಸಿಕ್ಕಿದೆ.