ಖದೀಮರಿಗೆ ಕಾನೂನು ಕ್ರಮದ ಎಚ್ಚರಿಕೆ ನೀಡಿದ ಸಲ್ಮಾನ್ ಖಾನ್

ಸುಳ್ಳು ಸಂದೇಶ ನಂಬಬೇಡಿ

'ನಾನು ಅಥವಾ ಸಲ್ಮಾನ್ ಖಾನ್ ಫಿಲಂಸ್ ಪ್ರಸ್ತುತ ಯಾವುದೇ ಚಿತ್ರಕ್ಕೆ ಆಡಿಷನ್ ಮಾಡುತ್ತಿಲ್ಲ ಎಂಬುದನ್ನು ಸ್ಪಷ್ಟಪಡಿಸುತ್ತೇನೆ. ನಮ್ಮ ಮುಂದಿನ ಚಿತ್ರಕ್ಕಾಗಿ ಯಾವುದೇ ಕ್ಯಾಸ್ಟಿಂಗ್ ಏಜೆಂಟ್‌ಅನ್ನು ನೇಮಿಸಿಕೊಂಡಿಲ್ಲ. ಈ ಉದ್ದೇಶವನ್ನು ಹೇಳಿಕೊಳ್ಳುವ ಯಾವುದೇ ಇಮೇಲ್ ಅಥವಾ ಮೆಸೇಜ್‌ಗಳನ್ನು ನಂಬಬೇಡಿ' ಎಂದು ಸಲ್ಮಾನ್ ಖಾನ್ ಹೇಳಿದ್ದಾರೆ.

ಕ್ರಮ ಕೈಗೊಳ್ಳುವ ಎಚ್ಚರಿಕೆ

'ಸಲ್ಮಾನ್ ಖಾನ್ ಫಿಲಂಸ್ ಅಥವಾ ನನ್ನ ಹೆಸರನ್ನು ಯಾವುದೇ ರೀತಿಯ ಅನಧಿಕೃತ ರೀತಿಯಲ್ಲಿ ದುರ್ಬಳಕೆ ಮಾಡಿಕೊಂಡರೆ ಅವರ ವಿರುದ್ಧ ಕಾನೂನು ಕ್ರಮ ತೆಗೆದುಕೊಳ್ಳಲಾಗುವುದು' ಎಂದು ಸಲ್ಮಾನ್ ಖಾನ್ ಎಚ್ಚರಿಕೆ ನೀಡಿದ್ದಾರೆ.

ಲಾಕ್ ಡೌನ್‌ನಿಂದ ಫಾರ್ಮ್ ಹೌಸ್‌ನಲ್ಲಿ

ದೇಶವ್ಯಾಪಿ ಲಾಕ್ ಡೌನ್ ಘೋಷಣೆಯಾದ ಸಮಯದಲ್ಲಿ ಸಲ್ಮಾನ್ ಖಾನ್ ಪಾನ್ವೆಲ್ ಫಾರ್ಮ್ ಹೌಸ್‌ನಲ್ಲಿ ತಮ್ಮ ಕುಟುಂಬದ ಸದಸ್ಯರು ಹಾಗೂ ಆತ್ಮೀಯ ಸ್ನೇಹಿತರ ಜತೆಗೆ ಕಾಲ ಕಳೆಯುತ್ತಿದ್ದರು. ಅಂದಿನಿಂದಲೂ ಅವರೆಲ್ಲರೂ ಅಲ್ಲಿಯೇ ಇದ್ದಾರೆ.

ಮುಂಬೈಗೆ ಬಂದಿಲ್ಲ ಸಲ್ಲು

ಸಲ್ಮಾನ್ ಖಾನ್ ಬುಧವಾರ ಫಾರ್ಮ್ ಹೌಸ್‌ನಿಂದ ಮುಂಬೈಗೆ ಮರಳಿದ್ದು, ತಮ್ಮ ಪೋಷಕರ ಜತೆಗೆ ಸಮಯ ಕಳೆಯಲು ಬಯಸಿದ್ದಾರೆ ಎನ್ನಲಾಗಿತ್ತು. ಆದರೆ ಅವರಿಗೆ ಆಪ್ತರಾಗಿರುವ ಮೂಲಗಳು ಈ ವರದಿಗಳನ್ನು ನಿರಾಕರಿಸಿವೆ. ಸಲ್ಮಾನ್ ಇನ್ನೂ ಫಾರ್ಮ್ ಹೌಸ್‌ನಲ್ಲಿಯೇ ಇದ್ದಾರೆ ಎಂದು ತಿಳಿಸಿವೆ.