ದಾಖಲೆಗಳ ಮೇಲೆ ದಾಖಲೆ ಬರೆದ ಶಾರುಖ್ ಖಾನ್ ಸಿನಿಮಾ 'ಪಠಾಣ್': 3 ಮೂರು ದಿನಗಳ ಕಲೆಕ್ಷನ್ ಎಷ್ಟು?

3 ದಿನಗಳ ಬಾಕ್ಸಾಫೀಸ್‌ ಕಲೆಕ್ಷನ್ ಎಷ್ಟು?

ಶಾರುಖ್ ಖಾನ್ ಸಿನಿಮಾ 'ಪಠಾಣ್' ಮೊದಲ ದಿನದಿಂದಲೇ ಬಾಕ್ಸಾಫೀಸ್‌ನಲ್ಲಿ ಜೋರಾಗಿಯೇ ಕಲೆಕ್ಷನ್ ಮಾಡುತ್ತಿದೆ. ಚಿತ್ರರಂಗಕ್ಕೆ ಕಿಂಗ್ ಖಾನ್ ಮತ್ತೆ ಕಮ್‌ಬ್ಯಾಕ್ ಮಾಡಿದ್ದು, ಕಳೆದ ಮೂರು ದಿನಗಳಲ್ಲಿ 300 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡಿದೆ. ಟ್ರೇಡ್ ಎಕ್ಸ್‌ಪರ್ಟ್‌ಗಳ ಪ್ರಕಾರ 'ಪಠಾಣ್' ಬಾಕ್ಸಾಫೀಸ್‌ನಲ್ಲಿ ವಿಶ್ವದಾದ್ಯಂತ ಸುಮಾರು 313 ಕೋಟಿ ರೂ. ಕಲೆ ಹಾಕಿದೆ. ಭಾರತದಲ್ಲಿ 201 ಕೋಟಿ ರೂ. ಗಳಿಕೆ ಕಂಡಿದೆ. ಮೂರನೇ ದಿನ ಕೇವಲ ಹಿಂದಿ ಅವತರಣಿಕೆಯಲ್ಲೇ 38 ಕೋಟಿ ರೂ. ಕಲೆಕ್ಷನ್ ಮಾಡಿದೆ.

'ಪಠಾಣ್' ವೀಕೆಂಡ್ ಕಲೆಕ್ಷನ್ ಏನು?

'ಪಠಾಣ್' ಸಿನಿಮಾ ಭಾರತದಲ್ಲಷ್ಟೇ ಅಲ್ಲ, ವಿದೇಶದಲ್ಲಿಯೂ ಸಿನಿಮಾದ ಕಲೆಕ್ಷನ್ ಜೋರಾಗಿದೆ. ಓವರ್‌ಸೀಸ್‌ನಲ್ಲಿ ಸುಮಾರು 112 ಕೋಟಿ ರೂ. ಗಳಿಕೆ ಕಂಡಿದೆ. ಇನ್ನು ಕೆಲವು ದಿನಗಳಲ್ಲೂ ಸುಮಾರು 500 ಕೋಟಿ ರೂ. ಕಲೆಕ್ಷನ್ ಮಾಡಬಹುದು ಎಂದು ಟ್ರೇಡ್ ಅನಲಿಸ್ಟ್‌ಗಳು ಲೆಕ್ಕಾಚಾರ ಹಾಕಲಾಗಿದೆ. ಅಲ್ಲದೆ ಶನಿವಾರ, ಭಾನುವಾರ 40 ರಿಂದ 45 ಕೋಟಿ ರೂ. ಕಲೆಕ್ಷನ್ ಮಾಡಬಹುದು ಲೆಕ್ಕಾಚಾರ ಹಾಕಲಾಗಿದೆ. ಈ ಮೂಲಕ 'ಬಾಹುಬಲಿ 2' ಹಿಂದಿ ವರ್ಷನ್ 512 ಕೋಟಿ ರೂ. ಕಲೆ ಹಾಕಿತ್ತು. ಈ ದಾಖಲೆಯನ್ನು ಮುರಿಯ ಬಹುದು ಎಂದು ಲೆಕ್ಕಾಚಾರ ಹಾಕಲಾಗಿದೆ.

ತೆಲುಗು–ತಮಿಳಿನಲ್ಲಿ ಕಲೆಕ್ಷನ್ ಎಷ್ಟು?

'ಪಠಾಣ್' ಮೂರನೇ ದಿನ ಸುಮಾರು 38 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಈ ಸಿನಿಮಾವನ್ನು ತೆಲುಗು ಹಾಗೂ ತಮಿಳು ಭಾಷೆಗಳಿ ಡಬ್ ಮಾಡಿ ರಿಲೀಸ್ ಆಗಿತ್ತು. ಈ ಎರಡೂ ಭಾಷೆಗಳಿಂದ ಮೂರು ದಿನಗಳಲ್ಲಿ ಸುಮಾರು 5.75 ಕೋಟಿ ರೂ. ಗಳಿಕೆ ಕಂಡಿದೆ. ಈ ಮೂಲಕ ಕೇವಲ ಹಿಂದಿ ವರ್ಷನ್‌ನಲ್ಲೇ ಸುಮಾರು 161 ಕೋಟಿ ದಾಖಲೆ ಗಳಿಸಿದೆ. ಈ ಸಕ್ಸಸ್ ನೋಡುವುದಕ್ಕೆ ಬಾಲಿವುಡ್ ಹಲವು ವರ್ಷಗಳಿಂದ ಎದುರು ನೋಡುತ್ತಿತ್ತು.

'ಪಠಾಣ್' ಬರೆದ ದಾಖಲೆಗಳೇನು?

'ಪಠಾಣ್' ಸಿನಿಮಾ ಎರಡು ದಿನಗಳಲ್ಲಿ 100 ಕೋಟಿ ರೂ. ಕಲೆ ಹಾಕಿದೆ. ಇದರ ಜೊತೆಗೆ ಮೊದಲ ದಿನವೇ ಒಡಿಶಾದಲ್ಲಿ ಒಂದು ಕೋಟಿ ರೂ. ಕಲೆ ಹಾಕಿತ್ತು. ಅಸ್ಸಾಂ, ಕೇರಳಾದಲ್ಲೂ ಒಂದು ಕೋಟಿ ರೂ. ಲೂಟಿ ಮಾಡಿದೆ. ಹಾಗೇ ಪಶ್ಚಿಮ ಬಂಗಾಳದಲ್ಲಿ ಸುಮಾರು 4 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಇದು ಬಾಲಿವುಡ್‌ ಮಂದಿಗೆ ನಿರಾಳತೆ ಮೂಡಿದೆ.