ಕಿಂಗ್ ಖಾನ್ ಶಾರುಖ್ 'ಜೀರೋ' ವಿರುದ್ಧ ಕ್ರಿಮಿನಲ್ ಕೇಸ್

ದೂರು ನೀಡಿದವರು ಯಾರು?

ದೆಹಲಿ ಸಿಖ್ ಗುರುದ್ವಾರ ನಿರ್ವಹಣಾ ಸಮಿತಿ(ಡಿಎಸ್ ಜಿಎಂಸಿ) ಪ್ರಧಾನ ಕಾರ್ಯದರ್ಶಿ, ಅಕಾಲಿ ದಳದ ಶಾಸಕ ಮಂಜೀಂದರ್ ಸಿಂಗ್ ಸಿರ್ಸಾ ಅವರು ನಟ ಶಾರುಖ್ ಖಾನ್, ನಿರ್ದೇಶಕ ಆನಂದ್ ರಿ ಸೇರಿದಂತೆ ಚಿತ್ರ ತಂಡದ ವಿರುದ್ಧ ದೂರು ನೀಡಿದ್ದಾರೆ, ಸಿಖ್ ಧಾರ್ಮಿಕ ಭಾವನೆಗೆ ಧಕ್ಕೆ, ಸಿಖ್ ಪವಿತ್ರ ಕಿರ್ಪಾನ್ ದುರ್ಬಳಕೆ ಎಂದು ದೂರು ನೀಡಿದ್ದಾರೆ.

ಯಾವ ಠಾಣೆಯಲ್ಲಿ ದೂರು ದಾಖಲು?

ದೆಹಲಿಯ ನಾಥ್ ಅವಿನ್ಯೂ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಈ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ನಟ ಶಾರುಖ್ ಖಾನ್, ನಿರ್ದೇಶಕ ಆನಂದ್ ರೈ ಅವರಿಗೆ ಈ ಆಕ್ಷೇಪಾರ್ಹ ದೃಶ್ಯದ ಬಗ್ಗೆ ವಿವರಿಸಿ, ದೃಶ್ಯಕ್ಕೆ ಕತ್ತರಿ ಹಾಕುವಂತೆ ಕೋರಿ ಪತ್ರ ಬರೆದಿದ್ದೇನೆ. ಕಿರ್ಪಾನ್ ಅನ್ನು ಸಾಮಾನ್ಯ ಕತ್ತಿಯಂತೆ ಬಳಸಲಾಗಿದೆ. ಈ ಬಗ್ಗೆ ದುರು ನೀಡಿದ್ದೇನೆ. ಸಿಖ್ ಸಮುದಾಯಕ್ಕೆ ನೋವುಂಟಾಗಿದೆ ಎಂದಿದ್ದಾರೆ.

ವಿವಾದಕ್ಕೆ ಕಾರಣವಾದ ಪೋಸ್ಟರ್

ಪೋಸ್ಟರ್ ನಲ್ಲಿ ಏನಿದೆ?: ರಸ್ತೆಯೊಂದರಲ್ಲಿ ಬನಿಯನ್, ಚಡ್ಡಿಯಲ್ಲಿ ಕಾಣಿಸಿಕೊಂಡಿರುವ ಶಾರುಖ್ ಖಾನ್ ಅವರ ಕೊರಳಿಗೆ ದುಡ್ಡಿನ ಹಾರ ಹಾಕಲಾಗಿದೆ. ಜೊತೆಗೆ ಕಿರ್ಪಾನ್(ಪವಿತ್ರ ಕತ್ತಿ) ಧರಿಸಿದ್ದಾರೆ. ಎಡಗೈ ಕತ್ತಿಯ ಹಿಡಿಕೆ ಮೇಲಿದೆ. ಈ ಪೋಸ್ಟರ್ ನಲ್ಲಿ ಶಾರುಖ್ ಖಾನ್ ಅವರು ಹಾಸ್ಯದ ಮೂಡ್ ನಲ್ಲಿದ್ದಾರೆ. ಇದು ಇನ್ನೊಂದು ಅಂಶವಾಗಿದ್ದು, ಸಿಖ್ ಸಮುದಾಯವನ್ನು ಕೀಳಾಗಿ ಕಾಣುವಂತಾಗಿದೆ ಎಂದು ದೂರಿದ್ದಾರೆ.

ಶಾರುಖ್ ಅವರ ವಿಶೇಷ ಚಿತ್ರ

ಕುಬ್ಜನಾಗಿ ಶಾರುಖ್ ಖಾನ್, ಚಲನೆ ರಹಿತರಾಗಿ ವ್ಹೀಲ್ ಚೇರ್ ನಲ್ಲಿ ಕುಳಿತು, ಯಂತ್ರದ ಸಹಾಯದಿಂದ ಮಾತುಕತೆ, ಕಷ್ಟಪಟ್ಟು ನಡಿಗೆ ಹೊಂದಿರುವ ಯುವತಿಯಾಗಿ ಅನುಷ್ಕಾ ಶರ್ಮ ಕಾಣಿಸಿಕೊಂಡಿದ್ದಾರೆ. ಕತ್ರೀನಾ ಕೈಫ್ ಸ್ಟಾರ್ ನಟಿಯಾಗಿದ್ದಾರೆ.

ಶ್ರೀದೇವಿ, ರಾಣಿ ಮುಖರ್ಜಿ, ಕಾಜೋಲ್, ಆಲಿಯಾ ಭಟ್, ಅಭಯ್ ಡಿಯೋಲ್, ಆರ್ ಮಾಧವನ್, ದೀಪಿಕಾ ಪಡುಕೋಣೆ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಡಿಸೆಂಬರ್ 21ರಂದು ತೆರೆಗೆ ಬರಲಿದೆ.