ನಾನು 'ಮಿಸೆಸ್ ಇಂಡಿಯಾ' ಎಂದು 'ಅದೃಶ್ಯ'ರಾದ ಸನ್ನಿ ಲಿಯೋನ್: ವೈರಲ್ ವಿಡಿಯೋ

ಸನ್ನಿ ಮ್ಯಾಜಿಕ್

ಹೂಲಾ ಹೂಪ್‌ನಿಂದ ಸನ್ನಿ ಲಿಯೋನ್ ಅವರ ದೇಹದ ಒಂದು ಭಾಗ ಕಣ್ಮರೆಯಾದಂತೆ ಕಾಣಿಸುತ್ತದೆ. ಬಿಳಿ ಮತ್ತು ಹಳದ ಬಣ್ಣದ ಇಟ್ಟಿಗೆಗಳಿರುವ ಗೋಡೆಯ ಹಿನ್ನೆಲೆಯಲ್ಲಿ ಸನ್ನಿ ಈ ಟ್ರಿಕ್ ಮಾಡಿದ್ದಾರೆ. ಇದರಿಂದ ಸನ್ನಿ ಮ್ಯಾಜಿಕ್ ಮಾಡಿ ತಮ್ಮ ಅರ್ಧ ದೇಹವನ್ನು ಅಗೋಚರವಾಗಿಸಿದ್ದಂತೆ ಕಾಣಿಸುತ್ತದೆ.

ರಿಂಗ್ ಹಿಡಿದು ಸನ್ನಿ ಅದೃಶ್ಯ

'ಮಿಸ್ಟರ್ ಇಂಡಿಯಾ' ಸಿನಿಮಾದಲ್ಲಿ ನಟ ಅನಿಲ್ ಕಪೂರ್, ಅಗೋಚರವಾಗಲು ಕೈಗೆ ಚಿನ್ನದ ವಾಚ್ ಧರಿಸುತ್ತಿದ್ದ ದೃಶ್ಯ ನಿಮಗೆ ನೆನಪಿರಬಹುದು. ಅದೇ ರೀತಿ ಸನ್ನಿ, ರಿಂಗ್ ಹಿಡಿದು ಅದೃಶ್ಯರಾಗುತ್ತಾರೆ. ಅದಕ್ಕಾಗಿಯೇ ತಮ್ಮನ್ನು 'ಮಿಸೆಸ್ ಇಂಡಿಯಾ' ಎಂದು ಕರೆದುಕೊಂಡಿದ್ದಾರೆ.

ನನಗೆ ವಾಚ್ ಬೇಕಾಗಿಲ್ಲ

'ಬಹುಶಃ ನಾನು ಅದೃಶ್ಯಳಾಗಲು ನನಗೆ ಇನ್ನು ವಾಚ್‌ನ ಅಗತ್ಯ ಇರುವುದಿಲ್ಲ' ಎಂದು ಸನ್ನಿ ಲಿಯೋನ್ ತಮ್ಮ ವಿಡಿಯೋದ ಜತೆ ಹೇಳಿಕೊಂಡಿದ್ದಾರೆ. ಅದಕ್ಕೆ ಹಿಂದಿ ಸಿನಿಮಾಗಳ ಜನಪ್ರಿಯ ಡೈಲಾಗ್‌ಗಳನ್ನೂ ಹ್ಯಾಷ್‌ ಟ್ಯಾಗ್‌ನಲ್ಲಿ ಸೇರಿಸಿದ್ದಾರೆ. 'ಝಕಾಸ್', 'ಮೊಗ್ಯಾಂಬೋ ಖುಷ್ ಹೋಗಾ ಕ್ಯಾ' ಎಂದು ಬರೆದಿದ್ದಾರೆ.

13.57 ಲಕ್ಷ ವೀಕ್ಷಣೆ

ಈ ವಿಡಿಯೋವನ್ನು ಅವರು ಹಂಚಿಕೊಂಡ ಒಂದು ಗಂಟೆಯೊಳಗೇ 2.5 ಲಕ್ಷ ಮಂದಿ ವೀಕ್ಷಿಸಿದ್ದರು. ಎರಡು ದಿನದಲ್ಲಿ ಈ ವಿಡಿಯೋವನ್ನು ಇನ್‌ ಸ್ಟಾಗ್ರಾಂನಲ್ಲಿ 13.57 ಲಕ್ಷ ಬಾರಿ ವೀಕ್ಷಿಸಲಾಗಿದೆ. ಸಾವಿರಾರು ಅಭಿಮಾನಿಗಳು ಸನ್ನಿಯ ಅದೃಶ್ಯ ವಿಡಿಯೋವನ್ನು ಮೆಚ್ಚಿಕೊಂಡು ಕಾಮೆಂಟ್ ಹಾಕಿದ್ದಾರೆ.

ರೀಮೇಡ್ ಘೋಷಣೆಯಿಂದ ವಿವಾದ

1987ರಲ್ಲಿ ಬಿಡುಗಡೆಯಾಗಿದ್ದ ಮಿಸ್ಟರ್ ಇಂಡಿಯಾ ಚಿತ್ರದಲ್ಲಿ ಅನಿಲ್ ಕಪೂರ್, ಶ್ರೀದೇವಿ, ಅಮರೀಶ್ ಪುರಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಶೇಖರ್ ಕಪೂರ್ ನಿರ್ದೇಶನ ಮಾಡಿದ್ದರು. ಈ ಸಿನಿಮಾವನ್ನು ರೀಮೇಡ್ ಮಾಡುವುದಾಗಿ ಅಲಿ ಅಬ್ಬಾಸ್ ಜಫರ್ ಘೋಷಿಸಿದ್ದು ವಿವಾದ ಸೃಷ್ಟಿಸಿತ್ತು. ಈ ಘೋಷಣೆ ಮಾಡುವ ಮುನ್ನ ತಮ್ಮನ್ನು ಸಂಪರ್ಕಿಸಿಯೂ ಇಲ್ಲ ಎಂದು ಶೇಖರ್ ಕಪೂರ್ ಅಸಮಾಧಾನ ವ್ಯಕ್ತಪಡಿಸಿದ್ದರು.