ಎಂದಿಗೂ ಹೋರಾಡುವುದನ್ನು ನಿಲ್ಲಿಸಬಾರದು ಎಂದಿದ್ದರು ಸುಶಾಂತ್

ಫೀಲ್ ಮಾಡುವುದನ್ನು ಕಲಿಸಲಾಗದು

ಬಹುತೇಕ ಪ್ರತಿಯೊಬ್ಬರೂ ಯೋಚಿಸಲು ಅಥವಾ ನಂಬಲು ಅಥವಾ ತಿಳಿಯುವುದನ್ನು ಕಲಿಯಬಹುದು. ಆದರೆ ಒಬ್ಬರೇ ಒಬ್ಬ ಮನುಷ್ಯನಿಗೆ ಹೇಗೆ ಫೀಲ್ ಮಾಡಬಹುದು ಎಂದು ಕಲಿಸಲು ಸಾಧ್ಯವಿಲ್ಲ. ಏಕೆ? ಎಂದು ಸುಶಾಂತ್ ಬರಹ ಆರಂಭಿಸಿದ್ದರು.

ನೀವು ನೀವಾಗುತ್ತೀರಿ

ಏಕೆಂದರೆ ನೀವು ಯೋಚಿಸಿದಾಗಲೆಲ್ಲಾ ಅಥವಾ ನೀವು ನಂಬಿಕೊಂಡಾಗಲೆಲ್ಲ ಅಥವಾ ನೀವು ತಿಳಿದಾಗಲೆಲ್ಲಾ ನೀವು ಅನೇಕ ಜನರಲ್ಲಿ ಒಬ್ಬರಾಗಿರುತ್ತೀರಿ. ಆದರೆ ನೀವು ಫೀಲ್ ಮಾಡಿದ ಗಳಿಗೆಯಲ್ಲಿ ನೀವು ಯಾರೂ ಆಗಿರುವುದಿಲ್ಲ, ಆದರೆ ನೀವಾಗಿರುತ್ತೀರಿ.

ಹೋರಾಡುವುದನ್ನು ನಿಲ್ಲಿಸಬಾರದು

ಬೇರೆ ಯಾರೋ ಆಗಿರದೆ ನೀವು ನೀವಾಗಿರಲು-ಪ್ರತಿಯೊಬ್ಬರಂತೆ ನಿಮ್ಮನ್ನೂ ಮಾಡಲು ಹಗಲು ರಾತ್ರಿ ತನ್ನ ಸಾಧ್ಯವಾದುದ್ದನ್ನು ಮಾಡುತ್ತಿರುವ ಜಗತ್ತಿನಲ್ಲಿ - ಅಂದರೆ ಯಾವುದೇ ಮನುಷ್ಯ ತನ್ನಿಂದ ಹೋರಾಡಲು ಸಾಧ್ಯವಾದ ಅತ್ಯಂತ ಕಠಿಣ ಯುದ್ಧದಲ್ಲಿ ಹೋರಾಡಬೇಕು ಮತ್ತು ಹೋರಾಡುವುದನ್ನು ನಿಲ್ಲಿಸಬಾರದು ಎಂದು ಸುಶಾಂತ್ ಏಪ್ರಿಲ್‌ನಲ್ಲಿ ಸುದೀರ್ಘ ಟಿಪ್ಪಣಿ ಬರೆದುಕೊಂಡಿದ್ದರು.

ನಟರಿಗೆ ಸಂತಾಪ ಕೋರಿದ್ದರು

ಕಳೆದೆರಡು ತಿಂಗಳಲ್ಲಿ ಬಾಲಿವುಡ್‌ಅನ್ನು ಶೋಕಸಾಗರದಲ್ಲಿ ಮುಳುಗಿಸಿದ್ದು ಇರ್ಫಾನ್ ಖಾನ್ ಮತ್ತು ರಿಷಿ ಕಪೂರ್ ಅವರ ಸಾವು. ಇರ್ಫಾನ್ ಖಾನ್ ನಿಧನರಾದಾಗ 'ಸರ್ ನೀವು ಬಹಳ ನೆನಪಿಗೆ ಬರುತ್ತಿದ್ದೀರಿ' ಎಂದು ಸುಶಾಂತ್ ಬರೆದುಕೊಂಡಿದ್ದರು. ರಿಷಿ ಕಪೂರ್ ಅವರ ಫೋಟೊ ಹಾಕಿ ಹೃದಯದ ಸಂಕೇತ ಪ್ರಕಟಿಸಿ ಕೈ ಮುಗಿದಿದ್ದರು. ಈಗ ಸುಶಾಂತ್ ಅವರ ಎಲ್ಲ ಹಳೆ ಪೋಸ್ಟ್‌ಗಳಿಗೂ ಅಭಿಮಾನಿಗಳು ಸಂತಾಪದ ಕಾಮೆಂಟ್ ಹಾಕುತ್ತಿದ್ದಾರೆ.