'ಅಪ್ಪ ಅಮ್ಮ ಒಪ್ಪಲಿಲ್ಲ ಅಂದ್ರೆ ಅಷ್ಟೇ...': ಬಾಯ್‌ ಫ್ರೆಂಡ್‌ಗೆ ಕೈ ಕೊಡ್ತಾರಾ ತಾಪ್ಸಿ?

ಪ್ರಚಾರಕ್ಕಾಗಿ ಹೇಳುತ್ತಿಲ್ಲ

'ನಾನು ಯಾರಿಂದಲೂ ಏನನ್ನೂ ಮುಚ್ಚಿಡಲು ಬಯಸುವುದಿಲ್ಲ. ನನ್ನ ಜೀವನದಲ್ಲಿ ಬೇರೊಬ್ಬರ ಹಾಜರಿಯನ್ನು ಒಪ್ಪಿಕೊಳ್ಳುವುದಕ್ಕೆ ನನಗೆ ಬಹಳ ಹೆಮ್ಮೆ ಇದೆ. ಆದರೆ ಅದೇ ವೇಳೆ ನಾನು ಅದನ್ನು ಹೆಡ್ಲೈನ್ಸ್‌ಗಾಗಿ ಹೇಳುತ್ತಿಲ್ಲ. ಏಕೆಂದರೆ ಅದು ನಟಿಯಾಗಿ ಮತ್ತು ಇಷ್ಟು ವರ್ಷ ಕಷ್ಟಪಟ್ಟು ಸಂಪಾದಿಸಿದ ನನ್ನ ವಿಶ್ವಾಸಾರ್ಹತೆಯನ್ನು ಕಿತ್ತುಕೊಳ್ಳುತ್ತದೆ. ಹೀಗಾಗಿ ಪ್ರಚಾರಕ್ಕಾಗಿ ನಾನು ಅದನ್ನು ಬಳಸಿಕೊಳ್ಳುವುದಿಲ್ಲ' ಎಂದು ತಾಪ್ಸಿ ಹೇಳಿಕೊಂಡಿದ್ದಾರೆ.

ಮನೆಯವರೆಲ್ಲರೂ ಇಷ್ಟಪಟ್ಟಿದ್ದಾರೆ

'ನನ್ನ ಬದುಕಿನಲ್ಲಿ ಒಬ್ಬರು ಇದ್ದಾರೆ ಮತ್ತು ಅದು ನನ್ನ ಕುಟುಂಬಕ್ಕೂ ತಿಳಿದಿದೆ. ನಾನು ಯಾವ ವ್ಯಕ್ತಿಯ ಜತೆ ಇದ್ದೆನೋ ಆ ವ್ಯಕ್ತಿಯನ್ನು ಸಹೋದರಿ, ಅಪ್ಪ-ಅಮ್ಮ ಸೇರಿದಂತೆ ಕುಟುಂಬದ ಎಲ್ಲರೂ ಇಷ್ಟಪಟ್ಟಿದ್ದಾರೆ. ಇದು ನನಗೆ ಬಹಳ ಮುಖ್ಯ. ಇಲ್ಲದಿದ್ದರೆ ಇದರಲ್ಲಿ ನಾನು ಮುಂದುವರಿಯಲು ಆಗುತ್ತಿರಲಿಲ್ಲ'.

ಒಪ್ಪಿಕೊಳ್ಳದಿದ್ದರೆ ಕಷ್ಟ

'ಅದರ ಬಗ್ಗೆ ನಾನು ಯಾವಾಗಲೂ ತಮಾಷೆ ಮಾಡುತ್ತಾ ಹೇಳುತ್ತಿರುತ್ತೇನೆ, ಒಂದು ವೇಳೆ ಅಪ್ಪ-ಅಮ್ಮ ಒಪ್ಪಿಕೊಳ್ಳದೇ ಇದ್ದರೆ ಈ ಸಂಬಂಧ ಭವಿಷ್ಯದಲ್ಲಿ ಮುಂದುವರಿಯುವುದು ಕಷ್ಟ' ಎಂದು ತಾಪ್ಸಿ ಹೇಳಿದ್ದಾರೆ.

ತಾಪ್ಸಿ ಅಮ್ಮನಿಗೂ ಹುಡುಗ ಇಷ್ಟ

ಮಗಳ ಆಯ್ಕೆಯನ್ನು ಅಮ್ಮ ಕೂಡ ಮೆಚ್ಚಿಕೊಂಡಿದ್ದಾರೆ. 'ಆಕೆಯನ್ನು ಸಂಪೂರ್ಣವಾಗಿ ನಂಬಿದ್ದೇನೆ. ಆಕೆ ತನಗಾಗಿ ಯಾವ ಆಯ್ಕೆ ಮಾಡಿಕೊಂಡಾಗಲೂ ನಮಗೆ ಆ ನಿರ್ಧಾರ ಒಪ್ಪಿಗೆಯಾಗಿದೆ. ನಾವು ಆಕೆಯನ್ನು ಬೆಂಬಲಿಸಿದ್ದೇವೆ' ಎಂದು ತಿಳಿಸಿದ್ದಾರೆ.