"ಆಕೆ ಗರ್ಭಿಣಿ ಅನ್ನೋದೆಲ್ಲ ಸುಳ್ಳು"; ದೀಪಿಕಾ 'ಬೇಬಿ ಬಂಪ್ ಫೇಕ್' ಎಂದವರಿಗೆ ಆಲಿಯಾ ತಿರುಗೇಟು

ಬಾಲಿವುಡ್‌ನ ಮೋಸ್ಟ್ ಹೈಪರ್ ಆಕ್ಟಿವ್ ಕಪಲ್ ದೀಪಿಕಾ ಪಡುಕೋಣೆ ಹಾಗೂ ರಣ್‌ವೀರ್ ಸಿಂಗ್. ಹಲವು ವರ್ಷಗಳ ಕಾಲ ಡೇಟ್ ಮಾಡಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದ ಈ ಜೋಡಿ ತಮ್ಮ ಬದುಕಿನ ಸಂಭ್ರಮ ಕ್ಷಣಗಳನ್ನು ಎದುರು ನೋಡುತ್ತಿದೆ.

ಹೌದು, ದೀಪಿಕಾ ಪಡುಕೋಣೆ ಗರ್ಭಿಣಿಯಾಗಿರುವ ವಿಷಯವೇನು ರಹಸ್ಯವಾಗಿ ಉಳಿದಿಲ್ಲ. ಸ್ವತ: ಈ ಜೋಡಿನೇ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಈ ವಿಷಯವನ್ನು ಅನೌನ್ಸ್ ಮಾಡಿತ್ತು. ಇತ್ತೀಚೆಗೆ ನಡೆದ ಲೋಕಸಭೆ ಚುನಾವಣೆ ಮತದಾನದ ಸಂದರ್ಭದಲ್ಲಿ ದೀಪಿಕಾ ಪಡುಕೋಣೆ ಹಾಗೂ ರಣ್‌ವೀರ್ ಸಿಂಗ್ ಮಾಧ್ಯಮಗಳಿಗೆ ಕಾಣಿಸಿಕೊಂಡಿದ್ದರು.

ಈ ಸಂದರ್ಭದಲ್ಲಿ ದೀಪಿಕಾ ಪಡುಕೋಣೆ ಕಪ್ಟಪಟ್ಟು ನಡೆಯತ್ತಿದ್ದರು. ಈ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ದೀಪಿಕಾ ಬಿಳಿ ಬಣ್ಣದ ಶರ್ಟ್ ಹಾಗೂ ಜೀನ್ಸ್ ತೊಟ್ಟು ಮತಗಟ್ಟೆ ಇರುವ ಸ್ಥಳಕ್ಕೆ ಬಂದಿದ್ದರು. ಈ ವೇಳೆ ನಟಿಯ ಅಸಹಜ ನಡಿಗೆ ಹಾಗೂ ಬೇಬಿ ಬಂಪ್ ನೋಡಿ ನೆಟ್ಟಿಗರು ಟ್ರೋಲ್ ಮಾಡಿದ್ದರು. "ದೀಪಿಕಾ ಪಡುಕೋಣೆ ಬೇಬಿ ಬಂಪ್ ಸುಳ್ಳು" ಅಂತೆಲ್ಲ ಟೀಕೆ ಮಾಡಿದ್ದರು. ಈ ಸಂಬಂರ್ಭದಲ್ಲಿ ಆಲಿಯಾ ಭಟ್ ಸೇರಿದಂತೆ ಹಲವು ತಾರೆಯರು ದೀಪಿಕಾ ಬೆಂಬಲಕ್ಕೆ ಬಂದಿದ್ದಾರೆ.

ದೀಪಿಕಾ ಪಡುಕೋಣೆ ಬೇಬಿ ಬಂಪ್ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ನೆಗೆಟಿವ್ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ. ಈ ಕಾಮೆಂಟ್‌ಗಳ ಬಗ್ಗೆನೇ ಗಂಭೀರವಾಗಿ ಚರ್ಚೆಯಾಗುತ್ತಿದೆ. " ದೀಪಿಕಾ ಪಡುಕೋಣೆ ಗರ್ಭಿಣಿಯಾಗಿಲ್ಲ. ಸುಳ್ಳು ಹೇಳುವುದಕ್ಕೆ ನಿಲ್ಲಿಸಿ" ಎಂದು ನೆಟ್ಟಿಗರೊಬ್ಬರು ಟ್ರೋಲ್ ಮಾಡಿದ್ದಾರೆ. " ಹಾಗೇ ಇನ್ನೊಬ್ಬರು " ಯಾಕೆ ದೀಪಿಕಾ ಪಡುಕೋಣೆ" ಹೀಗೆ ನಡೆಯುತ್ತಿದ್ದಾರೆ" ಅಂತ ಟ್ರೋಲ್ ಮಾಡಿದ್ದಾರೆ.

ದೀಪಿಕಾ ಬೇಬಿ ಬಂಪ್ ಮೇಲೆ ಕಣ್ಣಿಟ್ಟಿರೋ ಟ್ರೋಲಿಗರು " ದೀಪಿಕಾ ಬೇಬಿ ಬಂಪ್ ಆ ಮಟ್ಟಿಗೆ ದೊಡ್ಡಿದಿಲ್ಲ. ಆದರೂ ಯಾಕೆ ಹೀಗೆ ನಡೆಯುತ್ತಿದ್ದಾರೆ" ಅಂತೆಲ್ಲ ಸುದ್ದಿ ಟೀಕೆ ಮಾಡಿದ್ದರು. ಇದು ಸೋಶಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದಂತೆ, ದೀಪಿಕಾ ಬೆಂಬಲಕ್ಕೆ ಬಾಲಿವುಡ್ ನಟಿ ಆಲಿಯಾ ಭಟ್ ಬಂದಿದ್ದಾರೆ. ಈ ಟ್ರೋಲ್ ಅನ್ನು ವಿರೋಧಿ ಪತ್ರಕರ್ತೆ ಫಾಯೆ ಡಿಸೋಜಾ ಪೋಸ್ಟ್ ಅನ್ನು ಲೈಕ್ ಮಾಡುವ ಮೂಲಕ ಬೆಂಬಲಿಸಿದ್ದಾರೆ.

ಆಲಿಯಾ ಬೆಂಬಲಕ್ಕೆ ನೆಟ್ಟಿಗರಿಂದ ಮೆಚ್ಚುಗೆ ಕೂಡ ವ್ಯಕ್ತವಾಗುತ್ತಿದೆ. " ಕೊನೆಗೂ ಇನ್ನೊಬ್ಬ ಮಹಿಳೆಯನ್ನು ಬೆಂಬಲಿಸುವ ಮತ್ತೊಬ್ಬ ಮಹಿಳೆಯ ನಡೆಗೆ ಅರ್ಥ ಬಂದಿದೆ. ಇಂತಹ ಪಾಸಿಟಿವ್ ಪೋಸ್ಟ್‌ಗಳನ್ನು ನೋಡುವುದಕ್ಕೆ ಖುಷಿಯಾಗುತ್ತೆ" ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ರೆ, ಮತ್ತೊಬ್ಬರು " ಆಲಿಯಾ ಇಂತಹ ದ್ವೇಷವನ್ನು ಎದುರಿಸಿದ ಬಳಿಕ ದೀಪಿಕಾಗೆ ಬೆಂಬಲಕ್ಕೆ ಬಂದಿರುವುದನ್ನು ನೋಡಬಹುದಾಗಿದೆ" ಎಂದಿದ್ದಾರೆ.

ನಟಿ ಶ್ರುತಿ ಸೇಠ್ ಕೂಡ ನಟಿಯನ್ನು ಬೆಂಬಲಿಸಿದ್ದು, " ದೀಪಿಕಾ ಪಡುಕೋಣೆ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದು, ಇಂತಹ ಅಭಿಪ್ರಾಯಗಳ ಮೇಲೆ ನಡೆಯಬೇಕಿಲ್ಲ" ಎಂದು ಹೇಳಿದ್ದಾರೆ. ಇಷ್ಟೆಲ್ಲ ಕಾಮೆಂಟ್‌ಗಳ ಮಧ್ಯೆ ದೀಪಿಕಾ ಅದೇ ಬೇಬಿ ಬಂಪ್‌ನಲ್ಲಿ ತನ್ನ ಸೌಂದರ್ಯ ವರ್ಧಕ ಉತ್ಪನ್ನಗಳ ವಿಡಿಯೋದಲ್ಲಿಯೂ ಕಾಣಿಸಿಕೊಂಡಿದ್ದಾರೆ. ಹಳದಿ ಬಣ್ಣದ ಕಾಸ್ಟ್ಯೂಮ್‌ನಲ್ಲಿ ದೀಪಿಕಾ ಪಡುಕೋಣೆ ಮಿಂಚಿದ್ದಾರೆ.