ಧುರಂಧರ್ 2 ಚಿತ್ರಕ್ಕೆ ಅನಿಲ್ ಕಪೂರ್ 'ನೋ' ಅಂದಿದ್ದೇಕೆ? ₹1300 ಕೋಟಿ ಚಿತ್ರದ ಆಫರ್ ರಿಜೆಕ್ಟ್ ಮಾಡಿದ 'ಜಕಾಸ್' ನಟ...

ಬಾಲಿವುಡ್ ನ 'ಎವರ್ಗ್ರೀನ್' ನಟ ಅನಿಲ್ ಕಪೂರ್ ಸದಾ ಸುದ್ದಿಯಲ್ಲಿರುವ ಕಲಾವಿದ. ತಮ್ಮ ಅದ್ಭುತ ನಟನೆ ಮತ್ತು ಫಿಟ್ನೆಸ್ ಮೂಲಕ ಇಂದಿಗೂ ಯುವ ನಟರಿಗೆ ಪೈಪೋಟಿ ನೀಡುತ್ತಾರೆ. ಇತ್ತೀಚೆಗೆ ಅವರು ತಮ್ಮ ವೃತ್ತಿಜೀವನದ ಒಂದು ಪ್ರಮುಖ ನಿರ್ಧಾರದ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದಾರೆ.

ನಿರ್ದೇಶಕ ಆದಿತ್ಯ ಧರ್ ಅವರ ಮುಂಬರುವ ಬಹುನಿರೀಕ್ಷಿತ ಚಿತ್ರ 'ಧುರಂಧರ್ 2' ನಲ್ಲಿ ನಟಿಸುವ ಅವಕಾಶ ಅನಿಲ್ ಅವರಿಗೆ ಬಂದಿತ್ತು. ಇದೊಂದು ವಿಶೇಷ ಅತಿಥಿ ಪಾತ್ರವಾಗಿತ್ತು ಎಂದು ಹೇಳಲಾಗಿದೆ. ಆದರೆ ಈ ದೊಡ್ಡ ಆಫರ್ ಅನ್ನು ಅನಿಲ್ ಕಪೂರ್ ನಯವಾಗಿಯೇ ತಿರಸ್ಕರಿಸಿದ್ದಾರೆ.

ಈ ಬಗ್ಗೆ ಮಾತನಾಡಿದ ಅನಿಲ್ ಕಪೂರ್, ಇದೊಂದು ಅದ್ಭುತವಾದ ಸಿನಿಮಾ ಎಂದು ಹೊಗಳಿದ್ದಾರೆ. ಆದರೂ ತಾವು ಯಾಕೆ ಈ ಸಿನಿಮಾದ ಭಾಗವಾಗಲು ಸಾಧ್ಯವಾಗಲಿಲ್ಲ ಎಂಬ ಕಾರಣವನ್ನು ಬಹಿರಂಗಪಡಿಸಿದ್ದಾರೆ. ಅನಿಲ್ ಅವರ ಈ ಪ್ರಾಮಾಣಿಕ ನಡೆ ಈಗ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.

ವೃತ್ತಿಪರತೆಗೆ ಮೊದಲ ಆದ್ಯತೆ ನೀಡಿದ ಅನಿಲ್...

ಅನಿಲ್ ಕಪೂರ್ ಇಂದು ಈ ಮಟ್ಟಕ್ಕೆ ಬೆಳೆಯಲು ಕೇವಲ ಅವರ ಪ್ರತಿಭೆ ಮಾತ್ರ ಕಾರಣವಲ್ಲ. ಅವರ ಶಿಸ್ತು ಮತ್ತು ವೃತ್ತಿಪರತೆ ಕೂಡ ಪ್ರಮುಖ ಪಾತ್ರ ವಹಿಸಿದೆ. "ಕೇವಲ ಪ್ರತಿಭೆ ಇದ್ದರೆ ಸಾಲದು, ಕೊಟ್ಟ ಮಾತನ್ನು ಉಳಿಸಿಕೊಳ್ಳುವ ಬದ್ಧತೆ ಇರಬೇಕು" ಎನ್ನುತ್ತಾರೆ ಈ ಹಿರಿಯ ನಟ. ಈ ಗುಣವೇ ಅವರನ್ನು ಇಂದಿಗೂ ಚಿತ್ರರಂಗದಲ್ಲಿ ಗಟ್ಟಿಯಾಗಿ ನೆಲೆಯೂರುವಂತೆ ಮಾಡಿದೆ.

'ಧುರಂಧರ್ 2' ಚಿತ್ರದ ಪ್ರಮುಖ ಪಾತ್ರಕ್ಕಾಗಿ ಆದಿತ್ಯ ಧರ್ ಅವರು ಅನಿಲ್ ಅವರನ್ನು ಸಂಪರ್ಕಿಸಿದ್ದರು. ಆದರೆ ಆ ಸಮಯದಲ್ಲಿ ಅನಿಲ್ ಅವರು ಈಗಾಗಲೇ ಮತ್ತೊಬ್ಬ ನಿರ್ಮಾಪಕರಿಗೆ ತಮ್ಮ ಕಾಲ್ ಶೀಟ್ ನೀಡಿದ್ದರು. ಬೇರೆಯವರಿಗೆ ಕೊಟ್ಟ ಮಾತನ್ನು ಮುರಿಯುವುದು ಅನಿಲ್ ಅವರಿಗೆ ಇಷ್ಟವಿರಲಿಲ್ಲ. ಹಾಗಾಗಿ ಬೇಸರದಿಂದಲೇ ಅವರು ಈ ಅವಕಾಶವನ್ನು ಕೈಬಿಟ್ಟಿದ್ದಾರೆ.

"ಇದು ನನ್ನ ನಷ್ಟ" ಎಂದ ನಟ...

ಈ ಚಿತ್ರವನ್ನು ಮಿಸ್ ಮಾಡಿಕೊಂಡ ಬಗ್ಗೆ ಅನಿಲ್ ಕಪೂರ್ ಅವರಿಗೆ ಸ್ವಲ್ಪ ಬೇಸರವಿದೆ. "ಇದು ನನ್ನ ಪಾಲಿನ ನಷ್ಟ" ಎಂದು ಅವರು ಮುಕ್ತವಾಗಿ ಒಪ್ಪಿಕೊಂಡಿದ್ದಾರೆ. ಸಿನಿಮಾ ಅದ್ಭುತವಾಗಿ ಮೂಡಿಬಂದಿದೆ ಎಂದು ಅವರು ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. ಆದಿತ್ಯ ಧರ್ ಅವರ ಕೆಲಸದ ಬಗ್ಗೆ ಅನಿಲ್ ಅವರಿಗೆ ಅಪಾರ ಗೌರವವಿದೆ.

ಭವಿಷ್ಯದಲ್ಲಿ ಆದಿತ್ಯ ಅವರ ಜೊತೆ ಕೆಲಸ ಮಾಡಲು ಅನಿಲ್ ಆತುರರಾಗಿದ್ದಾರೆ. "ಈಗ ನಾನು ಆದಿತ್ಯ ಅವರಿಗೆ ಡೇಟ್ಸ್ ಕ್ಯಾನ್ಸಲ್ ಮಾಡಿದ್ದರೆ ಅದು ಅಶಿಸ್ತಿನ ಕೆಲಸವಾಗುತ್ತಿತ್ತು. ಮುಂದೆ ಖಂಡಿತವಾಗಿಯೂ ನಾವು ಜೊತೆಯಾಗಿ ಸಿನಿಮಾ ಮಾಡುತ್ತೇವೆ" ಎಂದು ಅನಿಲ್ ಭರವಸೆ ವ್ಯಕ್ತಪಡಿಸಿದ್ದಾರೆ. ಈ ಮೂಲಕ ಅವರು ತಮ್ಮ ವೃತ್ತಿಧರ್ಮವನ್ನು ಮೆರೆದಿದ್ದಾರೆ.

ಬಾಕ್ಸ್ ಆಫೀಸ್ ಸುನಾಮಿ 'ಧುರಂಧರ್'...

ಆದಿತ್ಯ ಧರ್ ನಿರ್ದೇಶನದ 'ಧುರಂಧರ್' ಮೊದಲ ಭಾಗ ಕಳೆದ ವರ್ಷದ ಬ್ಲಾಕ್‌ಬಸ್ಟರ್ ಸಿನಿಮಾಗಳಲ್ಲಿ ಒಂದು. ಇದು ಸ್ಪೈ ಮತ್ತು ಆಕ್ಷನ್ ಥ್ರಿಲ್ಲರ್ ಮಾದರಿಯ ಸಿನಿಮಾ. ರಣವೀರ್ ಸಿಂಗ್, ಸಂಜಯ್ ದತ್ ಮತ್ತು ಅಕ್ಷಯ್ ಖನ್ನಾ ಅಂತಹ ಘಟಾನುಘಟಿ ನಟರು ಇದರಲ್ಲಿ ನಟಿಸಿದ್ದರು. ದೇಶಪ್ರೇಮ ಮತ್ತು ರಹಸ್ಯ ಕಾರ್ಯಾಚರಣೆಯ ಕಥೆ ಪ್ರೇಕ್ಷಕರಿಗೆ ತುಂಬಾ ಹಿಡಿಸಿತ್ತು.

ಈ ಸಿನಿಮಾ ವಿಶ್ವಾದ್ಯಂತ ಬರೋಬ್ಬರಿ ₹ 1300 ಕೋಟಿಗೂ ಅಧಿಕ ಹಣ ಗಳಿಸಿ ದಾಖಲೆ ಬರೆದಿತ್ತು. ಭಯೋತ್ಪಾದನೆಯ ವಿರುದ್ಧದ ಹೋರಾಟದ ಕಥಾಹಂದರ ಈ ಚಿತ್ರಕ್ಕಿತ್ತು. ಈಗ ಇದರ ಮುಂದುವರಿದ ಭಾಗ 'ಧುರಂಧರ್ 2' ಮಾರ್ಚ್ 19 ರಂದು ತೆರೆಗೆ ಬರಲು ಸಿದ್ಧವಾಗಿದೆ. ಇದೇ ಕಾರಣಕ್ಕೆ ಚಿತ್ರದ ಮೇಲೆ ಅಭಿಮಾನಿಗಳಲ್ಲಿ ದೊಡ್ಡ ಮಟ್ಟದ ನಿರೀಕ್ಷೆ ಇದೆ.

ಅನಿಲ್ ಕಪೂರ್ ಅವರ 'ಸುಬೇದಾರ್' ಹವಾ...

ಅನಿಲ್ ಕಪೂರ್ ಇತ್ತೀಚೆಗೆ 'ಸುಬೇದಾರ್' ಚಿತ್ರದ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದ್ದಾರೆ. ಸುರೇಶ್ ತ್ರಿವೇಣಿ ನಿರ್ದೇಶನದ ಈ ಸಿನಿಮಾ ಮಾರ್ಚ್ 5 ರಂದು ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಇದರಲ್ಲಿ ಅನಿಲ್ ಕಪೂರ್ ಅವರು ನಿವೃತ್ತ ಸೈನಿಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ನಟನೆಗೆ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಪ್ರಶಂಸೆ ವ್ಯಕ್ತವಾಗುತ್ತಿದೆ.

ಒಬ್ಬ ಸೈನಿಕ ಸಮಾಜದಲ್ಲಿ ಎದುರಿಸುವ ಸವಾಲುಗಳು ಮತ್ತು ಮಗಳೊಂದಿಗಿನ ಸಂಬಂಧದ ಕಥೆ ಈ ಚಿತ್ರದಲ್ಲಿದೆ. ರಾಧಿಕಾ ಮದನ್ ಮತ್ತು ಮೋನಾ ಸಿಂಗ್ ಅವರಂತಹ ಕಲಾವಿದರು ಅನಿಲ್ ಅವರಿಗೆ ಸಾಥ್ ನೀಡಿದ್ದಾರೆ.

ಒಟ್ಟಿನಲ್ಲಿ ಅನಿಲ್ ಕಪೂರ್ ಅವರು ತಮ್ಮ ವಿಭಿನ್ನ ಪಾತ್ರಗಳ ಮೂಲಕ ಇಂದಿಗೂ ಸಿನಿರಂಗದ 'ಕಿಂಗ್' ಎನಿಸಿಕೊಂಡಿದ್ದಾರೆ.

ಮುಂದಿನ ದಿನಗಳಲ್ಲಿ ಅನಿಲ್ ಕಪೂರ್ ಮತ್ತು ಆದಿತ್ಯ ಧರ್ ಕಾಂತಿ ನೇಷನ್ ನಲ್ಲಿ ಸಿನಿಮಾ ಮೂಡಿಬರಲಿ ಎಂಬುದು ಅಭಿಮಾನಿಗಳ ಆಶಯ.