'ನನ್ನಿಂದ ಸಾಕಷ್ಟು ಹಣ ಪಡೆದಿದ್ದೀಯ ನೀನು' ಕರೀನಾ ಗೆ ಅನಿಲ್ ಕಪೂರ್ ಟಾಂಗ್

ನಟ ಅನಿಲ್ ಕಪೂರ್ ಇತ್ತೀಚೆಗೆ ಕರೀನಾ ಕಪೂರ್ ನಡೆಸಿಕೊಡುವ 'ವಾಟ್ ವುಮನ್ ವಾಂಟ್' ಟಾಕ್ ಶೋ ನಲ್ಲಿ ಭಾಗವಹಿಸಿದ್ದರು.

ಈ ಸಂದರ್ಭ, 'ನಟಿಯರಿಗೆ ನಟರಷ್ಟೆ ಸಂಭಾವನೆ ನೀಡಬೇಕು ಅಲ್ಲವೆ?' ಎಂಬ ಪ್ರಶ್ನೆಯನ್ನು ಕರೀನಾ , ಅನಿಲ್ ಕಪೂರ್ ಮುಂದಿಟ್ಟರು. ಇದಕ್ಕೆ ಉತ್ತರಿಸಿದ ಅನಿಲ್ ಕಪೂರ್, 'ನೀನಂತು ನನ್ನಿಂದ ಸಾಕಷ್ಟು ಹಣ ಪಡೆದಿದ್ದೀಯ' ಎಂದು ಹೇಳಿದ್ದಾರೆ.

ಕರೀನಾ ನಟಿಸಿದ್ದ 'ವೀರ್ ದಿ ವೆಡ್ಡಿಂಗ್' ಸಿನಿಮಾಕ್ಕೆ ಅನಿಲ್ ಕಪೂರ್ ಸಹ ನಿರ್ಮಾಪಕರಾಗಿದ್ದರಂತೆ. ಆಗ ಪ್ರೊಡಕ್ಷನ್ ಸಿಬ್ಬಂದಿ ಕರೆ ಮಾಡಿ ಕರೀನಾ ಹೆಚ್ಚು ಹಣ ಕೇಳುತ್ತಿದ್ದಾರೆ ಎಂದರಂತೆ, ಆಗ ಅನಿಲ್ ಕಪೂರ್, 'ಕರೀನಾ ಎಷ್ಟು ಕೇಳುತ್ತಾರೊ ಅಷ್ಟು ಕೊಟ್ಟು ಬಿಡಿ' ಎಂದರಂತೆ.

ಮುಂದುವರೆದು ಮಾತನಾಡಿರುವ ಅನಿಲ್ ಕಪೂರ್, 'ನೀನು ಮಾತ್ರವಲ್ಲ ಸಾಕಷ್ಟು ಮಂದಿ ನಾಯಕಿಯರು ಸಾಕಷ್ಟು ಹಣ ಪಡೆದಿದ್ದಾರೆ. ನಾನು ನಟಿಸಿದ ಸಿನಿಮಾದಲ್ಲಿಯೇ ನನಗಿಂತಲೂ ನಾಯಕಿಯರು ಹೆಚ್ಚು ಸಂಭಾವನೆ ಪಡೆದಿದ್ದಾರೆ. ಆದರೆ ನಾನು ಯಾವುದೇ ಸಮಸ್ಯೆ ಇಲ್ಲದೆ ಅರಾಮವಾಗಿ ಅವರೊಟ್ಟಿಗೆ ಕೆಲಸ ಮಾಡಿದ್ದೇನೆ' ಎಂದಿದ್ದಾರೆ ಅನಿಲ್.

ಹಾಲಿವುಡ್‌ ಸಿನಿಮಾಗಳಲ್ಲಿ ಕೆಲವು ನಾಯಕರು ಮೊದಲೇ ಷರತ್ತು ಹಾಕುತ್ತಿದ್ದಾರಂತೆ. ನಟಿಯರು ನಮ್ಮಷ್ಟೆ ಸಂಭಾವನೆ ಪಡೆಯುವಂತಿದ್ದರೆ ಮಾತ್ರವೇ ನಾವು ಸಿನಿಮಾದಲ್ಲಿ ನಟಿಸುತ್ತೇವೆಂದು, ಅದೇ ಪದ್ಧತಿ ಬಾಲಿವುಡ್‌ನಲ್ಲಿಯೂ ಬರಬೇಕು ಎಂದಿದ್ದಾರೆ ಕರೀನಾ ಕಪೂರ್.