Don't Miss!
- News 5 ವರ್ಷಗಳಲ್ಲಿ ಕರ್ನಾಟಕ ಸಂಸದರ ಸಾಧನೆ ಏನು? ಅಧ್ಯಯನ ಹೇಳೋದೇನು?
- Sports ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೊರೊನಾ ವೈರಸ್ ಗೆದ್ದು ಬಂದ ಬಾಲಿವುಡ್ನ ಈ ಕುಟುಂಬ ಮಾಡುತ್ತಿದೆ ಜನಮೆಚ್ಚುವ ಕಾರ್ಯ
ಬಾಲಿವುಡ್ ನಿರ್ಮಾಪಕ ಕರೀಂ ಮೊರಾನಿ ಮತ್ತು ಅವರ ಮಕ್ಕಳಾದ ಜೊಯಾ ಮೊರಾನಿ ಹಾಗೂ ಶಾಜಾ ಮೊರಾನಿ ಮೂವರಲ್ಲಿಯೂ ಕೊರೊನಾ ವೈರಸ್ ಪಾಸಿಟಿವ್ ಕಂಡುಬಂದಿತ್ತು. ಮೂವರೂ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದುಕೊಂಡಿದ್ದರು.
Recommended Video
ಸೋಂಕಿನ ಲಕ್ಷಣಗಳು ಕಂಡುಬಂದ ಕೂಡಲೇ ಅವರು ಆಸ್ಪತ್ರೆಯನ್ನು ಸಂಪರ್ಕಿಸುವ ಸಮಯಪ್ರಜ್ಞೆ ಮೆರೆದಿದ್ದರಿಂದ ಮೂವರೂ ಬೇಗನೆ ಚೇತರಿಸಿಕೊಂಡು ಮನೆಗೆ ಮರಳಿದ್ದಾರೆ. ಪ್ರಸ್ತುತ ಮೂವರೂ ಕ್ವಾರೆಂಟೀನ್ನಲ್ಲಿದ್ದಾರೆ. ಬಾಲಿವುಡ್ನ ಕೊರೊನಾ ಪಾಸಿಟಿವ್ ಕುಟುಂಬ ಎಂಬ ಲೇವಡಿಗೆ ತುತ್ತಾಗಿದ್ದವರು ಈಗ ಜನರ ಅರೋಗ್ಯದ ದೃಷ್ಟಿಯಿಂದ ಮಾದರಿ ಕೆಲಸಕ್ಕೆ ಮುಂದಾಗಿದ್ದಾರೆ. ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ಈ ಮೂವರೂ ದಿಟ್ಟ ತೀರ್ಮಾನ ತೆಗೆದುಕೊಂಡಿದ್ದಾರೆ. ಮುಂದೆ ಓದಿ...
ಸೋಂಕಿತರಿಗೆ ನೆರವು
ತಂದೆ ಕರೀಂ ಮೊರಾನಿ, ಸಹೋದರಿ ಶಾಜಾ ಮತ್ತು ತಾವು ರಕ್ತದಾನ ಮಾಡುತ್ತಿದ್ದೇವೆ. ಇದು ವೈರಸ್ ವಿರುದ್ಧ ಹೋರಾಟ ನಡೆಸುತ್ತಿರುವ ಸೋಂಕಿತರು ಗುಣಮುಖರಾಗಲು ಸಹಾಯ ಮಾಡಲಿದೆ ಎಂದು ಜೊಯಾ ಮೊರಾನಿ ತಿಳಿಸಿದ್ದಾರೆ.
ಮಕ್ಕಳ ಬಳಿಕ ಅಪ್ಪನಿಗೂ ಬಂತು ಕೊರೊನಾ ವೈರಸ್: ಬಾಲಿವುಡ್ ಕುಟುಂಬಕ್ಕೆ ಕೋವಿಡ್ ಕಾಟ
ರಕ್ತದಾನ ಮಾಡುವುದರಿಂದ ಸಹಾಯ
'ಈ ವಾರಾಂತ್ಯದಲ್ಲಿ ನಾವು ರಕ್ತದಾನ ಮಾಡಲಿದ್ದೇವೆ. ನಿಮ್ಮಲ್ಲಿ ಕೊರೊನಾ ವೈರಸ್ ನೆಗೆಟಿವ್ ಕಂಡುಬಂದ 14 ದಿನಗಳ ಬಳಿಕ ರಕ್ತದಾನ ಮಾಡಲು ಅವಕಾಶವಿದೆ. ನಿಮ್ಮ ರಕ್ತವನ್ನು ಬೇರೆಯವರಿಗೆ ಈ ಸಂದರ್ಭದಲ್ಲಿ ನೀಡಬಹುದು. ಏಕೆಂದರೆ ನಿಮ್ಮ ರಕ್ತದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿರುತ್ತದೆ. ಇದು ಬೇರೆಯ ಜನರು ಗುಣಮುಖರಾಗಲು ಸಹಾಯ ಮಾಡಬಹುದು' ಎಂದಿದ್ದಾರೆ.
ಮೂವರಿಗೂ ವಿಭಿನ್ನ ಅನುಭವ
'ಕೊರೊನಾ ವೈರಸ್ ಲಕ್ಷಣಗಳು ಎಲ್ಲರಲ್ಲಿಯೂ ಒಂದೇ ರೀತಿ ಇರುವುದಿಲ್ಲ. ನನ್ನ ತಂದೆಯಲ್ಲಿ ಯಾವುದೇ ಲಕ್ಷಣಗಳು ಕಂಡುಬಂದಿರಲಿಲ್ಲ. ಆದರೂ ಪಾಸಿಟಿವ್ ಇತ್ತು. ನನ್ನ ತಂಗಿಯಲ್ಲಿ ತೀವ್ರ ತಲೆನೋವು ಮತ್ತು ಜ್ವರ ಕಾಣಿಸಿಕೊಂಡಿತ್ತು. ಇನ್ನೊಂದೆಡೆ ನನಗೆ ಈ ಎಲ್ಲಾ ಲಕ್ಷಣಗಳೂ ಉಂಟಾಗಿತ್ತು ಎಂದು ತಿಳಿಸಿದ್ದಾರೆ.
ಬಾಲಿವುಡ್ ನಿರ್ಮಾಪಕನ ಅವಳಿ ಹೆಣ್ಣುಮಕ್ಕಳಿಬ್ಬರಿಗೂ ಕೊರೊನಾ ಪಾಸಿಟಿವ್!
ಎದೆಯಲ್ಲಿ ಏನೋ ಸಿಲುಕಿಕೊಂಡಂತೆ
'ನನಗೆ ಮೊದಲು ಕೆಮ್ಮು ಹಾಗೂ ಕಣ್ಣಿನ ನೋವು ಶುರುವಾಗಿತ್ತು. ಬಳಿಕ ಉಸಿರಾಟದ ತೊಂದರೆ ಉಂಟಾಯಿತು. ಉಸಿರಾಡುವಾಗ ಎದೆಯಲ್ಲಿ ಏನೋ ಸಿಕ್ಕಿಕೊಂಡಂತೆ ಅನಿಸುತ್ತಿತ್ತು' ಎಂದು ಜೊಯಾ ತಮಗಾದ ಕೊರೊನಾ ವೈರಸ್ ಸೋಂಕಿನ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಅವರಿಗೆ ಹೋಲಿಸಿದಾಗ...
ಆಸ್ಪತ್ರೆಯಲ್ಲಿ ನನ್ನ ಸುತ್ತಲೂ ಇದ್ದ ಐಟಿಯು ವಾರ್ಡ್ನಲ್ಲಿನ ಜನರ ಪರಿಸ್ಥಿತಿ ಬಹಳ ಗಂಭೀರವಾಗಿತ್ತು. ಅವರಿಗೆ ವೆಂಟಿಲೇಟರ್ ಮತ್ತು ಆಕ್ಸಿಜನ್ ಮಾಸ್ಕ್ ಅಗತ್ಯವಾಗಿತ್ತು. ಏಕೆಂದರೆ ಅವರಲ್ಲಿದ್ದ ಸೋಂಕಿನ ಲಕ್ಷಣಗಳು ನನ್ನಲ್ಲಿದ್ದ ಲಕ್ಷಣಗಳಿಗಿಂತ ಹತ್ತು ಪಟ್ಟು ಪ್ರಬಲವಾಗಿದ್ದವು. ಅವರನ್ನು ಕಂಡಾಗ, ನನಗೆ ನಾನು ಕೃತಜ್ಞಳಾಗಿರಬೇಕು. ಏಕೆಂದರೆ ಆ ಲಕ್ಷಣಗಳನ್ನು ಎದುರಿಸಲು ನನಗೆ ಸಾಧ್ಯವಾಯಿತು ಎಂದು ಹೇಳಿಕೊಳ್ಳುತ್ತಿದ್ದೆ ಎಂದಿದ್ದಾರೆ.