Imdbಯಿಂದ 2023ಯ ಬಹುನಿರೀಕ್ಷಿತ ಸಿನಿಮಾಗಳ ಪಟ್ಟಿ ರಿಲೀಸ್: ಲಿಸ್ಟ್‌ನಲ್ಲಿರೋ ಕನ್ನಡದ ಏಕೈಕ ಚಿತ್ರ 'ಕಬ್ಜ'!

Imdbಯ ಟಾಪ್ 20 ಸಿನಿಮಾಗಳ ಪಟ್ಟಿ

ಪ್ರತಿಷ್ಠಿತ Imdb ಸಂಸ್ಥೆ 2023ರಲ್ಲಿ ಸದ್ದು ಮಾಡುತ್ತಿರುವ ಸಿನಿಮಾ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಸುಮಾರು 20 ಸಿನಿಮಾಗಳಲ್ಲಿ ಕನ್ನಡದ ಏಕೈಕ ಸಿನಿಮಾ ಕಬ್ಜ ಸ್ಥಾನ ಪಡೆದುಕೊಂಡಿದೆ. ಇನ್ನು ಉಳಿದಂತೆ ಬಹುಪಾಲು ಬಾಲಿವುಡ್‌ ಸಿನಿಮಾಗಳೇ ಇವೆ. ಇದರಲ್ಲಿ ಮೊದಲ ಸ್ಥಾನದಲ್ಲಿರೋದು ಶಾರುಖ್ ಖಾನ್ ಅಭಿನಯದ 'ಪಠಾಣ್'. ಉಪೇಂದ್ರ ಹಾಗೂ ಸುದೀಪ್ ಅಭಿನಯದ 'ಕಬ್ಜ' 7ನೇ ಸ್ಥಾನದಲ್ಲಿದೆ. ಅಂದ್ಹಾಗೆ ಆ ಟಾಪ್ 10 ಸಿನಿಮಾಗಳ ಪಟ್ಟಿ ಇಲ್ಲಿದೆ.

1. ಪಠಾಣ್‌
2. ಪುಷ್ಪ: ದಿ ರೂಲ್ - ಭಾಗ 2
3. ಜವಾನ್
4. ಆದಿಪುರುಷ್
5. ಸಲಾರ್
6. ವಾರಿಸು
7. ಕಬ್ಜ
8. ದಳಪತಿ 67
9. ದಿ ಆರ್ಚಿಸ್
10. ಡಂಕಿ

11–20ರ ಸ್ಥಾನದಲ್ಲಿರೋ ಸಿನಿಮಾಗಳ ಪಟ್ಟಿ

ಇನ್ನು ಟಾಪ್ 11 ರಿಂದ 20ರವರೆಗೆ ಹಿಂದಿ, ತಮಿಳು, ತೆಲುಗು ಸಿನಿಮಾಗಳಿವೆ. ಆ 10 ಸಿನಿಮಾಗಳ ಪಟ್ಟಿ ಇಲ್ಲಿದೆ.

11. ಟೈಗರ್ 3
12. ಕಿಸಿ ಕ ಭಾಯ್‌ ಕಿಸಿ ಕಿ ಜಾನ್
13. ತುನಿವು
14. ಅನಿಮಲ್
15. ಏಜೆಂಟ್
16. ಇಂಡಿಯನ್ 2
17. ವಾಡಿವಾಸಲ್
18. ಶೆಹಜಾದ
19. ಬಡೇ ಮಿಯಾ ಛೋಟೆ ಮಿಯಾ
20. ಭೋಲಾ

ಟ್ರ್ಯಾಕ್‌ಗೆ ಮರಳಿದ ಖಾನ್ಸ್

ಮೋಸ್ಟ್ ಎಕ್ಸ್‌ಪೆಕ್ಟೆಡ್ ಇಂಡಿಯನ್ ಸಿನಿಮಾಗಳ ಪಟ್ಟಿಯಲ್ಲಿ ಸುಮಾರು 11 ಹಿಂದಿ ಸಿನಿಮಾಗಳಿವೆ. ಹಾಗೇ 5 ತಮಿಳು, 3 ತೆಲುಗು ಹಾಗೂ 1 ಕನ್ನಡ ಸಿನಿಮಾವಿದೆ. ಬರೋಬ್ಬರಿ ನಾಲ್ಕು ವರ್ಷಗಳ ಬಳಿಕ ಸೂಪರ್‍ ಸ್ಟಾರ್‍ ಶಾರುಖ್‌ ಖಾನ್‌ ನಟನೆಯ 'ಪಠಾಣ್‌', 'ಜವಾನ್' ಮತ್ತು 'ಡಂಕಿ' ಸಿನಿಮಾಗಳು ಸದ್ದು ಮಾಡುತ್ತಿವೆ. ಹಾಗೇ ಶಾರುಖ್‌ ಖಾನ್ ಪುತ್ರಿ ಸುಹಾನಾ ಖಾನ್‌ ನಟನೆಯ ಮೊದಲ ಸಿನಿಮಾ ಜೋಯಾ ಅಖ್ತರ್‍ ನಿರ್ದೇಶನದ 'ದಿ ಆರ್ಚಿಸ್‌' ಕೂಡ ಪಟ್ಟಿಯಲ್ಲಿದೆ. ಇದರೊಂದಿಗೆ ಸಲ್ಮಾನ್ ಖಾನ್ ನಟನೆಯ 2 ಸಿನಿಮಾಗಳು 'ಕಿಸಿ ಕ ಭಾಯ್ ಕಿಸಿ ಕಿ ಜಾನ್' ಮತ್ತು 'ಟೈಗರ್‍ 3' ಸಿನಿಮಾಗಳು ರಿಲೀಸ್‌ಗೆ ರೆಡಿಯಾಗಿವೆ.

'ಇಂಡಿಯನ್ 2' ಮೇಲೆ ಎಲ್ಲರ ಕಣ್ಣು

1996ರಲ್ಲಿ ರಿಲೀಸ್ ಆಗಿ ದಾಖಲೆ ಬರೆದ ಸಿನಿಮಾ 'ಇಂಡಿಯನ್‌'. ಕಮಲ್ ಹಾಸನ್ ಹಾಗೂ ಶಂಕರ್ ಕಾಂಬಿನೇಷನ್‌ನಲ್ಲಿ ಈ ಸಿನಿಮಾ ಮೂಡಿ ಬಂದಿತ್ತು. ಈಗ ಇದೇ ಸಿನಿಮಾದ ಸೀಕ್ವೆಲ್‌ 'ಇಂಡಿಯನ್‌-2' ಅದೇ ಕಾಂಬಿನೇಷನ್‌ನಲ್ಲಿ ಮೂಡಿ ಬರುತ್ತಿದೆ. ಈ ಸಿನಿಮಾ ಈ ವರ್ಷವೇ ರಿಲೀಸ್ ಆಗುವ ಸಾಧ್ಯತೆಯಿದ್ದು, ದಕ್ಷಿಣ ಭಾರತದ ಮೋಸ್ಟ್ ಎಕ್ಸ್‌ಪೆಕ್ಟೆಡ್ ಸಿನಿಮಾಗಳಲ್ಲೊಂದಾಗಿದೆ.