ಈ ನಟಿಯರಿಗ್ಯಾಕೆ ಬೇಕಿತ್ತು ಬಾತ್‌ರೂಮ್‌ನಲ್ಲಿ ಸೆಲ್ಫಿ: ಬಾಲಿವುಡ್‌ನಲ್ಲಿ ಲೆಟೆಸ್ಟ್ ಟ್ರೆಂಡ್ ಅಂತೆ

ಕತ್ರಿನಾ ಕೈಫ್

ಕತ್ರಿನಾ ಕೈಫ್ ಆಗಾಗ ತನ್ನ ಇನ್‌ಸ್ಟಾಗ್ರಾಂನಲ್ಲಿ ಸೆಲ್ಫಿ ಫೋಟೊಗಳನ್ನು ಫೋಸ್ಟ್ ಮಾಡುತ್ತಾರೆ. ಈಕೆಗೂ ಬಾತ್‌ರೂಮ್ ಸೆಲ್ಫಿ ಕ್ರೇಜ್ ಇದೆ. ಅದಕ್ಕೆ ಇತ್ತೀಚೆಗೆ ಕೆಂಪು ಬಣ್ಣದ ಡ್ರೆಸ್‌ನಲ್ಲಿ ಬಾತ್‌ರೂಮ್ ಸೆಲ್ಫಿ ತೆಗೆದು ಪೋಸ್ಟ್ ಮಾಡಿದ್ದರು.

ಮಲೈಕಾ ಅರೋರಾ

ಮಲೈಕಾ ಅರೋರಾ ಬಾಲಿವುಡ್‌ನ ಎವರ್‌ಗ್ರೀನ್ ಬ್ಯೂಟಿ. ಈಕೆಗೆ ಕೂಡ ಸೆಲ್ಫಿ ಕ್ರೇಜ್ ಇದೆ. ಸದಾ ಲೇಟೆಸ್ಟ್ ಟ್ರೆಂಡ್ ಜೊತೆ ಇರುವ ಮಲೈಕಾ ಅರೋರಾ ಕೂಡ ಇತ್ತೀಚೆಗೆ ಬಾತ್‌ ಸೆಲ್ಫಿಯನ್ನು ತೆಗೆದು ಪೋಸ್ಟ್ ಮಾಡಿದ್ದರು.

ಆಲಿಯಾ ಭಟ್

ಗಂಗೂಬಾಯಿ ಹಾಗೂ ರಾಜಮೌಳಿ ನಿರ್ದೇಶನದ RRR ಸಿನಿಮಾದ ಪ್ರಚಾರದಲ್ಲಿ ಆಲಿಯಾ ಭಟ್ ಫುಲ್ ಬ್ಯುಸಿಯಾಗಿದ್ದಾರೆ. ಈ ಮಧ್ಯೆ ಆಲಿಯಾ ಭಟ್ ಬಾತ್‌ರೂಮ್ ಸೆಲ್ಫಿ ಬಗ್ಗೆನೂ ಚರ್ಚೆಯಾಗುತ್ತಿದೆ. ಇತ್ತೀಚೆಗೆ ಆಲಿಯಾ ಭಟ್ ಬಾತ್‌ರೂಮ್‌ನಲ್ಲಿ ಸೆಲ್ಫಿ ತೆಗೆದುಕೊಂಡಿದ್ದರು. ಅದನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಕೂಡ ಮಾಡಿದ್ದರು. ಈ ಸೆಲ್ಫಿ ಆಲಿಯಾ ಅಭಿಮಾನಿಗಳ ಮೆಚ್ಚುಗೆ ಗಳಿಸಿತ್ತು.

ದಿಶಾ ಪಾಟ್ನಿ

ಟೈಗರ್ ಶ್ರಾಫ್ ಗರ್ಲ್‌ಫ್ರೆಂಡ್ ದಿಶಾ ಪಾಟ್ನಿ ಕೂಡ ಬಾತ್‌ ರೂಮ್ ಸೆಲ್ಫಿ ತೆಗೆದುಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್ ಆಗಿರುವ ದಿಶಾ ಪಾಟ್ನಿ ಆ ಬಾತ್‌ರೂಮ್ ಸೆಲ್ಫಿ ಫೋಟೊವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದರು. ಈ ವೇಳೆ ಆಕೆ ಸ್ಲಿಮ್ ದೇಹಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ಪ್ರಿಯಾಂಕಾ ಚೋಪ್ರಾ

ಪ್ರಿಯಾಂಕಾ ಚೋಪ್ರಾ ಎಲ್ಲಕ್ಕಿಂತ ಹೆಜ್ಜೆ ಮುಂದೆ. ಎಲ್ಲರೂ ತಮ್ಮ ಮನೆ, ಇಲ್ಲವೆ ಹೊಟೇಲ್‌ಗಳ ಬಾತ್‌ರೂಮ್‌ನಲ್ಲಿ ಸೆಲ್ಫಿ ತೆಗೆದುಕೊಂಡರೇ ಪ್ರಿಯಾಂಕಾ ಚೋಪ್ರಾ ಮಾತ್ರ ಪ್ಲೇನ್‌ನಲ್ಲಿ ಸೆಲ್ಪಿ ತೆಗೆದುಕೊಂಡಿದ್ದಾರೆ. ಈ ಫೋಟೊ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ.

ಅನನ್ಯಾ ಪಾಂಡೆ

'ಗೆಹರಾಯಿಯಾ' ಸಿನಿಮಾದಿಂದ ಇತ್ತೀಚೆಗೆ ಸದ್ದು ಮಾಡುತ್ತಿರುವ ನಟಿ ಅನನ್ಯ ಪಾಂಡೆ. ಈಕೆ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್ ಆಗಿರುತ್ತಾರೆ. ಇತ್ತೀಚೆಗೆ ಬ್ಲ್ಯಾಕ್ ಡ್ರೆಸ್‌ನಲ್ಲಿ ಬಾತ್‌ರೂಮ್ ಒಳಗೆ ತೆಗೆದ ಫೋಟೊ ಸಖತ್ ವೈರಲ್ ಆಗುತ್ತಿದೆ.