ಗಾಯಕನ ಜತೆಗೆ 'ಹೆಬ್ಬುಲಿ' ನಾಯಕಿ ಲಿವ್ ಇನ್ ರಿಲೇಷನ್‌ಷಿಪ್?

ಅಮಲಾ-ಸಿಂಗ್ ಫೋಟೊ ವೈರಲ್

ಮುಂಬೈ ಮೂಲದ ಗಾಯಕ ಭವ್ನಿಂದರ್ ಸಿಂಗ್ ಜತೆಗೆ ಅಮಲಾ ಪೌಲ್ ಲಿವ್ ಇನ್ ರಿಲೇಷನ್‌ಷಿಪ್‌ನಲ್ಲಿ ಇದ್ದಾರಂತೆ. ಭವ್ನಿಂದರ್ ಜತೆಗೆ ಅಮಲಾ ಬುರ್ಕಾದಲ್ಲಿ ಓಡಾಡುತ್ತಿದ್ದ ಫೋಟೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಭವ್ನಿಂದರ್ ಇನ್‌ಸ್ಟಾದಲ್ಲಿ ಫೋಟೊ

ಭವ್ನಿಂದರ್ ಅವರ ಇನ್‌ಸ್ಟಾಗ್ರಾಂ ಪುಟದಲ್ಲಿ ಮತ್ತೊಂದು ಫೋಟೊ ಇದ್ದು, ಅದರಲ್ಲಿ ಅವರು ಯುವತಿಯೊಬ್ಬಳನ್ನು ಹಿಂದಿನಿಂದ ತಬ್ಬಿಕೊಂಡಿರುವುದು ಕಾಣಿಸುತ್ತದೆ. ಆದರೆ ಯುವತಿಯ ಮುಖ ಕಾಣಿಸುವುದಿಲ್ಲ. ಇದು ಅಮಲಾಪೌಲ್ ಅವರೇ ಎಂದು ಅಭಿಮಾನಿಗಳು ಹೇಳಿದ್ದಾರೆ. ಇಬ್ಬರೂ ಇತ್ತೀಚೆಗೆ ಬಾಲಿಯಲ್ಲಿ ರಜೆ ದಿನಗಳನ್ನು ಕಳೆಯಲು ತೆರಳಿದ್ದರು. ಅಲ್ಲಿ ಅನೇಕ ಚಿತ್ರಗಳನ್ನು ಕ್ಲಿಕ್ಕಿಸಿದ್ದರು ಎಂದು ಹೇಳಲಾಗಿದೆ.

ತಾಯಿ ಮಾತ್ರ ಅಂತಹ ತ್ಯಾಗ ಮಾಡಬಲ್ಲಳು

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಅಮಲಾ ಪೌಲ್, ತಮ್ಮನ್ನು ಬೆಂಬಲಿಸುವ ಸಲುವಾಗಿಯೇ ತಮ್ಮ ಬಾಯ್‌ಫ್ರಂಡ್ ತನ್ನ ವೃತ್ತಿ ಬದುಕನ್ನು ತ್ಯಾಗ ಮಾಡಿದ್ದಾನೆ ಎಂದು ಹೇಳಿಕೊಂಡಿದ್ದರು. 'ಒಬ್ಬ ತಾಯಿ ಮಾತ್ರ ಅಂತಹ ಬೇಷರತ್ ಪ್ರೀತಿ ಮತ್ತು ತ್ಯಾಗ ಮಾಡಬಲ್ಲಳು. ನನ್ನ ಜತೆ ಇದ್ದು ನನಗೆ ಬೆಂಬಲ ನೀಡುವ ಸಲುವಾಗಿಯೇ ಈ ವ್ಯಕ್ತಿ ತ್ಯಾಗ ಮಾಡಬಲ್ಲೆ ಮತ್ತು ತನ್ನ ಕೆಲಸ ಬಿಡಬಲ್ಲದೆ ಎಂಬುದನ್ನು ಸಾಬೀತುಪಡಿಸಿದ್ದಾನೆ. ಏಕೆಂದರೆ ಆತನಿಗೆ ನನ್ನ ಪ್ಯಾಷನ್ ಗೊತ್ತಿದೆ ಎಂದು ಅಮಲಾ ಹೇಳಿದ್ದಾರೆ.

ಮದುವೆಯಾಗಿ ವಿಚ್ಛೇದನ ಪಡೆದಿದ್ದ ಅಮಲಾ

ಅಮಲಾ ಪೌಲ್ 2014ರಲ್ಲಿ ಎಎಲ್ ವಿಜಯ್ ಅವರನ್ನು ಅದ್ಧೂರಿ ಸಮಾರಂಭದಲ್ಲಿ ಮದುವೆಯಾಗಿದ್ದರು. ಆದರೆ ಇಬ್ಬರ ನಡುವಿನ ಮನಸ್ತಾಪದಿಂದ 2017ರಲ್ಲಿ ವಿಚ್ಛೇದನ ಪಡೆದುಕೊಂಡಿದ್ದರು. ಗಾಯಕ ಭವ್ನಿಂದರ್ ಸಿಂಗ್ ತಾವು ಮುಸ್ಲಿಂ ಎಂದು ಹೇಳಿಕೊಂಡಿದ್ದರು. ಅತ್ತ ಹುಟ್ಟಿನಿಂದ ಕ್ರೈಸ್ತ ಧರ್ಮಕ್ಕೆ ಸೇರಿರುವ ಅಮಲಾ, ಹಿಂದೂ ಧರ್ಮ ಪಾಲಿಸುತ್ತಿರುವುದಾಗಿ ತಿಳಿಸಿದ್ದರು. 'ಆದೈ' ಬಿಡುಗಡೆ ವೇಳೆ ಭವ್ನಿಂದರ್, 'ನಿನ್ನ ಬಗ್ಗೆ ಬಹಳ ಹೆಮ್ಮೆಯಾಗುತ್ತಿದೆ. ಮತ್ತಷ್ಟು ಎತ್ತರಕ್ಕೇರು ಮತ್ತು ಪ್ರೇಕ್ಷಕರನ್ನು ಮುದಗೊಳಿಸುವುದನ್ನು ಮುಂದುವರಿಸು' ಎಂದು ಹಾರೈಸಿದ್ದರು.