ನಟ ಗುಲ್ಶನ್ ಗ್ರೋವರ್‌ಗೆ ಕಿಸ್ ಮಾಡುವಾಗ ಅಮಿತಾಬ್ ಬಚ್ಚನ್ ಕೈಗೆ ಸಿಕ್ಕಿಬಿದ್ದಿದ್ದ ಕತ್ರಿನಾ ಕೈಫ್ : ಏನಿದು ಕಥೆ?

ಬಿಗ್ ಬಿ ಕೈಗೆ ಸಿಕ್ಕಿಬಿದ್ದಿದ್ದ ಕತ್ರಿನಾ-ಗುಲ್ಶನ್

ಬಾಲಿವುಡ್‌ನಲ್ಲಿ 19 ವರ್ಷಗಳ ಬಳಿಕ ಕತ್ರಿನಾ ಕೈಫ್ ನಟಿಸಿದ ಸಿನಿಮಾವೊಂದು ಭಾರಿ ಚರ್ಚೆಯಾಗುತ್ತಿದೆ. ಇದು ಕತ್ರಿನಾ ಕೈಫ್ ನಟಿಸಿದ ಮೊದಲ ಸಿನಿಮಾ 'ಝೂಮ್'. ಈ ಚಿತ್ರದಲ್ಲಿ ಕತ್ರಿನಾ ಬೋಲ್ಡ್ ಸೀನ್‌ಗಳಲ್ಲಿ ನಟಿಸಿರುವುದು ಈಗ ಹೊಸ ವಿಷಯವೇನಲ್ಲಾ. ಖಳನಟ ಗುಲ್ಶನ್ ಗ್ರೋವರ್ ಹಾಗೂ ಕತ್ರಿನಾ ಕೈಫ್ ಇಬ್ಬರ ಕಿಸ್ಸಿಂಗ್ ದೃಶ್ಯ ಸೇರಿದಂತೆ ಹಲವು ಬೋಲ್ಡ್ ಸೀನ್‌ಗಳಿವೆ. ಇದೇ ಸೀನ್‌ ಚಿತ್ರೀಕರಣದ ವೇಳೆ ಕತ್ರಿನಾ ಹಾಗೂ ಗುಲ್ಶನ್ ಗ್ರೋವರ್ ಕಿಸ್ ಮಾಡುತ್ತಿರುವ ವೇಳೆ ಅಮಿತಾ ಬಚ್ಚನ್ ಎಂಟ್ರಿಕೊಟ್ಟಿದ್ದಂತೆ. ಅಸಲಿಗೆ ಕತ್ರಿನಾ ಕಿಸ್ ಮಾಡುತ್ತಿದ್ದದ್ದು ಸಿನಿಮಾಗಾಗಿಯೇ.

2 ಗಂಟೆ ಗುಲ್ಶನ್ ಗ್ರೋವರ್ ಮುತ್ತಿಕ್ಕಿದ್ದ ಕತ್ರಿನಾ

ಅಸಲಿಗೆ ಬಾಲಿವುಡ್‌ನಲ್ಲಿ ಚರ್ಚೆಯಾಗುತ್ತಿರುವ ವಿಷಯ ಇಷ್ಟೇನೇ. 'ಝೂಮ್' ಕತ್ರಿನಾ ಕೈಫ್‌ಗೆ ಮೊದಲ ಸಿನಿಮಾ ಆಗಿತ್ತು. ಇದರಲ್ಲಿ ನಟ ಗುಲ್ಶನ್ ಗ್ರೋವರ್ ಅವರನ್ನು ವೈಯ್ಯಾರದಿಂದ ಸೆಳೆಯುವ ಸಂದರ್ಭವನ್ನು ಶೂಟ್ ಮಾಡುತ್ತಿದ್ದರು. ಈ ವೇಳೆ ಕತ್ರಿನಾ ಕೈಫ್ ಗುಲ್ಶನ್ ಗ್ರೋವರ್‌ಗೆ ಕಿಸ್ ಮಾಡುವ ದೃಶ್ಯವನ್ನು ಇಡಲಾಗಿತ್ತು. ಆಗ ಕತ್ರಿನಾಗೆ ಮೊದಲ ಸಿನಿಮಾ ಆಗಿದ್ದರಿಂದ ನಿರ್ದೇಶಕರು ಇಬ್ಬರನ್ನೂ ಒಂದು ರೂಮಿನಲ್ಲಿ ಕೂಡಿ ಹಾಕಿ ಮುತ್ತು ಕೊಡುವ ದೃಶ್ಯವನ್ನು ಅಭ್ಯಾಸ ಮಾಡುವಂತೆ ಹೇಳಿದ್ದರು. ಆ ವೇಳೆ ಅದೇ ರೂಮಿಗೆ ಅಚಾನಕ್ ಆಗಿ ಅಮಿತಾಬ್ ಬಚ್ಚನ್ ಎಂಟ್ರಿ ಕೊಟ್ಟಿದ್ದರು.

ಅಮಿತಾಬ್ ದಿಢೀರ್ ಎಂಟ್ರಿ: ಕತ್ರಿನಾಗೆ ಮುಜುಗರ

ಗುಲ್ಶನ್ ಗ್ರೋವರ್ ಹಾಗೂ ಕತ್ರಿನಾ ಕೈಫ್ ಇಬ್ಬರನ್ನೂ ಒಂದು ರೂಮಿನಲ್ಲಿ ಕೂಡಿ ಹಾಕಿರುವ ಸಂಗತಿ ಅಮಿತಾಬ್ ಬಚ್ಚನ್‌ಗೆ ತಿಳಿದಿತ್ತು. ಮೊದಲೇ ಕತ್ರಿನಾಗೆ ಕಿಸ್ ಮಾಡುವ ದೃಶ್ಯದಲ್ಲಿ ನಟಿಸುವುದನ್ನು ನೆನೆದು ಗುಲ್ಶನ್ ಗ್ರೋವರ್ ಮುಜುಗರಕ್ಕೆ ಒಳಗಾಗಿದ್ದರು. ಕತ್ರಿನಾ ಕೈಫ್ ಕೂಡ ಈ ದೃಶ್ಯದಲ್ಲಿ ನಟಿಸಲು ಹಿಂದೇಟು ಹಾಕುತ್ತಿದ್ದರು. ಇದೇ ವೇಳೆ ಇಬ್ಬರನ್ನೂ ಹುರಿದುಂಬಿಸಲು ಅಮಿತಾಬ್ ಬಚ್ಚನ್ ದಿಢೀರನೇ ಎಂಟ್ರಿಕೊಟ್ಟಿದ್ದರು. ಆಗ ಇಬ್ಬರಿಗೂ ಆ ಸಂದರ್ಭ ಇರಿಸು-ಮುರಿಸಿಗೆ ಕಾರಣವಾಗಿತ್ತು.

'ಝುಮ್' ದೃಶ್ಯದ ಬಗ್ಗೆ ಕತ್ರಿನಾ ಹೇಳಿದ್ದೇನು?

ಕತ್ರಿನಾ ಕೈಫ್‌ಗೆ ಆಗಾಗಾ ಈ ಸಿನಿಮಾದ ಕಿಸ್ಸಿಂಗ್ ಹಾಗೂ ಬೋಲ್ಡ್ ಸೀನ್‌ಗಳ ಬಗ್ಗೆ ಪ್ರಶ್ನೆ ಮಾಡಲಾಗುತ್ತೆ. ಪ್ರತಿ ಬಾರಿ ಪ್ರಶ್ನೆ ಮಾಡಿದಾಗಲೂ ಕತ್ರಿನಾ ಕೈಫ್ ವಿವಾದಾತ್ಮಕ ದೃಶ್ಯದ ಬಗ್ಗೆ ಬೋಲ್ಡ್ ಆಗಿಯೇ ಉತ್ತರ ನೀಡಿದ್ದರು. "ಈ ದೃಶ್ಯದ ಬಗ್ಗೆ ಪ್ರತಿಕ್ರಿಯೆ ನೀಡುವುದಕ್ಕೆ ಏನಿದೆ? ಇಂತಹ ದೃಶ್ಯಗಳಲ್ಲಿ ಹೊಸದು ಏನಾದರೂ ಹೇಳುವುದಕ್ಕೆ ಏನಿಲ್ಲ. ನಾನು ಈ ದೃಶ್ಯದಲ್ಲಿ ನಟಿಸಿಲ್ಲ ಎನ್ನುವುದನ್ನು ತಳ್ಳಿಹಾಕುವುದಿಲ್ಲ. ಆದರೆ, ಈ ದೃಶ್ಯದಲ್ಲಿ ನಟಿಸುವುದು ನನಗೆ ಮುಜುಗರ ತರಿಸಿತ್ತು." ಎಂದು ಕತ್ರಿನಾ ಕೈಫ್ ಈ ಹಿಂದೆ ಹೇಳಿದ್ದರು.