ಜಾಹ್ನವಿ ಕಪೂರ್ ಕೇಳಿದ ಸಂಭಾವನೆಗೆ ತೆಲುಗು ಮಂದಿ ಫುಲ್ ಶಾಕ್: ರಶ್ಮಿಕಾಗಿಂತ ದುಬಾರಿ ಅಂತೆ!

NTR 30ಗೆ ಜಾಹ್ನವಿ ದುಬಾರಿ ಸಂಭಾವನೆ?

RRR ಅದ್ಧೂರಿ ಯಶಸ್ಸಿನ ಬಳಿಕ ಜೂ.ಎನ್‌ಟಿಆರ್ ಹೊಸ ಸಿನಿಮಾಗೆ ಸಜ್ಜಾಗುತ್ತಿದ್ದಾರೆ. ತನ್ನ 30ನೇ ಸಿನಿಮಾ ಕೂಡ ಪ್ಯಾನ್ ಇಂಡಿಯಾ ಆಗಿರುವುದರಿಂದ ಜಾರೂಕತೆಯಿಂದ ಸಿನಿಮಾವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಕೊರಟಾಲ ಶಿವ ಈ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದು, ಈ ಸಿನಿಮಾಗೆ ಜಾಹ್ನವಿ ಕಪೂರ್‌ ಬರುತ್ತಾರೆ ಅಂತ ಬಹಳ ದಿನಗಳಿಂದ ಓಡಾಡುತ್ತಿದೆ. ಇದೇ ವೇಳೆ ಜಾಹ್ನವಿ ಕಪೂರ್ ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣಗಿಂತಲೂ ಅನ್ನೋ ಸುದ್ದಿನೂ ಹರಿದಾಡುತ್ತಿದೆ.

ರಶ್ಮಿಕಾಗಿಂತ ದುಬಾರಿ ಜಾಹ್ನವಿ ಕಪೂರ್

ಇತ್ತೀಚೆಗೆ ದಕ್ಷಿಣ ಭಾರತದ ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿವೆ. ಹೀಗಾಗಿ ಎಲ್ಲರ ಗಮನ ದಕ್ಷಿಣ ನಾಲ್ಕು ಸಿನಿಮಾಗಳ ಮೇಲೆ ನೆಟ್ಟಿದೆ. ಜೂ.ಎನ್‌ಟಿಆರ್ 30ನೇ ಸಿನಿಮಾಗೆ ಜಾಹ್ನವಿ ಕಪೂರ್ ಬರೋದು ಬಹುತೇಕ ಕನ್ಫರ್ಮ್ ಎನ್ನಲಾಗಿದೆ. ಈ ಮಧ್ಯೆ ರಶ್ಮಿಕಾಗಿಂತ ಜಾಹ್ನವಿ ಕಪೂರ್ ದುಬಾರಿ ಅನ್ನೋ ಸುದ್ದಿ ಓಡಾಡುತ್ತಿದೆ. 'ಪುಷ್ಪ' ಸಿನಿಮಾಗೆ ರಶ್ಮಿಕಾ 5 ಕೋಟಿ ಸಂಭಾವನೆ ಪಡೆದಿದ್ದರಂತೆ. ಜಾಹ್ನವಿ ಕಪೂರ್ ಅದಕ್ಕಿಂತ ದುಬಾರಿ ಸಂಭಾವನೆ ಪಡೆಯುತ್ತಿದ್ದಾರಂತೆ.

'ಸೀತಾರಾಮಂ' ನಟಿಗೆಷ್ಟು ಸಂಭಾವನೆ

RRR ಸಿನಿಮಾಗೆ ಆಲಿಯಾ ಭಟ್ ದುಬಾರಿ ಸಂಭಾವನೆಯನ್ನು ಪಡೆದಿದ್ದರು. ಅದೇ 'ಸೀತಾರಾಮಂ' ಯಶಸ್ವಿ ಸಿನಿಮಾ ಕೊಟ್ಟಿರೋ ಮೃಣಾಲ್ ಠಾಕೂರ್‌ಗೆ ಒಂದು ಕೋಟಿ ಸಂಭಾವನೆ ನೀಡಲಾಗಿದ್ಯಂತೆ. ಈ ಬಾಲಿವುಡ್ ನಟಿಯ ಜನಪ್ರಿಯತೆಯ ಆಧಾರದ ಮೇಲೆ ಸಂಭಾವನೆ ನಿಗಧಿಯಾಗುತ್ತಿದೆ. ಹೀಗಾಗಿ ಜಾಹ್ನವಿ ಕಪೂರ್‌ಗೆ ಎಷ್ಟು ಸಂಭಾವನೆ ಕೊಟ್ಟಿದ್ದಾರೆ? ಅನ್ನೋದು ಅಧಿಕೃತವಾಗಿ ಹೊರಬೀಳಬೇಕಿದೆ.

ಬಾಲಿವುಡ್‌ನಲ್ಲಿ ಎರಡು ಸಿನಿಮಾಗಳಿವೆ

ಜಾಹ್ನವಿ ಕಪೂರ್ ಕೈಯಲ್ಲಿ ಬಾಲಿವುಡ್‌ನ ಎರಡು ಸಿನಿಮಾಗಳಿವೆ. 'ಮಿಲ್ಲಿ' ಸಿನಿಮಾ ಮೂಲಕ ಮೆಚ್ಚುಗೆ ಗಳಿಸಿದ್ದ ನಟಿ, 'ಬವಾಲ್' ಹಾಗೂ 'ಮಿಸ್ಟರ್ ಹಾಗೂ ಮಿಸ್ಸಸ್ ಮಹಿ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದ ಜೊತೆ ಟಾಲಿವುಡ್‌ಗೆ ಕಾಲಿಡುವುದಕ್ಕೆ ಸಜ್ಜಾಗಿದ್ದಾರೆ. ಒಂದು ವೇಳೆ ತೆಲುಗು ಸಿನಿಮಾಗಳಲ್ಲಿ ಯಶಸ್ಸು ಕಂಡರೆ, ಜಾಹ್ನವಿ ಕಪೂರ್‌ಗೆ ಪ್ಯಾನ್ ಇಂಡಿಯಾ ಸಿನಿಮಾಗಳಿಗೆ ಬೇಡಿಕೆ ಹೆಚ್ಚಾಗಲಿದೆ.